misr ke piraamid

geeja, misr ke ek piraamid samooh ka drushya

misr ke piraamid vahaan ke tatkaaleen fairo (samraat) ganon ke liye banaae gaye smaarak sthal hain, jinmein raajaaon ke shavon ko dafanaakar surakshit rakha gaya hai. in shavon ko mami kaha jaata hai. unke shavon ke saath khaadyaan, peya padaarth, vastr, gahanein, bartan, vaadya yantr, hathiyaar, jaanavar evam kabhi-kabhi to sevak sevikaaon ko bhi dafna diya jaata tha.

Bhaarat ki tarah hi misr ki sabhyata bhi bahut puraani hai aur praacheen sabhyata ke avashesh vahaaain ki gaurav gaatha kehte hain. yon to misr mein 138 piraamid hain aur kaahira ke upanagar geeja mein teen lekin saamaanya vishvaas ke vipreet sirf gija ka 'great piraamid' hi praacheen vishv ke saat ajoobon ki soochi mein hai. duniya ke saat praacheen aashcharyon mein shesh yahi ekamaatr aisa smaarak hai jise kaal pravaah bhi khatm naheen kar saka.

yeh piraamid 450 foot ooncha hai. 43 sadiyon tak yeh duniya ki sabse oonchi sanrachana raha. 19veen sadi mein hi iski oonchaai ka keertimaan toota. iska aadhaar 13 ekad mein faila hai jo kareeb 16 football maidaanon jitna hai. yeh 25 lakh choonaapattharon ke khandon se nirmit hai jinmein se har ek ka vajan 2 se 30 tanon ke beech hai. great piraamid ko itni parishuddhata se banaaya gaya hai ki vartamaan takaneek aisi kruti ko dohara naheen sakti. kuchh saal pehle tak (lesar kirnon se maap-jokh ka upakaran ijaad hone tak) vaigyaanik iski sookshm samamiti (simtreej) ka pata naheen laga paaye the, pratiroop banaane ki to baat hi door! pramaan bataate hain ki iska nirmaan kareeb 2560 varsh isa poorv misr ke shaasak khufu ke chauthe vansh dvaara apni kabr ke taur par karaaya gaya tha. ise banaane mein kareeb 23 saal lage.

mris ke is mahaan piraamid ko lekar aksar savaal uthaaye jaate rahe hain ki bina masheenon ke, bina aadhunik aujaaron ke misravaasiyon ne kaise vishaal paashaanakhandon ko 450 feet oonche pahunchaaya aur is bruhat pariyojana ko mahaj 23 varshon me poora kiya? piraamid marmajnya ivaan haidingatan ne ganana kar hisaab lagaaya ki yadi aisa hua to iske liye darjanon shramikon ko saal ke 365 dinon mein har din 10 ghante ke kaam ke dauraan har doosare minute mein ek prastar khand ko rakhana hoga. kya aisa sambhav tha? vishaal shramashakti ke alaava kya praacheen misravaasiyon ko sookshm ganiteeya aur khagoleeya gyaan raha hoga? visheshagyon ke mutaabik piraamid ke baahar paashaan khandon ko itni kushalata se taraasha aur fit kiya gaya hai ki jodon mein ek blade bhi naheen ghusaayi ja sakti. misr ke piraamidon ke nirmaan mein kai khagoleeya aadhaar bhi paaye gaye hain, jaise ki teenon piraamid aa॓riyn raashi ke teen taaron ki seedh mein hain. varshon se vaigyaanik in piraamidon ka rahasya jaanane ke prayatnon mein lage hain kintu abhi tak koi safalta naheen mili hai.[1]

rochak tathya

  • great piraamid ek paashaan-computer jaisa hai. yadi iske kinaaron ki lanbaai, oonchaai aur konon ko naapa jaaya to pruthvi se sambandhit bhinn-bhinn cheejon ki sateek ganana ki ja sakti hai.
  • great piraamid mein pattharon ka prayog is prakaar kiya gaya hai ki iske bheetar ka taapamaan hamesha sthir aur pruthvi ke ausat taapamaan 20 degree celcius ke baraabar rahata hai. yadi iske pattharon ko 30 seinteemeetar mote tukadon me kaat diya jaae to inse France ke chaaron aa॓r ek meter oonchi deevaar ban sakti hai.
  • piraamid mein neenv ke chaaron kone ke pattharon mein baul aur sauket banaaye gaye hain taaki ooshma se hone vaale prasaar aur bhookamp se surakshit rahe.
  • misravaasi piraamid ka istemaal vedhashaala, calendar, sanadaayal aur soorya ki parikrama mein pruthvi ki gati tatha prakaash ke veg ko jaanane ke liye karte the.
  • piraamid ko ganit ki janmakundali bhi kaha jaata hai jisse bhavishya ki ganana ki ja sakti hai.
  • kuchh log piraamidon mein sthit jaadui asar ki baat bhi karte hain jo maanav svaasthya par shubh prabhaav daalata hai.[2]

gija ke mahaan piraamid

gija ka sabse bada piraamid 146 meter uaincha tha. oopar ka 10 meter ab gir chuka hai. usaka aadhaar kreeb 54 ya 55 hajaar meter ka hai. anumaan hai ki 3200 isa poorv use banaaya gaya tha. yeh iske baavajood hai ki us samay ki misriyon ki technology shoonya ke samaan thi.[3]

sandarbh