mithun chakravarti

is lekh mein satyaapan hetu atirikt sandarbh athva sroton ki aavashyakta hai. krupaya vishvasaneeya srot jodkar is lekh mein sudhaar karein. srotaheen saamagri ko chunauteedi ja sakti hai aur hataaya bhi ja sakta hai. (July 2009)

mithun chakravarti
janm naam	gauraang chakravarti
janm	(1950-06-16) June 16, 1950 (aayu 65 varsh) Calcutta, pashchim Bengal, Bhaarat
anya naam	mithun da
vyavasaaya	abhineta
kaaryakaal	1976 - vartamaan
jeevanasaathi	yogita baali (1982 - varttamaan)

mithun chakravarti (baangla: মaaিaaঠaaুaaন চaaকaa্aaরaaবaaরaa্aaতaaী,) (bachapan ka naam gauraang chakravarti) ka janm June 16, 1950 ko hua. ye Bhaarat ke raashtreeya film puraskaar praapt kar chuke ek kivdanti film abhineta, saamaajik kaaryakarta, udyami aur Rajyasabha ke saansad^[1] hain. mithun ne apne abhinay ki shuruaat kala film mrugaya (1976) se ki, jiske liye unhein sarvashreshth abhineta ke liye pehla raashtreeya film puraskaar praapt hua. 1980 ke dashak ke apne sunahare daur mein ek daansing star ke roop mein unke bahut saare prasanshak bane aur khud ko unhonne Bhaarat ke sabse lokapriya pramukh abhineta ke roop mein sthaapit kiya, vishesh roop se 1982 mein bahut badi hit film disco daansar mein street daansar Jimmy ki bhoomika ne unhein lokapriya banaaya.

kul milaakar Bollywood ki 350 se adhik filmon mein abhinay ke alaava unhonne baangla, udiya aur Bhojpuri mein bhi bahut saari filmein ki. mithun monaark group ke maalik bhi hain jo hospitaaliti sector mein kaaryarat hai.^[2]

niji jeevan

unka janm Calcutta mein hua aur Calcutta ke hi vikhyaat skautish church college se unhonne rasaayan vigyaan mein BSc snaatak ki degree haasil ki. uske baad ve bhaarateeya film aur television sansthaan, Pune se jude aur vaheen se snaatak bhi kiya.

yeh bahut hi kam logon ko gyaat hai ki mithun film udyog mein pravesh karne se pehle ek kattar naksali the. lekin unke parivaar ko kathinaai ka saamana tab karna pada jab unke ekamaatr bhaai ki maut durghatanaavash bijli ke karant lagne se ho gayi. iske baad mithun apne parivaar mein laut aaye aur naksali aandolan se khud ko alag kar liya, haalaanki aisa karne ke kaaran naksaliyon se unke jeevan ko khatra utpann ho sakta tha, kyonki naksalavaad ko van-ve road maana jaata raha. yeh unke jeevan ka ek mahatvapoorn mod saabit hua aur jeevan mein unhein ek aaikonik darja pradaan karne mein pramukh kaaran bana. yeh baat bhi kam log hi jaante hain ki unhonne maarshal Art mein mahaarat haasil ki hai.

mithun ne bhaarateeya abhinetri yogita baali se shaadi ki aur ve chaar bachche, teen bete aur ek beti ke pita hain. jyeshth putr, mimo chakravarti; jinhonne 2008 mein Bollywood film Jimmy se apne abhinay jeevan ki shuruaat ki; unka doosra beta, rimo chakravarti jisne film fir kabhi mein chhote mithun ki bhoomika mein abhinay kiya. mithun ke anya do bachche namaashi chakravarti aur dishaani chakravarti abhi padhaai kar rahe hai.

kai sootron ka daava hai ki chakravarti ka 1986 se 1987 tak shreedevi naam ki ek abhinetri ke saath ek rishta tha, lekin shreedevi ne mithun se apna sambandh tab khtm kar diya jab unhein pata chala ki unka apni pehli patni yogita baali se talaak naheen hua hai. maana jaata hai ki chakravarti aur shreedevi ne gopaneeya roop se shaadi ki hai aur baad mein yeh sambandh radd ho gaya.^[3]

film keriyr

mithun ne 1976 mein mrunaal sen dvaara nirdeshit film mrugaya se apne filmi keriyr ki shuruaat ki, jismein sarvashreshth abhineta ke liye unhein raashtreeya film puraskaar praapt hua. apni pehli film ke baad unhonne kuchh filmon masalan; do anajaane (1976) tatha fool khile hain ke gulashan gulashan (1977) mein sahayogi bhoomika nibhaayi, lekin isse unhein koi sammaan naheen mila. baad mein unahonne 1970 ke dashak ke aakhiri daur mein kam bajatavaali Ravikant nagaaich ke nirdeshan mein bani jaasoosi film suraksha (1979) aur 1980 ke shuruaati dashak ki hit filmon ham paanch (1980) aur vaaradaat (1981) jo ki suraksha film ki agali kadi thi, mein pramukh bhoomika ada ki.

ant mein unhein badi safalta myujikl film disco daansar se 1982 mein mili, yeh film apne sangeet ki vajah se ek badi hit hui aur aaj bhi yeh pasand ki jaati hai. is film ke saath doosari myujikl filmon masalan; kasam paida karanevaale ki (1984) aur dance dance (1987) ne unhein ek behatareen daansar ke roop mein pratishthit kiya.

1980 ke dashak ke dauraan unhonne romantic aur paarivaarik drama waali kai safal filmon masalan; mujhe insaaf chaahiye (1983), pyaar jhukata naheen (1985), svarg se sundar (1986), pyaar ka mandir (1988) mein mukhya bhoomika mein abhinay kiya. in filmon ki ginti aaj bhi unki sabse safal vyaavasaayik filmon mein hoti hain.^[4]

wanted (1983), boxer (1984), jaageer (1984), jaal (1986), vatan ke rakhavaale (1987), commando (1988), vakt ki aavaaj (1988), guru (1989), mujarim (1989) aur dushman (1990) jaisi filmon mein unhein ek action hero ke roop mein maanyata praapt hui. 1980 ke dashak ke madhya mein unhein Amitabh Bachchan ke ek pratidvandvi ke roop mein dekha jaane laga, kyonki unhonne darjanon action aur drama se bharpoor filmein ki jisse unki chhavi engri yang main ki bani jo samaaj ki buraaiyon aur bhrashtaachaar se ladta hai. unki yeh khaasiyat Bachchan jaisi hi thi. isi tarah unhonne apne samay ki Bollywood ki kuchh badi abhinetriyon jeenat amaan, padmini kolhaapure, rati agnihotri, rekha, shreedevi, maadhuri Dixit samet kaiyon ke saath kaam kiya hai.

mithun ko na keval vyaavasaayik safalta mili, balki samaalonchakon ki prashansa bhi praapt hui. mrugaya, taahaader katha aur svaami vivekaanand mein unke abhinay ki vyaapak roop se saraahana ki gayi aur unhein raashtreeya film puraskaar se bhi sammaanit kiya gaya. unhonne do film fair puraskaar jeete : 1990 ki film agnipath mein film fair ka sarvashreshth sah abhineta ke liye aur film jallaad mein film fair ka sarvashreshth khalanaayak ke liye unhein puraskrut kiya gaya. iske alaava pyaar ka mandir (1988) aur mujarim (1989) mein unke abhinay ko saraaha gaya.

1990 ke dashak ke antim charan mein ve Mumbai se ooti chale gaye aur vahaan unhonne apna hotel vyavasaaya sthaapit kiya aur sahi maayane mein ve ek dasak tak "van main industry" bane rahe, unhonne 12 saal se adhik samay tak 80 se adhik filmon mein kaam kiya. uske baad ve apna dhyaan mukhya dhaara ki hindi sinemaase hata kar kam bajat ki bi gred filmon mein abhinay karne lage. ye filmein mukhya roop se madhya pradesh aur Bihar ke darshakon ke liye banaai jaati raheen, jahaan mithun ke prashansak ab bhi bhare pade hain. 1994 se 1999 tak lagaataar paanch varsh ke liye ve desh ke sabse bade karadaata rahe.

iske baad 2005 mein film elaan ke saath unki vaapasi mukhyadhaara ki hindi film udyog mein hui, jo safal naheen rahi. laki: no time for love (2005) jaisi kuchh filmon mein sahaayak bhoomikaaon mein aane ke baad, kalpana laajmi ki chingaari (2005) mein unke abhinay ko saraaha gaya. 2007 mein I mani ratnam ki hit film guru ke liye unhein samaalochakon ki prashansa praapt hui. vaapasi ke baad guru unki vyaavasaayik roop se safal honevaali pehli film rahi. 2008 mein mithunaki 4 filmein release hui, maai name is enthani gonjaalvij, Don mutthoo svaami, si company aur heeroj ; jinmein heroes achhi chali aur Don mutthoo svaami mein unki Comedy ko pasand kiya gaya. unki taajaatareen filmon mein subhaash ghai ki film Yuvraj mein unhonne kaimiyo ki bhoomika ada ki, jabki chaandani chauk tu China box office par asafal rahi. unki jor laga ke ... haiyya ! ne anek antararaashtreeya puraskaar jeete.^[5] unki aanevaali filmon mein jindagi tere naam, Salman Khan ke saath veer, dinpal kaapadiya ke saath film fir kabhi raakh, baabar aur kannad film maanikya hain. mithunada ki taaja release soham shaah dvaara nirdeshit sanjaya datt ke saath abhineet film luck ne shuruaat to achhi ki, par kul mila kar ausat rahi, lekin apne bold theem ke kaaran film chal chalein ne sameekshakon ki saraahana praapt ki.

Bollywood kairiyr ke samaanaantar mithun chakravarti apni maatrubhaasha baangla filmon mein utane safal naheen rahe, haalanki unki yathaarthavaadi ya kala filmon ko saraaha gaya, jahaan unke manje hue abhinay ke kaaran unhein puraskaar praapt hue. debashri rai aur anil chatarji ke saath 1982 mein I unki film troyi ko badi safalta mili thi. Mumbai jaane ke baad aur mukhyadhaara ki hindi filmon mein ek star ke roop mein unki lokapriyta badhate jaane se mukhyadhaara ki baangla filmon se mithun lagbhag gaayab ho gaye, haalaanki ve 1992 mein prakhyaat nirdeshak buddhadev daasagupta ki taahaader katha jaisi kala filmon mein dikhaai dete rahe aur is film ke liye 1993 mein unhein doosra raashtreeya puraskaar mila. raamakrushn paramahans par bani ji.vi. ayyar ki film mein svaami vivekaananda ki bhoomika mein unke abhinay ke liye 1995 mein sarvashreshth sah-abhineta ke liye teesara raashtreeya puraskaar mila. 1999 mein Gautam ghosh ki film gudiya ke liye unhein saraahana mili. 2002 mein I aparna sen aur konkana sen sharma dvaara abhineet rituparna ghosh ki film titli mein bhi unhonne kaam kiya, is film ko vyaavasaayik safalta ke saath samaalochakon ki taareef bhi mili. haal hi mein faataakeshto series ki unki filmein pashchim Bengal mein kaafi manoranjak evam lokapriya raheen. 2008 mein Rahul Bose aur sameera Reddy ke saath daasagupta ki film kaalapurush mein unhonne kaam kiya, is film ko sameekshakon ki prasansha mili.

swami vivekanand film mein ramkrishna paramhans kee bhoomika nibhaee....

television sho

dance India dance aur dance baangla dance jaise ji TV ke dance sho mein mithun grand judge hain. yeh unki parikalpana hai. dance par roochi rakhane vaalo ke liye yeh ek sunahar mauka hai. .

mithun chakravarti apni maatrubhoomi Bengal mein football ko badhaava denein mein bhi lage hue hain. Bengal football academy unheen ki dimaagi upaj hai aur unhonne hi is academy ki sthaapana ke liye jaroori rakam jutaai.

mithun chakravarti Indian cricket league mein royal Bengal taaigars team ke sah- svaami (ko-onar) hain^[6].

raashtreeya film puraskaar

• 1977 - sarvashreshth abhineta ka raashtreeya film puraskaar mrugaya ke liye
• 1993 - sarvashreshth abhineta ka raashtreeya film puraskaar taahaader katha ke liye
• 1996 - sarvashreshth sahaayak abhineta ka raashtreeya film puraskaar svaami vivekaanand ke liye

filmafeyar puraskaar

• 1990 - sarvashreshth sahaayak abhineta ka film fair puraskaar agnipath ke liye
• 1995 - sarvashreshth khalanaayak ka filmafeyar puraskaar jallaad ke liye

star screen puraskaar

• 1995 - sarvashreshth khalanaayak ka star screen puraskaar jallaad ke liye

stardust puraskaar

• 2007 - lifetime echeevameint ke liye stardust puraskaar http://www.radiosargam.com/films/archives/2210/event-photos-report-stardust-awards-2007.html
• 2007 - saal ke liye rol model puraskaar http://www.apunkachoice.com/scoop/bollywood/20070220-0.html

Bengal film patrakaar sangh puraskaar

• 1977 - sarvashreshth abhineta ka BFJA puraskaar mrugaya ke liye http://www.bfjaawards.com/archives/pictures/index32.htm
• 1995 - sarvashreshth abhineta ka BFJA puraskaar taahaader katha ke liye http://www.bfjaawards.com/archives/pictures/index20.htm

• mrugaya (1976) - ghinuaa
• do anajaane (1976) - ghanti
• mukti (1977) - rangamanch kalaakaar (atithi paatr)
• suraksha (1979) - si.bi.I afsar gopi/ganamaastar ji-9
• amar deep 1979 - saajan
• taraana 1979
• ham paaainch (1980) - bheem
• shaukeen (1981) - ravi aanand
• vaaradaat (1981) - ganamaastar
• aadat se majaboor (1981) - apoorba kishor beer
• disco daansar (1982) anil
• mujhe insaaf chaahiye 1983
• 0}kasam paida karne vaale ki (1984)
• pyaar jhukata naheen (1985)
• gulaami (1985)
• dance dance (1987) - raamoo
• pyaar ka mandir (1988) - vijay
• jeete hain shaan se (1988) - John
• dushman (1990) (1990) - Rakesh
• agnipath (1990) - Krishnan ayyar
• dil aashana hai (1992) - suneel
• dalaal (1993)
• tadeepaar (1993)
• jallaad (1995) - amaavas
• raavan raaj: ek sachchi kahaani - ACP arjun varma
• loha (1997) - arjun
• sahaara jaluchi (udiya) (1998)
• yamaraaj (1998) - birjoo
• gunda (1998) - shankar
• titli (2002) - rohit Roy
• elaan (2005) - Baba sikandar
• laki : no time for love (2005) - das Kapoor
• chingaari (2006) - bhuvan paanda
• dil diya hai (2006)
• guru (2007) - maanikdaas gupta
• hasan raaja (2007) - ruhul ameen
• maai name is enthani gonjaalvis (2008)
• bhole shankar (2008) Bhojpuri
• heeroj (2008) - dau॰ nakavi
• chaandani chauk tu China (2008) - daada
• si company (2008)
• luck (2009)
• baabar (2009)
• veer (2009)

1. ↑ "Rajyasabha chunaav: aiktar mithun samet TMC ke chaar member vijayi". navabhaarat taaims. 7 fravari 2014. http://hindi.economictimes.indiatimes.com/state/others/kolakata/Mithun-Jogen-elected-Rajya-Sabha-members/articleshow/30010513.cms. abhigman tithi: 8 fravari 2014.
2. ↑ times of India ke lekh
3. ↑ "The Truth About Mithun and Sridevi". Stardust (Stardust International). May 1990.
4. ↑ "boxofficeindia.com". Career's biggest hits. Archived from the original on 2012-07-20. http://archive.is/bE9z. abhigman tithi: 7 July 2008.
5. ↑ "Zor Lagaa Ke... Haiya Movie Preview". http://in.movies.yahoo.com/upcoming-detail/224/Zor-Lagaa-Ke-Haiya-Movie-Preview.html. abhigman tithi: 15 Sept., 2009.
6. ↑ the teleegraaf, Bhaarat - mithun: Shahrukh ke saath koi takaraav naheen

• Internet moovi detaabes par mithun chakravarti