mugl udyaan, Delhi

mugal udyaan, raashtrapati bhavan
Mughal-garden.jpg
mugal udyaan, raashtrapati bhavan nai Delhi
saamaanya jaankaari
sthaapatya kala paramparaagat bhaarateeya shaili, bina motif
kasba ya shahar Delhi
desh Bhaarat
nirdeshaank 28°a30′aN 77°a18′aE / 28.5°aN 77.3°aE / 28.5; 77.3
nirmaan aarambh 1912
poorn 1929
laagat rupaye
design aur nirmaan
graahak Bhaarat sarkaar
vaastukaar edvin laindasiyr lootyans

Bhaarat ki rajdhani nai Delhi mein raashtrapati bhavan ke peechhe ke bhaag mein sthit mugal udyaan apne kism ka akela aisa udyaan hai, jahaan vishvabhar ke rang-birange foolon ki chhata dekhne ko milti hai. yahaan vividh prakaar ke foolon aur falon ke pedon ka sangrah hai. Bhaarat ke pratham raashtrapati dau॰raajeindr prasaad ne is udyaan ko jan saadhaaran ke darshan hetu khulavaaya tha. is udyaan ko dekhne vaalon ki sankhya prativrsh badhti ja rahi hai. 23 January,09 ko yahaan 95,537 darshak aae the[1]. iski abhiklpana british vaastukaar sar edavin lutiyans ne ledi haardig ke aadesh par ki thi. 13 ekad mein faile is udyaan mein british shaili ke sang-sang aupachaarik mugal shaili ka mishran dikhaai deta hai.[2] yeh udyaan chaar bhaagon mein banta hua hai aur chaaron ek doosare se bhinn evam anupam hain. yahaan kai chhote-bade bageeche hain jaise parl garden, bataraflaai garden aur sakarular garden, aadi. bataraflaai garden mein foolon ke paudhon ki bahut si panktiyaan lagi hui hain. yeh maana jaata hai ki titliyon ko dekhne ke liye yeh jagah sarvottam hai. mugal udyaan mein anek prakaar ke fool dekhe ja sakte hain jismein gulaab, geinda, sveet William aadi shaamil hain. is baag mein foolon ke saath-saath jadi-bootiyaan aur aushadhiyaan bhi ugaai jaati hain. inke liye ek alag bhaag bana hua hai, jise aushadhi udyaan kehte hain. mugal udyaan vasant ritu mein ek maah ke liye paryatakon ke liye khulata hai.

anukram

sthaapatya

mukhya udyaan mugal garden ka samase bada bhaag hai, jise pees the rejistens kehte hain. yeh 200 mi. lamba va 175 mi.chauda hai. iske uttar aur dakshin mein teres garden hain aur iske pashchim mein ek tennis court tatha laung garden hain. yahaan se do naharein uttar se dakshin va do naharein poorv se pashchim ko bahti hain, jinke beech mein sangam par 6 favvaare kamal ke aakaar ke bane hue hain. ye naharein baag ko chaar bhaagon mein vibhaajit karti hain. yaheen mugal vaastu ki chaar baag shaili ka aabhaas hota hai. in kamal favvaaron se 12 feet ki oonchaai tak paani ki dhaar uthati hai. nahar ke kendra mein ek lakdi ki tre mein chidiyon ke liye daane bhi daale jaate hain.[2]

banaavat ke aadhaar par mugal garden ke chaar bhaag hain[3][4]-

  • chaturbhuj aakaar: yeh udyaan mukhya bhavan se sata hua hai. ise chaar bhaagon mein baanta gaya hai. udyaan ke madhya bhaag mein raashtrapati dvaara svaagat samaarohon aur preeti bhojon ka aayojan kiya jaata hai. yeh kuchh kuchh mugal sthaapatya ke chaar baag shaili ka aabhaas deta hai.
  • lamba udyaan: yahaan se hokar vruttaakaar udyaan ke liye raasta jaata hai. lambe udyaan mein gulaabon ke lambe-lambe galiyaare hain jinmein taraashi gayi chhoti-chhoti chhatareenuma jhaadiyaaain hain, jo dekhne mein aisi prateet hoti hai, jaise ek khoobsoorat rangeen vishaal galeecha bichha ho. vruttaakaar udyaan ko parl garden ya bataraflaai garden bhi kaha jaata hai. rangon ki chhata bikherate is udyaan mein beech-beech mein harit pattiyaan hain aur iske madhya mein ek favvaara bhi hai.
  • parda garden : oonchi-oonchi deevaaron se ghira mukhya udyaan ke pashchim mein hai. ismein chhoti-chhoti taraashi gayi jhaadiyon se ghire gulaabon ke vargaakaar udyaan hain. iske deevaaron ke kinaare-kinaare khoobsoorat China oreinj ke vruksh hai. falon ke mausam mein in vrukshon par aabhooshanon jaise najar aate falon ki sankhya pattiyon se kaheen jyaada ho jaati hai.
  • vruttaakaar udyaan: yeh pashchimi kinaare par sthit hai. is mein saal bhar khilte rahane vaale anek prajaati ke fooladaar paudhe hain. is udyaan ke madhya mein sthit favvaara iski khoobsoorti mein chaar chaaaind laga deta hai. yahaan lage sangeetamaya favvaron mein romaanchak favvaaron ke aise jode hain, jinse shahanaai ka sangeet aur vande maataram ki ghun niklati hai. saath hi ye favbaare sangeet ke saath utarate aur chadhte hain.

mugal shaili viksit kiya gaya yeh udyaan chh: hekteyar kshetr mein faila hai.[4] udyaan ko raashtrapati bhavan ke pichhvaade isliye rakha gaya hai, kyonki mugalon ke baag-bageeche mahal ke peechhe hi hua karte the. isliye Edward lutiyns ne keval iska roopaankan hi naheen kiya, balki mugalon ki soch ko bhi usi tarah banaaye rakha.

itihaas

1911 mein jab angrejon ne tay kiya ki rajdhani Calcutta se Delhi le aaen to unhonne Delhi design karne ke liye prasidhd angrej vaastukaar Edward lutiyns ko England se Bhaarat bulaaya. unhonne Delhi aakaar vaayasaraaya house ke liye raayaseena ki pahaadi ka chayan kiya. use kaatkar vaayasaraaya house (jise ab raashtrapati bhavan kehte hain), ka jo naksha taiyaar kiya usamein bhavan ke saath-saath baag-bageecha to tha, lekin vah british shaili ke the. tatkaaleen vaairarauya Lord haarding ki patni ledi haarding ne tab yahaan bhaarateeya shaili ke udyaanon ka prastaav diya aur fir mugal udyaan ki parikalpana bhi ki.[4] unhonne shreenagar mein nishaat baag aur shaaleemaar baag dekhe the, jo unhein bahut bhaaye. bas tabhi se mugal udyaan shaili unke man mein baith gayi thi. vah in baagon se is tarah romaanchit ho uthi theen ki vaayasaraaya house mein mugal garden ko saakaar hote dekhna chaahati theen. unhonne lutiyns ke saamane apni baat rakhi. vaastukaar lutiyns ledi haarding ka bahtu sammaan karte the. isliye vaayasaraaya house mein mugal udyaan ki unki parikalpana ko saakaar roop dene ko mana naheen kar sake. unhonne Jammu-Kashmir ke khoobsoorat udyaanon, Tajmahal ke udyaan tatha paarasi aur bhaarateeya chitrakaariyon se prerit hokar in udyaanon ka khaaka taiyaar kiya. san 1928 mein Lord irvin ne is vaayasaraaya house mein shaanoshaukat ke saath kadam rakha. unhein lutiyns dvaara design kiya gaya bhavan aur pariklpit mugal udyaan bahut bhaaya. tabhi se is udyaan ko mugal udyaan naam mila.

svatantrata uparaant

chitr:Mughlef44.jpg
‎avruttaakaar udyaan

san 1947 mein Bhaarat ki svatantrata uparaant vaayasaraaya house ka naam badalkar raashtrapati bhavan kar diya gaya. kuchh naamon ko badal dene ke sivaaya lutiyns dvaara roopaankit kiya gaya yeh bhavan jaisa tha, vaisa hi aaj bhi hai. mugal udyaan mein bhi koi khaas badlaav naheen aaya, sivaaya kuchh baagavaani sambandhit sudhaaron ke. Bhaarat ke ab tak jitne bhi raashtrapati hue hain, unke mutaabik ismein kuchh na kuchh badlaav avashya hue hain.[4] pratham raashtrapati, dau॰ Rajendra prasaad ne is garden mein koi badlaav naheen karaaya lekin unhonne is khaas baag ko janta ke liye kholne ki baat ki. unheen ki vajah se prati varsh madhya-February se madhya-March tak yeh aakarshak garden aam janta ke liye khola jaata hai. dau॰ jaakir husain gulaabon ke atyant shaukeen the. unhonne desh-videsh se gulaab ki kai kismein mangavaakar yahaan lagavaai. dau॰ vi.vi.giri aur shri neelam sanjeev Reddy ki baagon tatha baagavaani mein khaas dilchaspi naheen theen, fir bhi ve baag karmachaariyon ki mehnat se khile foolon ko dekhkar, unki saraahana karte rahate the.

chitr:Mughalgarden with kalam.jpg
poorv raashtrapati A.pi.J.abdul kalaam, udyaan mein ghoomate hue.

gyaani jail Singh ko mugal garden khoob bhaaya. ve subah 5 baje hi naha-dhokar is bageeche mein sair ke liye aa jaaya karte the. yahaan par unke sachiv unhein guravaani tatha raamaayan ka paath sunaaya karte the. yahaan par jo deliya apni Manmohan chhata bikher raha hai, vah unheen ke prayaason se Calcutta ke Rajbhavan se yahaan laaya gaya. shri aar Venkatraman ne bhi apni pasand ke kuchh foolon ke paudhon ko yahaan lagaaya tha. ve yahaan subah-shaam khaali samay mein ghooma karte the. shri fakharooddeen Ali Ahmad ko koi khaas dilchaspi is baag mein naheen thi, lekin begam aabida ko yeh garden bahut bhaaya. ve ghanton is baag mein foolon ko nihaarati, unase baatein kiya karti aur dhoom-ghoom kar pratyek kyaari mein jaakar unki dekhbhaal karti theen. ikebaana unheen ki vajah se is baag ki shobha badha raha hai. dau॰ shankar dayaal sharma ko foolon se adhik unki khushboo se pyaar tha. unhonne baag mein anek khushaboodaar foolon ko lagaane par jor diya tha. champa, chameli, harasingaar jaise theth bhaarateeya fool isi dauraan is baag mein lagaae gaye. shri ke.aar.Narayanan mahodaya ko bhi foolon se jyaada lagaav naheen tha, fir bhi ve kabhi-kabhaar baag mein tahalane jaroor jaate the aur foolon ko bade gaur se nihaarate the. unhe foolon ki khushboo bahut achhi lagti thi.

dau॰ A.pi.J. abdul kalaam ek mahaan vaigyaanik ke saath-saath prakruti premi bhi rahe hain. unhein is baag ke bonsaai ped bahut achhe lagte the. ve lagbhag pratidin is baag mein sair karne aate the. unhein foolon se bhi bahut lagaav raha. ve chaahate the ki is udyaan ka kona-kona aisa ho jahaan koi na koi fool mahak raha ho.

foolon ki kismein

yahaan bone nat va okalaahoma sahit akele gulaab ki hi 250 se bhi adhik kismein hain. okalaahoma gulaab ke fool ka rang lagbhag kaala hai. neele gulaab ki prajaatiyon mein pairaadaaij, blyoomoon aur ledi ex shaamil hain. yahaan hare rang ke gulaab ki bhi kismein hai.[4] maulashri, putranjeev, saroo, junipr, China aureinj jaise vrukshon se hamesha hara-bhara rahane wala is udyaan mein kai prakaar ke durlabh foolon ki bahaar dekhne ko milti hain. guladaaudi ki 125, bauganaviliya ki 50 se adhik kismon ko yahaan dekha ka sakta hai. geinde ki jitni kismein yahaan hain shaayad hi aur kaheen dekhne ko milti hon. daheliya ke pedon ki bhi alag hi chhata hai. inke alaava yahaan bonasaai ka bhi prayog kiya gaya hai. kuchh to aise bhi hain, jinki aayu 50-60 varsh se bhi adhik hai. yahaan kailendula entirhinm, elism, dimorafotheka, esolajhiya, laarksapar, gajeniyaan, gerabera, godetiya, laaineriya, mesamabraainthemam, braasikm, metuseriya, verabena, viola, painsi, stock tatha dahaliya, kaaraneshan aur sveetapi jaise sardiyon mein khilne vaale foolon ki bhi bahutaayat hai.

mugal udyaan har varsh February-March ke maheene mein vasant ritu mein aam janta ke liye khola jaata hai. yahaan somvaar ke alaava sabhi dinon par subah 9:30 baje se dopahar 2:30 baje tak darshak aa sakte hain. is udyaan mein aane aur jaane ke raas‍aaton ko raash‍aatrapati aavaas ke gate number 35 se viniymit kiya jaata hai, jo church road ke pashchimi sire par North even‍aayoo ke paas sthit hai.[2]

chitr deergha

baahari kadiyaaain

sandarbh

  1. over 95,000 peepal vijited mugal garden. the hindu. 23 fravari 2009
  2. a aa i raash‍aatrapati bhavan. Bhaarat ke baare mein jaanein. raash‍aatreeya portal vishyavas‍aatu prabandhan dal
  3. vikimaipiya par dekhein
  4. a aa i E u vishisht bhavan ka adviteeya udyaan : mugalagaardan. gopaalasinh bisht