mukt srot

free evam mukt srot software ka saiddhaantik aarekh

mukt srot (angreji:open sors) kisi bhi saamagri ke utpaadan, vistaar evam vikaas ki vah prakriya hai jismein utpaadan ki prakriya poori tarah se khuli vyavastha hoti hai. ismein srot ko prakaashit kiya evam badhaava diya jaata hai. is vichaaradhaara ke aarambh ke samay yeh keval computer software tak hi seemit thi, jiske antaragat vibhinn software ke sors code ko ni:shulk vitrit kiya jaata tha aur is prakaar upayokta ki pahunch software ke sors code tak hoti thi.[1] iske antargat upayoktaaon ko kisi bhi anuprayog ke vikaas ki prakriya mein bhaag lene, ise badalne va ismein kisi bhi prakaar ka sudhaar kar fir swayam vitrit karne ka adhikaar bhi milta tha.[1] is prakaar use koi bhi vyakti apni suvidhaanusaar naye aur parivrtit software ko banaane ke liye prayog karne hetu mukt hota tha. iske kisi prakaar ke prayog par koi nishedh naheen hota hai.[2] is tarah se open sors keval softaveyar tak seemit na rahakar har prakaar ki rachana tak pahunch gaya hai, jaise lekh, chitr, sangeet aur chalachitr aadi.[3]

software udyog mein mukt srot ka vichaar sarvapratham 1990 ke dashak mein aaya tha, jab kai companiyon ne apne software, prachaalan tantr aadi mukt srot roop mein jaari kiye the. iska aarambh laaineks se hua tha. pehli baar vruhat star par 1998 mein dikha jab nevigetar (mojila) ka sors code jaari kiya. iske kai star hote hain. kai companiyaan mukt srot ko jaari karte samay uske saath kuchh kuchh pratibandh ya shartein aadi laga deti hain taaki usaka durupayog na ho sake. mukt srot ka mukhya laabh hota hai ki upabhokta ke paas iska sors kord upalabdh hone ke kaaran vah iska prayog apni ichha aur aavashyakataanusaar kar sakta hai. eppal aadi kai companiyaan apni takaneekon ko mukt srot license ke dvaara jaari karti hain jiske aivaj mein upabhoktaaon se vo paise leti hain.[2] lagbhag ek varsh poorv baajaar mein Google phone aaya tha jismein endrauyad operating system ka prayog kiya gaya tha. iska prachaalan tantr bhi mukt srot hi tha aur jismein devalapar parivartan karke iske prakaaryon aur kuchh suvidhaaon ko ko badha aur ghata bhi sakte the, jaise phone ke media player mein ichhaanusaar parivartan karna sambhav tha.

mukt srot ke peechhe ka uddeshya hai, ki kisi bhi utpaad ke baare mein vikaas aur usamein nihit trutiyaan aur kamiyaan jitni adhik aur jaldi upayokta bata sakte hain, utana adhik uske nirmaata naheen kar sakte hain. nirmaataagan maatr seemit disha mein hi soch sakte hain, kintu badi sankhya mein upayokta aseemit aayaamon sahit vikaas kar sakte hain, jinko adhyayan kar baad mein nirmaataaon ka vikaas anubhaag naya aur utkrusht varjn nikaal sakte hain. links, vikipeediya, fedora, faayarafauks aadi ki safalta ne mukt srot ki vichaaradhaara ko mukhyadhaara mein la diya hai.[1] vartamaan yug mein ye pranaali sauftaveyaron ke alaava bahut jagah prayog ki jaane lagi hai. iska ek jeevant udaaharan hai vikipeediya. ise koi bhi kabhi aur kaheen bhi sanpaadit kar sakta hai. jiska adhyayan kar prabandhakavarg sanshodhit sanskaran nikaalate rahate hain aur dhvansakaari badlaav vaapas karte rahate hain.

sandarbh

  1. a aa i kya hai open sors aandolan?. daits hindi.26 May, 2009. raajesh ranjan.
  2. a aa open sors.Hindustan live.5 November, 2009
  3. kaaryaatmak samooh : mukt srot (open sors) software. soochana evam pustakaalaya network kendra.

inhein bhi dekhein

baahari kadiyaan