mrudula garg

mrudula garg
Mridula garg.jpg
mrudula garg
janm: 25 October, 1938
Kolkata
kaaryakshetr: hindi saahitya
raashtreeyata: bhaarateeya
bhaasha: hindi
kaal: aadhunik
vidha: stambh, naatak, nibandh, kahaani, upanyaas

mrudula garg (janm:25 October, 1938)[1] Kolkata mein janmi, hindi ki sabse lokapriya lekhikaaon mein se ek hain. upanyaas, kahaani sangrah, naatak tatha nibandh sangrah sab milaakar unhonne 20 se adhik pustakon ki rachana ki hai. 1960 mein arthashaastr mein snaatakottar upaadhi lene ke baad unhonne 3 saal tak Delhi vishvavidyaalaya mein adhyaapan bhi kiya hai.

unke upanyaason ko apne kathaanak ki vividhta aur nayepan ke kaaran samaalochakon ki badi sveekruti aur saraahana mili. unke upanyaas aur kahaaniyon ka anek hindi bhaashaaon tatha jarman, check, Japani aur aaingreji mein anuvaad hua hai. ve stanbhakaar rahi hain, paryaavaran ke prati sajagata prakat karti rahi hain tatha mahilaaon tatha bachchon ke hit mein samaaj seva ke kaam karti rahi hain. unka upanyaas 'chitkobara' naari-purush ke sambandhon mein shareer ko man ke samaantar khada karne aur is par ek naareevaad ya purush-pradhaanata virodhi drushtikon rakhane ke liye kaafi charchit aur vivaadaaspad raha tha.[2] unhonne India tude ke hindi sanskaran mein lagbhag teen saal tak kataaksh naamak stambh likha hai jo apne teekhe vyangya ke kaaran khoob charcha mein raha. ve sanyukt raajya America ke Columbia vishvavidyaalaya mein 1990 mein aayojit ek sammelan mein hindi saahitya mein mahilaaon ke prati bhedabhaav vishay par vyaakhyaan bhi de chuki hain.

unhein hindi academy dvaara 1988 mein saahityakaar sammaan, uttar pradesh hindi sansthaan dvaara saahitya bhooshan sammaan, 2003 mein sooreenaam mein aayojit vishv hindi sammelan mein aajeevan saahitya seva sammaan, 2004 mein kathagulaab ke liye vyaas sammaan tatha 2003 mein kathagulaab ke liye hi jnyaaanapeeth ka vaagdevi puraskaar, varsh 2013 ka saahitya academy puraskaar hindi unki kruti 'miljul man' upanyaas ke liye pradaan kiya gaya hai. uske hisse ki dhoop upanyaas ko 1975 mein tatha jaadoo ka kaaleen ko 1993 mein madhya pradesh sarkaar dvaara puraskrut kiya gaya hai.[3]

unke chhah upanyaas- uske hisse ki dhoop, vanshaj, chittakobara, anitya, main aur main tatha kathagulaab, gyaarah kahaani sangrah- kitni kaidein, tukada tukada aadmi, daifodil jal rahe hain, gleshiyr se, urf saim, shahar ke naam, charchit kahaaniyaaain, samaagam, mere desh ki mitti aha, sangati visangati, joote ka jod gobhi ka tod, chaar naatak- ek aur ajnabi, jaadoo ka kaaleen, teen kaidein aur saamadaam dand bhed, do nibandh sangrah- nibandh sangrah- rang dhang tatha chukate naheen savaal, ek yaatra sansmaran- kuchh atake kuchh bhatake tatha ek vyangya sangrah- kar leinge sab hajm prakaashit hue hain.

prasiddh pustakein

  • anitya (upanyaas -1980)
  • urf saim (kathaasangrah -1986)
  • uske hisse ki dhoop (upanyaas -1975)
  • ek aur ajnabi (naatak -1978)
  • ek yaatra sansmaran- kuchh atake kuchh bhatake (lalit lekhasangrah)
  • kathagulaab (upanyaas -1996)
  • kar leinge sab hajm (vyangya -2007)
  • kitni kaidein (kathaasangrah -1975)
  • khed naheen hai (vyangya -2009)
  • gleshiyr se (kathaasangrah -1980)
  • charchit kahaaniyaaain (kathaasangrah -1993)
  • chittakobara (upanyaas -1979)
  • chukate naheen savaal (lalit lekhasangrah -1999)
  • chhat par dastak (kathaasangrah -2006)
  • jaadoo ka kaaleen (naatak -1993)
  • joote ka jod gobhi ka tod (kathaasangrah -2006)
  • tukada tukada aadmi (kathaasangrah -1976)
  • daifodil jal rahe hain (kathaasangrah -1978)
  • teen kaidein (naatak -1996)
  • das pratinidhi kahaaniyaaain (kathaasangrah -2007)
  • manjoor naamanjoor (premakatha -2007)
  • miljul man (upanyaas -2009)
  • mrudula garg ki yaadagaari kahaaniyaaain (kathaasangrah -2010)
  • mere desh ki mitti aha (kathaasangrah 2001)
  • main aur main (upanyaas -1984)
  • rang dhang (lalit lekhasangrah -1995)
  • vanshaj (upanyaas -1976)
  • shahar ke naam (kathaasangrah -1990)
  • sangati visangati (kathaasangrah, do khand -2003)
  • samaagam (kathaasangrah -1996)
  • saamadaam dand bhed (baalanaatak -2011)

sandarbh

baahari kadiyaaain