monsoon

Tamil Nadu ke naagarakaayal (kanyaakumaari ke paas) mein monsoon ke baadal

monsoon moolat: hind mahaasaagar evam arab saagar ki or se Bhaarat ke dakshin-pashchim tat par aani waali havaaon ko kehte hain jo Bhaarat, Pakistan, Bangladesh aadi mein bhaari varsha karaateen hain. ye aisi mausami pavan hoti hain, jo dakshini Asia kshetr mein June se September tak, praay: chaar maah sakriya rahati hai. is shabd ka pratham prayog british Bhaarat mein (vartamaan Bhaarat, Pakistan evam Bangladesh) evam padosi deshon ke sandarbh mein kiya gaya tha. ye Bengal ki khaadi aur arab saagar se chalne waali badi mausami havaaon ke liye prayog hua tha, jo dakshin-pashchim se chalakar is kshetr mein bhaari varshaaen laati theen.[1] haaidroloji mein monsoon ka vyaapak arth hai- koi bhi aisi pavan jo kisi kshetr mein kisi ritu-vishesh mein hi adhikaansh varsha karaati hai. [2][3] yahaan ye ullekhaneeya hai, ki maunasoon havaaon ka arth adhikaansh samay varsha karaane se naheen liya jaana chaahiye. is paribhaasha ki drushti se sansaar ke anya kshetr, jaise- uttari America, dakshini America, up-sahaara afreeka, Australia evam poorvi Asia ko bhi monsoon kshetr ki shreni mein rakha ja sakta hai. ye shabd hindi va urdu ke mausam shabd ka apabhransh hai. maunasoon poori tarah se havaaon ke bahaav par nirbhar karta hai. aam havaaen jab apni disha badal leti hain tab maunasoon aata hai..[4] jab ye thande se garm kshetron ki taraf bahti hain to unamein nami ki maatr badh jaati hai jiske kaaran varsha hoti hai.

anukram

naamakaran evam paribhaasha

Lucknow, uttar pradesh ke oopar chhaate hue maunasoon ke baadal

angreji shabd maunasoon purtagaali shabd monçaaãaao (maunsaio) se nikla hai, jiska mool udgam arabi shabd mauvasim (مaaوaaسaaم "mausam") se aaya hai. yeh shabd hindi evam urdu evam vibhinn uttar bhaarateeya bhaashaaon mein bhi prayog kiya jaata hai[5], jiski ek kadi aaranbhik aadhunik dach shabd maunasan se bhi milti hai..[6] is paribhaasha ke anusaar vishv ki pradhaan vaayu pranaaliyaan sammilit ki jaati hain, jinki dishaaen ritunishth badalti rahati hain.

adhikaansh greeshmakaaleen maunasoonon mein prabal pashchimi ghatak hote hain aur saath hi vipul maatra mein prabal varsha ki pravrutti bhi hoti hai. iska kaaran oopar uthane waali vaayu mein jal-vaashp ki prachur maatra hoti hai. haalaanki inki teevrata aur avadhi pratyek varsh mein samaan naheen hoti hai. iske vipreet sheetakaaleen maunasoonon mein prabal poorvi ghatak hote hain, saath hi failane aur utar jaane tatha sookha karne ki pravrutti hoti hai.[7]

vishv ke maunasoon

vishv ki pramukh maunasoon pranaaliyon mein pashchimi afreeka evam Asia-Australiaee maunasoon aate hain. is shreni mein uttari amareeka aur dakshin amareeka E maunasoonon ko sammilit karne mein kuchh matabhed abhi bhi jaari hain.

dakshin Asiaee

bhaarateeya maunasoon

Bhaarat mein dakshin-pashchim maunasoon ki aarambh ki tithiyaan evam chalne waali havaaen

Bhaarat mein maunasoon hind mahaasaagar va arab saagar ki or se himaalaya ki or aane waali havaaon par nirbhar karta hai. jab ye havaaen Bhaarat ke dakshin pashchim tat par pashchimi ghaat se takaraati hain to Bhaarat tatha aaspaas ke deshon mein bhaari varsha hoti hai. ye havaaen dakshin Asia mein June se September tak sakriya rahati hain. vaise kisi bhi kshetr ka maunasoon usaki jalavaayu par nirbhar karta hai. Bhaarat ke sambandh mein yahaan ki jalavaayu ooshnakatibandheeya hai aur ye mukhyat: do prakaar ki havaaon se prabhaavit hoti hai - uttar-poorvi maunasoon va dakshini-pashchimi maunasoon. uttar-poorvi maunasoon ko praay: sheet maunasoon kaha jaata hai. yeh havaaen maidaan se saagar ki or chalti hain, jo hind mahaasaagar, arab saagar aur Bengal ki khaadi ko paar karke aati hain. yahaan adhikaansh varsha dakshin pashchim monsoon se hoti hai. Bhaarat mein poorv se pashchim disha ki or se kark rekha niklati hai. iska desh ki jalavaayu par seedha prabhaav padta hai. greeshm, sheet aur varsha rituon mein se varsha ritu ko praay: maunasoon bhi kah diya jaata hai.

saamaanyat: maunasoon ki avadhi mein taapamaan mein to kami aati hai, lekin aardrata (nami) mein achhi vruddhi hoti hai. aadrata ki jalavaayu vigyaan mein mahatvapoorn bhoomika maani jaati hai. yeh vaayumandal mein maujood jalavaashp ki maatr se banti hai aur yeh pruthvi se vaashpeekaran ke vibhinn roopon dvaara vaayumandal mein pahunchati hai.

poorv Asiaee

poorv Asiaee maunasoon indo-cheen, filipeens, cheen, Korea evam Japan ke bade kshetron mein prabhaav daalata hai. iski mukhya prakruti garm, barasaati greeshmakaal evam sheet-shushk sheetakaal hote hain. ismein adhiktar varsha ek poorv-pashchim mein faile nishchit kshetr mein seemit rahati hai, sivaaya poorvi cheen ke jahaan varsha poorv-poorvottar mein Korea va Japan mein hoti hai. mausami varsha ko cheen mein meiyu, Korea mein chaangma aur Japan mein baai-yu kehte hain. greeshmakaaleen varsha ka aagaman dakshin cheen evam taaivaan mein May maah ke aarambh mein ek maunasoon-poorv varsha se hota hai. iske baad May se August paryant greeshmakaaleen maunasoon anek shushk evam aardr shrunkhalaaon se uttaravarti hota jaata hai. ye indochaaina evam dakshin cheeni saagar (May mein) se aarambh hokr yaangtaje nadi evam Japan mein (June tak) aur antat: uttari cheen evam Korea mein July tak pahunchata hai. August mein maunasoon kaal ka ant hote hue ye dakshin cheen ki or lautata hai.

afreeka

pashchimi up-sahaara afreeka ka maunasoon ko pehle antarkatibndheeya sansrupti jon ke mausami badlaavon aur sahaara tatha vishuvateeya andh mahaasaagar ke beech taapamaan evam aardrata ke antaron ke parinaamasvaroop samjha jaata tha.[8] ye vishuvateeya andh mahaasaagar se February mein uttaraavarti hota hai aur fir lagbhag 22 June tak pashchimi afreeka pahunchata hai aur October tak dakshinaavarti hote hue peechhe hatata hai.[9] shushk uttar-pashchimi vyaapaarik pavan aur unke charam svaroop haaramattan, ITCZ mein uttari badlaav se prabhaavit hote hain aur parinaamit dakshinaavarti pavan greeshmakaal mein varshaaen lekar aati hain. sahel aur soodaan ke ardh-shushk kshetr apne marusthaleeya kshetr mein hone waali adhikaansh varsha ke liye is shaili par hi nirbhar rahate hain.

uttari amareeka

erijona mein maanasooni baadal

uttar Amreeki maunasoon (jise laghuroop mein NAM bhi kehte hain) June ke ant ya July ke aarambh se September tak aata hai. iska udgam Mexico se hota hai aur sanyukt raajya mein madhya July tak varsha upalabdh karaata hai. iske prabhaav se Mexico mein siyera maidr okseedental ke saath-saath aur erijona, new Mexico, nevaada, yootaah, koloraido, pashchimi Texas tatha kaileeforniya mein varsha aur aardrata hoti hai. ye pashchim mein praayadveepeeya kshetron tatha dakshini kaileeforniya ke traansvars shrunkhalaaon tak failate hain, kintu tatavarti rekha tak kadaachit hi pahunchate hain. uttari Amreeki maunasoon ko samar, saauthavest, meksikn ya erijona maunasoon ke naam se bhi jaana jaata hai.[10][11] ise kai baar dejrt maunasoon bhi kah diya jaata hai, kyonki iske prabhaavit kshetron mein adhikaansh bhaag mojev aur sonorain marusthalon ke hain.

sandarbh

  1. ↑ glosari of meetiyrolauji (June, 2000). "Monsoon". Amreeki mausam vibhaag. http://amsglossary.allenpress.com/glossary/search?p=1&query=monsoon&submit=Search. abhigman tithi: 2008-03-14.
  2. ↑ raimej, si., maunasoon meetiyrolauji. international jiyofijiks series, khand 15, pru. 296. ekaidemik press, sain diyaago, kailif. 1971
  3. ↑ international committee of the thard workshop on maanasoons. the global maunasoon system: research end forakaast. abhigman tithi: 16 March 2008
  4. ↑ trenabarth, ke.E., stepeniyaik, di.pi., kairan, J.M.. 2000. the global maunasoon ऍj scene thru the daayavarjeint etamausferik sarkuleshan. journal of klaaimet, 13, 3969-3993
  5. ↑ richrd dilesi, paravej deevaan (1998). hindi & urdu frejbuk. lonali plaanet. aai॰aऍsa॰abee॰aऍna॰ 0864424256. http://books.google.com/books?id=QkJH90HBlekC. "... What's the weather like? Mausam kaisa hai? ..."
  6. ↑ OED online
  7. ↑ "Monsoon". britainika. http://www.britannica.com/eb/article-9053445/monsoon. abhigman tithi: 15 May 2007.
  8. ↑ afreekan maunasoon malteedisiplinri enaalaaijej (AMMA). "kairektaristiks of the vest afreekan maunasoon". AMMA. http://www.amma-international.org/article.php3?id_article=10. abhigman tithi: 15 October 2009.
  9. ↑ innoveshans report: maunasoon in vest afrika: classic kamtinyuiti haaids A dyual cycle renafaul rejeem. abhigman tithi: 25 May 2008
  10. ↑ erijona raajakeeya vishvavidyaalaya, bhoogol vibhaag. besiks of erijona maunasoon. abhigman tithi: 29 fravari 2008
  11. ↑ new Mexico tech. vyaakhyaan 17: 1. North American maunasoon system abhigman 29 fravari 2008

bahirgaami kadiyaaain

vikimeediya kaumans par Monsoon se sambandhit media hai.
vikismaachaar par sambandhit samaachaar dekhein: Asian monsoon rains force millions to flee
  • Follow Us:
  • Get daily news by email:

  • Delivered by FeedBurner