mukhtaaranaama

mukhtaaranaama ya adhikaar patra (power of attorney (POA) ya letter of attorney) ek likhit dastaavej hai jismein koi vyakti kisi doosare vyakti ko yeh adhikaar deta hai ki vah uske kisi niji kaarya, vyaapaar ya kisi kaanooni kaarya ke liye usaka pratinidhitv kare (arthaat usaki or se kaarya kare). jisko yeh adhikaar diya jaata hai use mukhtaar ya etaarni (attorney) kehte hain.

adhikaar patra ke sambandh mein kaanoon, ejensi kaanoon ke antargat banaaya gaya hai. adhikaar patra ek likhit saadhan hai jo ki kisi vyakti ko uske likhne vaale vyakti ki jagah kaarya kar sakane ka adhikaar deta hai. yeh nimn do prakaar ka hota hai -

  • (1) vishesh adhikaar patra (Specific Power of Attorney) - vishesh adhikaar patra koi vishesh kaarya ke liye kisi ko diya jaata hai. udaaharan ke liye, kar adhikaari ke samaksh company ke rajistraar ke samaksh kaagajaat lekar prastut hone ke liye ya dastaavejon ke panjeekaran karne hetu up-rajistraar ke sammukh prastut karne hetu.
  • (2) saadhaaran adhikaar patra (General Power of Attorney)—
  • (k) vilekh patra jama karne se sambandhit sabhi kaaryon ke liye jo ki notari ya pratham shreni magistrate ke samaksh hastaaksharit kiye ja sakte hain aur jama kiye ja sakte hain.
  • (kh) aisa adhikaar patra panjeekrut bhi kiya ja sakta hai.
  • (g) yadi koi aparivrtaneeya adhikaar patra jismein ek ejensi aur bhaarateeya anubandh kaanoon, 1872 ki dhaara 202 ke anusaar hit (Interest) waali ejensi se sambandhit hai to iske panjeekaran ke liye aavashyak mudraank kar dena hoga.
  • (gh) uparyukt (g) mein varnit adhikaar patra ke panjeekaran ke baad ise saarvajanik soochana mein aur pustak-I mein darj karna aavashyak naheen hai. ise baad mein bhaaragrastata pramaan patra mein bhi naheen darj kiya jaaega.

inhein bhi dekhein

  • vakaalatanaama
  • vaseeyat
  • vaseeyatanaama
  • vilekh (deed)

baahari kadiyaaain