naagar shaili

khajuraaho ke mandir naagar shaili mein nirmit hain.

naagar shaili uttar bhaarateeya hindu sthaapatya kala ki teen mein se ek shaili hai.

naagar shaili ka prasaar himaalaya se lekar vindhya parvat maala tak dekha ja sakta hai. vaastushaastr ke anusaar naagar shaili ke mandiron ki pehchaan aadhaar se lekar sarvochch ansh tak iska chatushkon hona hai. viksit naagar mandir mein garbhagruh, uske samaksh kramash: antaraal, mandap tatha arddhamandap praapt hote hain. ek hi aksh par ek doosare se sanlagn in bhaagon ka nirmaan kiya jaata hai.

'naagar' shabd nagar se bana hai. sarvapratham nagar mein nimaarn hone ke kaaran inhe naagar ki sanjnyaa pradaan ki gayi. shilpashaastr ke anusaar naagar mandiron ke aath pramukh ang hai -

  • (1) mool aadhaar - jis par sampoorn bhavan khada kiya jaata hai.
  • (2) masoorak - neenv aur deevaaron ke beech ka bhaag
  • (3) jangha - deevaarein (visheshakar garbhagruh ki deevaarein)
  • (4) kapot - kaarnis
  • (5) shikhar - mandir ka sheersh bhaag athva garbhagruh ka upari bhaag
  • (6) greeva - shikhar ka oopari bhaag
  • (7) vartulaakaar aamalak - shikhar ke sheersh par kalash ke neeche ka bhaag
  • (8) kalash - shikhar ka sheershabhaag

naagar shaili ka kshetr uttar Bhaarat mein narmada nadi ke uttari kshetr tak hai. parantu yeh kaheen-kaheen apni seemaaon se aage bhi vistaarit ho gayi hai. naagar shaili ke mandiron mein yojana tatha ooainchaai ko maapdand rakha gaya hai. naagar vaastukala mein vargaakaar yojana ke aarambh hote hi donon konon par kuchh ubhara hua bhaag prakat ho jaata hai jise 'ast' kehte hain. ismein chaandi samatal chhat se uthati hui shikha ki pradhaanata pai jaati hai. yeh shikha kala uttar Bhaarat mein saataveen shataabdi ke pashchaat viksit hui arthaat paramaar shaasakon ne vaastukala ke kshetr mein naagar shaili ko pradhaanata dete hue is kshetr mein naagar shaili ke mandir banavaaye.

is shaili ke mandir mukhyat: madhya Bhaarat mein paae jaate hai jaise -

  1. kandariya mahaadev mandir (khajuraaho)
  2. lingaraaj mandir - bhuvaneshvar (odisa )
  3. jagannaath mandir - puri (odisa )
  4. konaark ka soorya mandir - konaark (odisa )
  5. mukteshvar mandir - (odisa )
  6. khajuraaho ke mandir - madhya pradesh
  7. dilvaada ke mandir - Abu parvat (Rajasthan )
  8. somanaath mandir - somanaath (Gujarat)

inhein bhi dekhein