mukteshvar

mukteshvar uttaraakhand ke naineetaal jile mein sthit hai. yeh kumaaooain ki pahaadiyon mein 2286 meter (7500 feet) ki ooainchaai par sthit hai. yahaaain se nanda devi, trishool aadi himaalaya parvaton ki chotiyaaain dikhti hain. yahaaain ek pahaadi ke oopar shivji ka mandir hai jo ki 2315 meter ki ooainchaai par stith hai. yeh mandir 'mukteshvar mandir' ke naam se prasiddh hai. is mandir tak pahunchane ke liye lagbhag 100 seedhiyaan chadhni padti hain. yahaan Bhagwan Shiv ke saath brahma, vishnu, paarvati, hanumaan aur nandi ji bhi viraajamaan hain. mandir ke baahar langooron ka jamaavada laga rahata hai.

mandir ke paas chattaanon mein chauli ki jaali hai. ise 'chauthi ki jaali' bhi kehte hain. ye jagah mukteshvar mandir ke saath hi hai. yahaan bhi pahaad ki thodi-si chadhaai karke pahuncha ja sakta hai. aisa vishvaas hai ki yahaan devi aur raakshas ke beech yuddh hua tha. ye ek pahaad ki choti hai jiski sabse oopar waali chattaan par ek gol chhed hai. kaha jaata hai ki agar koi ni:santaan stri is chhed mein se nikal jaae to use santaan ki praapti hoti hai. pahaad ki choti se ghaati ka sundar najaara dikhta hai.

agar mausam saaf ho to mukteshvar mein himaalaya ki parvat chotiyon ke paachhe se ugate sooraj ka sundar najaara dekha ja sakta hai aur naalakanth, nandaadevi aur trishool aadi parvatashreniyaan bhi dekhi ja sakti hain.

yahaan Indian vetaranari research Institute hai jahaan jaanvaron par research ki jaati hai. ye Institute san‌ 1893 mein banavaaya gaya tha. yahaan ek myoojiym aur laaibreri bhi hai jahaan jaanvaron par research se sambandhit puraane samay ka samaan aur kitaabein surakshit rakhi gayi hain.

vaise to yahaan saal mein kabhi bhi jaaya ja sakta hai parantu yahaan jaane ka uchit samay March se June aur October se November tak hai. agar garmiyon mein yahaan jaaen to halke ooni kapde aur sardiyon mein jaaen to bhaari ooni kapde saath le jaaen.

garmiyon mein yahaan ka adhiktam taapamaan 30 degree celcius aur nyoonatam 15 degree aur sardiyon mein adhiktam taapamaan 23 degree celcius aur nyoonatam 0 degree celcius tak rahata hai. January mein yahaan barfabaari bhi ho jaati hai.


choonki mukteshvar ek chhota-sa hil station hai isliye yahaan rahane aur khaane ke dher saare opshan to naheen mileinge par rahane-khaane ki koi pareshaani bhi naheen hoti hai. mukteshvar ke aas-paas dekhne ke liye dher saari jagah hain. yahaan se almoda, binsar aur naineetaal paas hi hain. agar chaahein to mukteshvar jaate hue ya mukteshvar se vaapis aate hue bheemataal par boting ka aanand liya ja sakta hai.

mukteshvar jaaen to yahaan milne waali sookhi aaloo ki sabji aur pyaaj ke pakaude jaroor traai karein. pyaaj ke pakaude to chatani ke saath khaae jaate hain, jabki aaloo ki chatapati sookhi sabji aise hi bina chapaati ke khaai jaati hai.

kumaaoon ki pahaadiyon mein basa mukteshvar uttaraakhand ka ek khoobsoorat hil station hai jo Delhi se kareeb 350 kilometer ki doori par sthit hai. Delhi se sadak maarg dvaara muraadaabaad-haldvaani-kaathagodaam-bheemataal hote hue lagbhag aath ghante ki drive karke mukteshvar pahuncha ja sakta hai.

relamaarg se jaana chaahein to Delhi se kaathagodaam tak seedhi rel seva hai. kaathagodaam se aage mukteshvar tak ka 73 kilometer ka safar poora karne ke liye kaathagodaam se hi bas ya taxi aasaani se mil jaati hain. agar vaayu maarg se jaana chaahein to najadeeki havaaiadda pantanagar hai jo mukteshvar se lagbhag 100 kilometer pehle hai.

baahari kadiyaaain