misisippi nadi

misisippi nadi aur usaki upanadiyon ka naksha
misisippi nadi mein baadh

misisippi nadi (angreji: Mississippi river, misisippi rivr) uttar America ke mahaadveep ka sab se bada nadi mandal hai.[1][2] yeh poori tarah sanyukt raajya America ke kshetr ke bheetar bahti hai. is nadi ka srot minesota raajya ki itaaska jheel mein hai jahaaain se yeh ghumaavon ke saath dakshin ki or chalti hai. 2,320 meal (3,730 kimi) ka safr tay karke yeh Mexico ki khaadi mein nadeemukh (dailta) banaakar vilay ho jaati hai.[3] misisippi ko bahut si upanadiyaaain paani pradaan karti hain aur iska jalasanbhar mein 31 ameriki raajya aur dakshini Canada ka kuchh bhoobhaag aata hain. yeh nadi vishv ki chauthi sab se lambi nadi hai aur paani ke prati-ghante bahaav ki maatra mein dasavi sab se badi hai.

misisippi ne sanyukt raajya America ke itihaas mein bahut aham bhoomika nibhaai hai.[4] misisippi ke kinaare mool ameriki aadivaasi kbeele 10,000 saalon se rahate the. bahut se shikaar-jugaad ka jeevan basar karte the, lekin inmein se kuchh krushi aadhaarit samaajon mein bhi rahate the. yooropiyaai upanivesheekaran ke baad bahut se Europeeya mool ke log yahaaain aakar bas gaye aur jyaadaatar mool aadivaasiyon ko khaded diya ya maar daala gaya. kuchh kaal ke liye to yeh mahaan nadi yooropiyaai logon ke yahaaain se aage pashchim mein failane mein baadha bani rahi lekin dheere-dheere is naavi yaataayaat ke liye prayog kiya jaane laga.

yeh nadi apne bahaav se apne jalasanbhar kshetr mein itni upajaaoo mitti daalati hai ke ise vishv ke sabse adhik upajaaoo kshetron mein gina jaata hai. is nadi ko America ke poorvi aur pashchimi bhaagon ke beech ki seema rekha maana jaata hai. ameriki sanskruti mein kisi vastu ke baare mein baat karte hue is tarah ki cheejein kehna aam hai ke "flaana kaarakhaana misisippi se pashchim mein sab se bada hai" ya "flaana parvat misisippi se poorv mein sab se ooncha hai."[5]

naam ki utpatti

misisippi ka naam ek mool ameriki aadivaasi bhaasha se aata hai jise aanishnaabe ya ojibve kehte hain. ismein is nadi ko misi-jiibi kaha jaata tha, jiska arth hai "mahaan nadi". yeh naam fraansisi sroton ne bigaadkar "misisippi" kar diya.

inhein bhi dekhein

sandarbh

  1. United States Geological Survey Hydrological Unit Code: 08-09-01-00- Lower Mississippi-New Orleans Watershed
  2. "Lengths of the major rivers". United States Geological Survey. http://ga.water.usgs.gov/edu/riversofworld.html.
  3. U.S. Army Corps of Engineers navigation charts. 2,300 meal (3,700 kimi) from Lake Itasca to Head of Passes – Southwest Pass is 20 meal (32 kimi).
  4. The Mississippi River: Father of Waters, James L. Shaffer and John T. Tigges, Arcadia Publishing, 2000, ISBN 978-0-7385-0745-3.
  5. A most amazing river, Mary Hoff, Minnesota Conservation Volunteer July–August 2008, "... Like the midline on the playing field of our nation, the Mississippi River divides the United States into two parts. Ten states use it as part of their border. Places are often identified as being 'east of the Mississippi' or 'west of the Mississippi' ..."