mors code

mors code, sandesh bhejane ki ek paddhati hai. iski rachana saimuel mors ne 1840 ke dashak ke aarambhik varshon mein vaidyut teleegraaf ke maadhyam se sandesh bhejane ke liye ki thi. baad mein 1890 ke dashak se mors code ka upayog radio sanchaar ke aarambhik dinon mein bhi hua.

mors code ke antargat ek laghu sanket tatha doosra deergh sanket prayog kiye jaate hain. in do sanketon ke poorv nirdhaarit maanakeekrut samanvaya se kisi bhi sandesh ko abhivyakt kiya ja sakta hai. kaagaj aadi par mors code mein kuchh likhne ke liye laghu sanket ke liye dot ka prayog tatha deergh sanket ke liye daish ka prayog kiya jaata hai. kintu mors code ke laghu aur deergh sanketon ke liye anya roop bhi prayukt ho sakte hain ; jaise - dhvani, pals ya prakaash sanket aadi

antarraashtreeya maars code ke paaainch avayav hain:

1. laghu mark, daat ya dit (·) — ek ikaai lamba

2. deergh mark, daish ya da (-) — teen ikaai ke tulya lamba

3. laghu evam deergh sanketon ke beech rikt sthaan ya samay — ek ikaai lamba

4. chhota rikt sthaan (do aksharon ke beech mein) — teen ikaai lamba

5. madhyam rikti (do shabdon ke beech mein) — saat ikaai lamba

mors code, baainari code (dvik code) se milta-julata hai kintu dhyaan se iska vishleshan karne se pata chalega ki yeh baainari naheen hai kyonki laghu evam deergh sanket ke alaava rikt sthaan bhi chhodna padata hai.