muni

raag-dvesh-rahit santon, saadhuon aur rishiyon ko muni kaha gaya hai. muniyon ko yati, tapasvi, bhikshu aur shraman bhi kaha jaata hai. bhagavadgeeta mein kaha hai ki jinka chitt du:kh se udvign naheen hota, jo sukh ki ichha naheen karte aur jo raag, bhaya aur krodh se rahit hain, aise nishchal buddhivaale muni kahe jaate hain. vaidik rishi jungle ke kandamool khaakar jeevan nirvaah karte the.

jain muni

digmbar jain aachaarya ki pratima

jain granthon mein un nigranth maharshiyon ko muni kaha gaya hai jinki aatma sanyam mein sthir hai, saansaarik vaasanaaon se jo rahit hain aur jeevon ki jo raksha karte hain. jain muni 28 mool ganon ka paalan karte hain. ve ahinsa, satya, achaurya, brahmacharya aur aparigrah in paaainch vraton tatha irya (gaman mein saavadhaani), bhaasha, eshana (bhojan shuddhi), aadaananikshep (dhaarmik upakaran uthaane rakhane mein saavadhaani) aur pratishthaapana (mal mootr ke tyaag mein saavadhaani), in paaainch samitiyon ka paalan karte hain. ve paaainch indriyon ka nigrah karte hain, tatha saamaayik, chatuvinshatistav, vandan, pratikraman, pratyaakhyaan (tyaag) aur kaayotsarg (deh mein mamatv ka tyaag) in chhah aavashyakon ko paalate hain. ve keshalonch karte hain, nagn rahate hain, snaan aur daataun naheen karte, pruthvi par sote hain, trishuddh aahaar grahan karte hain aur din mein keval ek baar bhojan karte hain. ye sab milaakar 28 mool gun hote hain.

sandarbh

  • dashavaikaalik sootr; vattaker, moolaachaar; haribhdr, ashtakaprakaran.

inhein bhi dekhein