munshi sadaasukhalaal

munshi sadaasukhalaal (1746 - 1824) hindi lekhak the. khadi boli ke praarambhik gadyalekhakon mein unka aitihaasik mahatva hai. faarasi evam urdoo ke lekhak aur kavi hote hue bhi inhonne tatkaaleen shisht logon ke vyavahaar ki bhaasha ko apne gadya-lekhan-kaarya ke liye apnaaya. is bhaasha mein sanskrut ke tatsam shabdon ka prayog karke bhaasha ke jis roop ko inhonne upasthit kiya, usamein khadi boli ke bhaavi saahityik roop ka aabhaas milta hai. angrejon ke prabhaav se mukt inhonne us gadya parampara ka anusaran kiya jo raamaprasaad 'niranjani' tatha daulataraam se chali aa rahi thi.

jeevan parichay

Delhi nivaasi munshi sadaasukhalaal saral svabhaav ke haribhkt the. san‌ 1793 ke lagbhag ye company sarkaar ki naukri mein chunaar ke tahaseeladaar the. baad mein naukri chhodkar prayaag nivaasi ho gaye aur apna samay katha vaarta evam harichrcha mein vyateet karne lage. aapne shreemadbhaagavad ka anuvaad 'sukhasaagar' naam se kiya. apni rachana 'mutakhbuttavaareekh' mein apna jeevanavrutaant likha hai.

bhaasha shaili

khadi boli ka yeh roop 'bhaakha' naam se sambodhit kiya jaata tha. iske prati inka agaadh sneh tha. iseeliye faarasi mishrit gadya ki pratishtha hote hue dekh inhonne khed prakat karte hue likha tha 'rasmorivaaj bhaakha ka duniya se uth gaya'. lalloo laal tatha sadal mishr ne angrejon ki adheenata mein fort William kaalej mein gadyarachana ki. inki tatha munshi inshaaulla khaaain ki svatantr roop se 'svaant:sukhaaya' gadyarachana thi. in chaaron praarambhik gadyalekhakon ki bhaasha ka tulanaatmak adhyayan karne par ham dekhte hain ki lalloolaal ki bhaasha mein brajabhaasha ke roopon ki bharamaar hai. padyamaya vaakyavinyaas aur tukabandiyaaain hone ke kaaran vah vyavahaaraanukool aur sambaddh vichaaron ko vyakt karne mein yathesht saksham naheen hai. yadyapi munshi inshaaulla khaaain ne 'hindavi chhut kisi boli ka put na rahe' ke apne kathanaanusaar hindi ke atirikt kisi bhaasha ka put na rakhane ka nishchaya kiya tha, fir bhi apne lekhanakaushal ke pradarshan ki dhun mein chulbuli bhaasha mein urdoo ke dhang ka vaakyavinyaas rakhane aur saanupraas viraam ki chhata dikhaane ke lobh ka ve tyaag na kar sake. at: in chaaron praarambhik gadyalekhakon mein vyavahaaraanukool gadya likhne ka prayaas sadaasukhalaal tatha sadal mishr mein hi drushtigochar hota hai. parantu in donon gadyalekhakon mein kuchh aise dosh rah gaye the jinse inki gadyaparanpara ka aage anusaran na kiya ja saka tatha inka gadya, gadya saahitya ke itihaas mein aitihaasik ullekh maatr karne ke liye rah gaya.

munshi sadaasukhalaal ki bhaasha shisht hote hue bhi panditaaoopan liye hue thi. usamein 'jo hai so hai' 'nij roop mein laya hoojiye' 'bahut jaadha chook hui' svabhaav karke daitya kahaae', 'unheen logon se ban aave hai' jaise roopon ka baahulya hai. isi prakaar sadal mishr ki bhaasha mein poorveepan hai.

inhein bhi dekhein