naaijar nadi

naaijar nadi ka pravaah kshetr

naaijar nadi pashchim afreeka ki pramukh nadi hai. neel aur kaango nadi ke baad yeh afreeka ki teesari sabse lambi nadi hai. naaijar nadi French guaana mein samudra se keval 175 meal door pahaadi kshetr se nikalkar samudra se vimukh hokar dakshini sahaara marusthal mein 2,600 meal bahne ke pashchaat dakshin ki or mudkar guaana ki khaadi mein girti hai. is nadi ki puraani dhaara ke chinh marusthal mein bahut door uttar tak milte hain. naaijar ki sabse mahatvapoorn sahaayak nadi 'benve', iske muhaane se 250 meal oopar milti hai. samudra mein milne se pehle naaijar kai dhaaraaon mein baintakar 1,400 varg meal kshetr mein delta banaati hai. delta mein, jo samudra ke kinaare 120 meal lamba hai, dhaan , ganna tatha kapaas ki achhi upaj hoti hai. naaijar mein 5,84,000 varg meal kshetr ka jal aata hai. yadyapi iski dhaara mein anginat chattaanein tatha jharane padte hain, tathaapi iska madhya bhaag chhoti naukaaon ke parivhan ka kaam deta hai. is nadi mein machhaliyaaain , magar tatha dariyaai ghode adhik milte hain.