naagareeprachaarini sabha

naagari prachaarini sabha
Nagari pracharini sabhaa bhavan.gif
sthaapana 16 July, 1893
sthaan kaashi, Varanasi, uttar pradesh
jaalasthal http://tempweb34.nic.in/xnagari

naagareeprachaarini sabha, hindi bhaasha aur saahitya tatha devanaagari lipi ki unnati tatha prachaar aur prasaar karanevaali Bhaarat ki agrani sanstha hai. bhaaratendu yug ke anantar hindi saahitya ki jo ullekhaneeya pravruttiyaaain rahi hain un sabke niyman, niyantran aur sanchaalan mein is sabha ka mahatvapoorn yog raha hai.

anukram

sthaapana

kaashi naagareeprachaarini sabha ki sthaapana 16 July, 1893 E. ko shyaamasundar das ji dvaara hui thi. yeh vah samay tha jab aaingareji, urdoo aur faarasi ka bolabaala tha tatha hindi ka prayog karanevaale badi heya drushti se dekhe jaate the. naagareeprachaarini sabha ki sthaapana kveens kaalej, Varanasi ke naveen kaksha ke teen chhaatron - babu shyaamasundar das, pan॰ raamanaaraayan mishr aur shivkumaar Singh ne kaalej ke chhaatraavaas ke baraamade mein baithakar ki thi. baad mein 16 July 1893 ko iski sthaapana ki tithi inheen mahaanubhaavon ne nirdhaarit ki aur aadhunik hindi ke janak bhaarateindu harishchandr ke fufere bhaai babu raadhaakrushn das iske pehle adhyaksh hue. kaashi ke saptasaagar muhalle ke ghudsaal mein iski baithak hoti theen. baad mein is sanstha ka svatantr bhavan bana. pehle hi saal jo log iske sadasya bane unamein mahaamahopaadhyaaya pan॰ sudhaakar Dwivedi, Ibrahim George griyrsan, anbikaadatt vyaas, chaudhari premaghan jaise Bhaarat khyaati ke vidvaan the.

tatkaaleen paristhitiyon mein sabha ko apni uddeshyapoorti ke liye aarambh se hi pratikoolataaon ke beech apna maarg nikaalna pada. kintu tatkaaleen vidvanmandal aur janasamaaj ki sahaanubhooti tatha sakriya sahayog sabha ko aarambh se hi milne laga tha, at: apni sthaapana ke anantar hi sabha ne bade thos aur mahatvapoorn kaarya haath mein lena aarambh kar diya.

kaarya evam upalabdhiyaaain

apni sthaapana ke anantar hi sabha ne bade thos aur mahatvapoorn kaarya haath mein lena aarambh kar diya. apne jeevan ke vigat varshon mein sabha ne jo kuchh kaarya kiya hai usaka sankshipt vivran nimnaankit hai :

raajabhaasha aur raajalipi

sabha ki sthaapana ke samay tak uttar pradesh ke nyaayaalayon mein angreji aur urdoo hi vihit thi. sabha ke prayatn se, jismein sv. mahaamana pan॰ madanamohan maalaveeya ka vishesh yog raha, san 1900 se uttar pradesh (tatkaaleen sanyukt pradesh) mein naagari ke prayog ki aajnyaa hui aur sarkaari karmachaariyon ke liye hindi aur urdoo donon bhaashaaon ka jaanana anivaarya kar diya gaya.

aaryabhaasha pustakaalaya

sabha ka yeh pustakaalaya desh mein hindi ka sabse bada pustakaalaya hai. sv. tha. gadaadharasinh ne apna pustakaalaya sabha ko pradaan kiya aur usi se iski sthaapana sabha mein san 1896 E. mein hui. visheshat: 19veen shataabdi ke antim tatha 20veen shataabdi ke aaranbhik varsho mein hindi ke jo mahatvapoorn granth aur patrapatrikaaeain chhapi theen unke sangrah mein yeh pustakaalaya bejod hai. is samay tak lagbhag 15,000 hastalikhit granth bhi iske sangrah mein ho gaye hain. mudrit pustakein dayooi ki dashamlav paddhati ke anusaar vargeekrut hain. iski upayogita ekamaatr isi tathya se spasht hai ki hindi mein shodh karanevaala koi bhi vidyaarthi jab tak is pustakaalaya ka aalokan naheen kar leta tab tak usaka shodhakaarya poora naheen hota. sv. pan॰ mahaaveeraprasaad Dwivedi, sv. jagannaathadaas 'ratnaakar', sv. pan॰ mayaashankar yaajnyaik, sv. dau॰ heeraanand shaastri tatha sv. pan॰ raamanaaraayan mishr ne apne apne sangrah bhi is pustakaalaya ko de diye hain jisse iski upaadeyata aur badh gayi hain.

hastalikhit granthon ki khoj

sthaapit hote hi sabha ne yeh lakshya kiya ki praacheen vidvaanon ke hastalekh nagaron aur dehaaton mein logon ke bethanon mein baindhe baindhe nasht ho rahe hain. at: san 1900 se sabha ne anveshakon ko gaaainv-gaaainv aur nagar-nagar mein ghar-ghar bhejkar is baat ka pata lagaana aarambh kiya ki kinke yahaaain kaun-kaun se granth upalabdh hain. uttar pradesh mein to yeh kaarya ab tak bahut vistrut aur vyaapak roop se ho raha hai. iske atirikt Punjab, Delhi, Rajasthan aur Madhya Pradesh mein bhi yeh kaarya hua hai. is khoj ki traivaarshik report bhi sabha prakaashit karti hai. san 1955 tak ki khoj ka sankshipt vivran bhi do bhaagon mein sabha ne prakaashit kiya hai. is yojana ke parinaamasvaroop hi hindi saahitya ka vyavasthit itihaas taiyaar ho saka hai aur anek agyaat lekhak tatha gyaat lekhakaan ki anek agyaat krutiyaaain prakaash mein I hain.

prakaashan

uttamottam granthon aur patrapatrikaaon ka prakaashan sabha ke moolabhoot uddeshyon mein raha hai. ab tak sabha dvaara bhinn-bhinn vishyon ke lagbhag 500 granth prakaashit ho chuke hain. traimaasik 'naagareeprachaarini patrika' sabha ka mukhapatr tatha hindi ki suprasiddh shodhapatrika hai. bhaarateeya itihaas, sanskruti aur saahitya vishyak shodhaatmak saamagri ismein chhapati hai aur nirvyavadhaan prakaashit hoti rahanevaali patrikaaon mein yeh sabse puraani hai. maasik 'hindi', 'vidhi patrika' aur 'hindi review' (angareji) naamak patrikaaeain bhi sabha dvaara nikaali gayi theen kintu kaalaantar mein ve band ho gayi. sabha ke ullekhaneeya prakaashanon mein hindi shabdasaagar, hindi vyaakaran, vaigyaanik shabdaavali, soor, tulasi, kabeer, jaayasi, bhikhaareedaas, padmaakar, jasavansinh, matiraam aadi mukhya mukhya kaviyon ki granthaavaliyaaain, kachahari-hindi-kosh, Dwivedi abhinandanagranth, sanpoornaanand abhinandanagranth, hindi saahitya ka itihaas aur hindi vishvakosh aadi granth mukhya hain.

hindi vishvakosh tatha hindi shabdasaagar

uparyukt kaaryon ke atirikt hindi vishvakosh ka pranayan sabha ne keindreeya sarkaar ki vitteeya sahaayata se kiya hai. iske baarah bhaag prakaashit hue hain. hindi shabdasaagar ka sanshodhan-parivrdhan keindreeya sarkaar ki sahaayata se sabha ne kiya hai jo das khandon mein prakaashit hua hai. yeh hindi ka sarvaadhik praamaanik tatha vistrut kosh hai. do anya chhote koshon 'laghu shabdasaagar' tatha 'laghutar shabdasaagar' ka pranayan bhi chhaatron ki aavashyakataapoorti ke liye sabha ne kiya hai. sabha devanaagari lipi mein bhaarateeya bhaashaaon ke saahitya ka prakaashan aur hindi ka anya bhaarateeya bhaashaaon ki lipiyon mein prakaashit karne ke liye yojanaabaddh roop se sakriya hain. premachand ji ke janmasthaan lamahi (Varanasi) mein unka ek smaarak bhi banavaaya hai.

paaribhaashik shabdaavali

8 varsh ke parishram se kaashi naagari prachaarani sabha ne 1898 mein paaribhaashik shabdaavali prastut ki. hindi mein paaribhaashik shabd nirmaan ke is sarvapratham sarvaadhik suniyojit, sansthaagat prayaas mein gujaraati, maraathi aur bangala mein hue isi prakaar ke kaaryon ka samuchit upayog kiya gaya. sabha ka yeh kaarya desh mein sabhi prachalit bhaashaaon mein vaigyaanik shabdaavali aur saahitya ke nirmaan ki shrunkhalaabaddh prakriya ka sootrapaat karanevaala siddh hua.

mudranaalaya

san 1953 se sabha apna prakaashan kaarya samuchit roop se chalaate rahane ke uddeshya se apna mudranaalaya bhi chala rahi hai. puraskaar padak - vibhinn vishyon ke uttamottam granth adhikaadhik sankhya mein prakaashit hote rahein, ise protsaahit karne ke uddeshya se sabha prati varsh kai puraskaar evam svarn tatha rajat padak granthakartaaon ko diya karti hai jinka hindeejagat mein atyant samaadar hai.

anyaanya pravruttiyaaain

apni samaanadharma sansthaaon se sanbandhasthaapan, ahindeebhaashi chhaatron ko hindi padhne ke liye chhaatravrutti dena, hindi ki aashulipi (shaartahaind) tatha tankan (type raaiting) ki shiksha dena, lokapriya vishyon par samay-samay par subodh vyaakhyaanon ka aayojan karna, praacheen aur saamayik vidvaanon ke tailachitr sabhaabhavan mein sthaapit karna aadi sabha ki anya pravruttiyaaain hain.

suprasiddh maasik patrika sarasvati ka shreeganesh aur uske sanpaadanaadi ki sampoorn vyavastha aarambh mein is sabha ne hi ki thi. akhil bhaarateeya hindi saahitya sanmelan ka sangathan aur sarvapratham usaka aayojan bhi sabha ne hi kiya tha. isi prakaar, sanprati hindu vishvavidyaalaya mein sthit Bhaarat kala bhavan naamak antararaashtreeya khyaatipraapt puraatatv aur chitrasangrah ka ek yug to sanrakshan, poshan aur sanvardhan yeh sabha hi karti rahi. antat: jab usaka svatantr vikaas yahaaain avaruddh hone laga aur vishvavidyaalaya mein usaki bhavishyonnati ki sambhaavana hui to sabha ne use vishvavidyaalaya ko hastaantarit kar diya.

svarn jayanti aur heerak jayanti

sanvat 2000 vi. mein sabha ne mahaaraaj vikramaaditya ki dvishassraabdi tatha apni svarnajayantiyaaain aur jeevan ke 60 varsh poore karne ke upalakshya mein san. 2010 mein apni heerakajayanti ke aayojan bade samaanrabhapoorvak kiye. in donon aayojanon ki sarvaadhik ullekhaneeya visheshata yeh rahi ki ye aayojan utsav maatr naheen the, pratyut in avsaron par sabha ne bade mahatvapoorn, thos tatha rachanaatmak kaaryon ka samaaranbh kiya. udaaharanaarth, svarnajayanti par sabha ne apna 50 varshon ka vistrut itihaas tatha naagareeprachaarini patrika ka vikramaank (do jildon mein) prakaashit kiya. 50 varshon ki khoj mein gyaat saamagri ka vivran evam Bhaarat kala bhavan tatha aaryabhaasha pustakaalaya mein sangruheet saamagri ki vyavasthit soochi prakaashit karne ki bhi usaki yojana theen, kintu ye kaarya khandash: hi ho paae. parivraajak svaami, satyadev ji ne apna aashram satyajnyaaan niketan isi avsar par desh ke pashchimi bhaagon mein prachaar kaarya ka kendra banaane ke nimitt, sabha ko daan kar diya. isi prakaar heerak jayanti par sabha ke 60 varsheeya itihaas ke saath hindi tatha anyaanya bhaarateeya bhaashaaon ke saahitya ka in 60 varshon ka itihaas, naareeprachaarini patrika ka visheshaank, hindi shabdasaagar ka sanshodhan-parivrdhan tatha aakar granthon ki ek pustakamaala prakaashit karne ki sabha ki yojana thi. yathochit raajakeeya sahayog bhi sabha ko sulabh hua, parinaamat: sabha ye kaarya samyak roop se sampann kar rahi hai.

sadarbh granth

  • ardhashataabdi itihaas, naagareeprachaarini sabha, kaashi
  • heerakajayanti granth, vahi;
  • naareeprachaarini sabha, kaashi ke vaarshik vivran san. 2011 se lekar 2019 tak.

inhein bhi dekhein

baahari kadiyaaain