mudranaalaya

san 1811 ka ek printing press, munik (Germany) se

mudranaalaya, printing press, chhaapaakhaana ya chhapaai ki press ek yaantrik yukti hai jo daab daalkar kaagaj, kapde aadi par print karne ke kaam aati hai. kapda ya kaagaj aadi par ek syaahi-yukt satah rakhakar usapar daab daala jaata hai jisse syaaheeyukt satah par bani chhavi ulte roop mein kaagaj ya kapde par chhap jaati hai.

chhapaai ki press ki rachana sabse pehle Germany ke johaan gutenabarg (Johann Gutenberg) ne san 1439 mem ki thi. lakdi ke thappon (woodblock printing) evam moovebal type (movable type) se chhapaai ki takaneek kuchh sau varsh pehle se hi cheen mein vidyamaan thi. lekin ve gutanabarg ki tarah ek daabak (press) ka prayog naheen karte the. gutanabarg ke press par aadhaarit chhapaai ki vidhi yorap mein badi teji se faili. iske baad vah saare sansaar mein fail gayi. antat: printig press ne chhapaai ki paramparaagat vidhiyon (thappe evam moovebal type aadi) ko ukhaad feinka. isi prakaar baad mein ofaset chhapaai ke aa jaane ke baad printing press bhi jaata raha.

printing press ke aavishkaar se soochana evam gyaan ke prasaar mein ek kraanti aa gayi. isaliye printing press ka aavishkaar ek mahaan aavishkaar maana jaata hai. aisa maana jaata hai ki pehle bhaasha ka prayog, uske baad lipi evam lekhan ka prayog evam uske baad pranting press ka aavishkaar, gunaatmak roop se duniya ke teen sabse bade aavishkaar hain jinhone gyaan evam vidya ke prasaar evam vikaas mein bhaari yogadaan kiya. isi kadi mein chautha aavishkaar antarajaal ko maana jaata hai.

inhein bhi dekhein

baahari kadiyaaain