mruda pareekshan

krushi mein mruda pareekshan ya "bhoomi ki jaaainch" ek mruda ke kisi namoone ki raasaayanik jaanch hai jisse bhoomi mein upalabdh poshak tatvon ki maatra ke baare mein jaankaari milti hai. is pareekshan ka uddeshya bhoomi ki urvarakata maapana tatha yeh pata karna hai ki us bhoomi mein kaun se tatvon ki kami hai.

anukram

mruda parikshan kyon?

mruda poshak tatvon ka bhandaar hai tatha paudhon ko seedhe khada rahane ke liye sahaara deti hai. paudhon ko apna jeevan chakr poora karne ke liye 16 poshak tatvon ki aavashyakta hoti hai. ye tatv hai :

mukhya tatv

kaarban, haaidojan, aakseejan, natrajan, faasforas, pothaash, kailsishyam, maigneeshiym.

sookshm tatch

jasta, maigneej, taaainba, lauh, boron, molibdenam va kloreen.

in sabhi tatvon ka santulit maatra mein prayog karne se hi upayukt paidaavaar li ja sakti hai.

yadi kisi bhandaar se keval nishkaasan hi hota rahe aur usamein nishkaasit maatra ki poorti na ki jaaya jo kuchh samay baad vah bhandaar khaali ho jaata hai. theek yahi dasha hamaare mruda ki hai. lagaataar fasal utpaadan mein vrudvi evam badati saghan kheti ke parinaam svaroop poshak tatvon ka hraas bhi bad raha hai. parantu urvarakon evam raasaayanik khaadon dvaara unki poorti poori tarah se naheen ho pa rahi hai. jisse hamaari bhoomi ki urvara shakti ksheen hoti ja rahi hai.

mruda parikshan ke uddeshya

  • mruda ki urvara shakti ki jaanch karke fasal va kism vishesh ke liye poshak tatvon ki santulit maatra ki sifaarish karna tatha yeh maargadarshan karna ki urvarak va khaad ka prayog kab aur kaise karein.
  • mruda mein lavanata, kshaareeyata tatha amaleeyata ki samasya ki pehchaan va jaanch ke aadhaar par bhoomi sudhaarakon ki maatra va prakaar ki sifaarish kar bhoomi ko fir se krushi yoÉaaya banaane mein yogadaan karna.
  • falon ke baag lagaane ke liye bhoomi ki upayuktata ka pata lagaana.
  • kisi gaanv, vikaas khand, tahaseel, jila, raajya ki mrudaaon ki urvara shakti ko maanachitr par pradarshit karna tatha urvarakon ki aavashyakta ka pata lagaana. is prakaar ki soochana pradaan kar urvarak nirmaan, vitran evam upayog mein sahaayata karna.

prayogashaala mein mruda ki jaanch

mruda parikshan ke liye sabse pehle mruda ka namoona liya jaata hai. iske liye jaroori hai ki mruda ka namoona poore kshetr ka pratinidhitv kare. yadi mruda ka namoona theek dang se naheen liya gaya ho aur vah mruda ka sahi pratinidhitv na kar raha ho to bhale hi mruda parikshan mein kitni hi saavadhaaniyaan kyon na barati jaaen, usaki sifaarish sahi naheen ho sakti. at& khet ki mruda ka namoona poori saavadhaani se lena chaahiye.

aavashyak saamagri

namoona lene ke liye niöan saamaan ki aavashyakta hoti hai jo kisi bhi kisaan ke paas upalabdh hota hai. namoona lene ke liye sabhi saamaan saaf hone chaahiye jisse mruda dooshit na ho.

  • khurapi, faavada, lakadi, ya plastic ki khurachani
  • tre, ya plastic ki thaili.
  • pen, dhaaga, mruda ka namoona, soochana patrak

mruda ka namoona lene ki vidhi

  • jis jameen ka namoona lena ho us kshetr par 10-15 jagahon par nishaan laga lein.
  • chuni gayi jagah ki upari satah par yadi kooda karakat ya ghaas ityaadi ho to use hata dein.
  • khurapi ya faavade se 15 semi gahra gadda banaaen. iske ek taraf se 2-3 semi moti parat upar se neeche tak utaar kar saaf baalti ya tre mein daal dein. isi prakaar shesh chuni gayi 10-15 jagahon se bhi up namoone ikattha kar lein.
  • ab poori mruda ko achhi tarah haath se mila lein tatha saaf kapade ya tab mein daalkar der banaalein. anguli se is der ko chaar baraabar bhaagon mein baant dein. aamne saamane ke do baraabar bhaagon ko vaapis achhi tarah se mila lein. yeh prakriya tab tak doharaaen jab tak lagbhag aadha kilo mruda na rah jaae. is prakaar se ekatr kiya gaya namoona poore kshetr ka pratinidhitv karega.
  • namoone ko saaf plastic ki thaili mein daal dein. agar mruda geeli ho to ise chhaaya mein sookha lein. is namoone ke saath namoona soochana patrak jismein kisaan ka naam va poora pata, khet ki pehchaan, namoona lene ki tithi, jameen ka dhalaan, sinchaai ka upalabdh srot, paani nikaas, agali li jaane waali fasal ka naam, pichhle teen saal ki fasalon ka byaura va koi anya samasya aadi ka vivran, kapde ki thaili mein rakhakar iska muainh baandhakar krushi vikaas prayogashaala mein parikshan hetu bhej devein.

saavadhaaniyaan

  • mruda ka namoona is tarah se lena chaahiye jisse vah poore khet ki mruda ka pratinidhitv karein. jab ek hi khet mein fasal ki badavaar mein ya jameen ke gadan mein, rang va dalaan mein antar ho ya fasal alag-alag boyi jaani ho ya prabandh mein antar ho to har bhaag se alag namoone lene chaahiye. yadi uparokt sabhi sthiti khet mein ek jaisi ho tab ek hi namoona liya ja sakta hai. dhyaan rahe ki ek tamoona jyaada se jyaada do haikteyar se liya ja sakta hai.
  • mruda ka namoona khaad ke der, pedon, medon, dalaanon va raaston ke paas se tatha eaisi jagahon se jo khet ka pratinidhitv naheen karti hai na lein.
  • mruda ke namoone ko dooshit na hone dein. iske liye saaf aujaaron se namoona ekatr karein tatha saaf thaili mein daalein. aesi thaili kaam mein na laaen jo khaad evam anya rasaayanon ke liye prayog mein laai gayi ho.
  • mruda ka namoona buaai se lagbhag ek maah poorv krushi vikaas prayogashaala mein bhej dein jisse samay par mruda ki jaanch rirpot mil jaaen evam uske anusaar urvarak evam sudhaarakon ka upayog kiya ja sake.
  • yadi khadi fasal mein poshak tatvon ki kami ke lakshan dikhaai dein aur mruda ka namoona lena ho to fasal ki kataaron ke beech se namoona lena chaahiye.
  • jis khet me kanpost, khaad, choona, jipsam tatha anya koi bhoomi sudhaarak tatkaal daala gaya ho to us khet se namoona na lein.

mruda ke namoone ke saath soochana patra avashya daalein jis par saaf aksharon mein namoona sanbadhit soochana evam kisaan ka poora pata likha ho.

sookshm tatvon ki jaanch ke liye namoona lete samay atirikt saavadhaaniyaan

dhaatu se bane aujaaron ya bartanon ko kaam mein naheen laaen kyonki inmein lauh, jasta va taanba hota hai. jahaan tak sambhav ho, plastic ya lakadi ke aujaar kaam mein lein.

yadi mruda khodane ke liye faavada ya khurapi hi kaam mein leni pade to ve saaf honi chaahiye. iske liye gadada bana lein va ek taraf ki parat lakadi ke chaude fatte ya plastic ki fatti se khurachakar mruda baahar nikaal dein. fir is plastic ya lakadi ke fatte se 2-3 semi moti parat upar se neeche tak 15 semi aur poorv bataai gayi vidhi ke anusaar 10-15 jagahon se mruda ekatr karke mruda ka namoona taiyaar kar soochana patrak sahit krushi vikaas prayogashaala mein bhej dein.

inhein bhi dekhein

baahari kadiyaaain