mirjaapur
 |
is lekh mein sandarbh ya sootr naheen diye gaye hain. krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (September 2015) |
| mirjaapur | |||||
| — shahar — | |||||
|
|
|||||
 |
|||||
| samay mandal: IST (UTC+5:30) | |||||
| desh |
 Bhaarat
|
||||
| raajya | uttar pradesh | ||||
| jila | mirjaapur | ||||
| janasankhya | 205,264 (2001 tak [update]) | ||||
|
kshetrafal • ooainchaai (AMSL) |
• 80 meter (262 fee॰) |
||||
|
vibhinn code
|
|||||
| aadhikaarik jaalasthal: mirzapur.nic.in/ | |||||
nirdeshaank: 25°a09′aN 82°a35′aE / 25.15°aN 82.58°aE mirjaapur Bhaarat ke uttar pradesh raajya ka ek shahar hai. yeh mirjaapur jila ka mukhyaalaya hai. paryatan ki drushti se mirjaapur kaafi mahatvapoorn jila maana jaata hai. yahaan ki praakrutik sundarata aur dhaarmik vaataavaran barabas logon ka dhyaan apni or kheenchati hai. mirjaapur sthit vindhyaachal dhaam Bhaarat ke pramukh teerthasthalon mein se ek hai. iske atirikt, yeh jila seeta kund, laal bhairav mandir, moti taalaab, tanda jalaprapaat, vindhaam jharana, taarakeshaavar mahaadev, maha trikon, Shiv pur, chunaar kila, guroodvaara guroo da baagh aur raameshaavar aadi ke liye prasiddh hai. mirjaapur Varanasi jile ke uttar, sonabhadr jile ke dakshin aur Allahabad jile ke pashchim se ghira hua hai.
anukram
naam
janapad ke naam ko lekar kai bhraantiyaan vyaapt hain. kuchh praacheen lokakathaaon ke anusaar vindhyaachal, araavali evam neelagiri se ghire hue kshetr ko vindhyakshetr ke naam se jaana jaata hai. samayaantaraal vindhyakshetr mein vibhinn kshetron ka alag alag naamakaran hua. jaise ki maanda ke sameep ke kshetr pampaapur ke naam se, vartamaan ka amaraavati kshetr girijaapur ke naam se tatha aaspaas ka kshetr sapt saagar ke naam se vikhyaat hua.
17veen shataabdi mein jab british East India company Bhaarat mein teji se apne paaainv pasaar rahi thi, Calcutta se lekar Delhi tak company ka kaarobaar failata hi ja raha tha tab company ke afsaron ko madhya Bhaarat mein bhi apna vyaapaar failaane ki aavashyakta mahasoos huyi isi sandarbh afsaron ne ganga ke raaste mein padne vaale lagbhag sabhi nagareeya kshetron ka gahan adhyayan kiya. tamaam kshetron mein vindhyaachal evam ganga ki baaainhon mein faila vindhyakshetr angreji afsaron ko bha gaya. 1735 isavi mein laard markyooriys velesle naam ke ek aaingarej afsar ne is kshetr ki sthaapana mirjaapur naam se ki.
mirja shabd angreji shabdakosh mein 1595 isavi se juda jiska shaabdik arth hai "raajaao ka kshetr" is shabd ki vyutpatti ameer (English: Emir) evam jaad (Persian) ko milaakar banaae shabd ameerajaada se huyi. parshiya mein ameerajaada ke liye ek shabd moraja bhi hai. at: angrejon ne apne kshetr vistaar ke samay mirja shabd ko upaadhi ki tarah upayog kiya tatha kshetr ka naam "mirjaapur" rakh jiska arth hua raajaao ka kshetr.
kuchh sthaanon par apabhransh ke roop mein "meerajaapur" naam bhi chalan mein hai.
bhoogol
mirjaapur ki sthiti 25°a09′aN 82°a35′aE / 25.15°aN 82.58°aE[1] par hai. yahaan ki ausat oonchaai 80 meter (265 feet) hai.
janasankhya
2001 ki janaganana ke anusaar mirjaapur shahar ki janasankhya 2,05,264 hai. mirjaapur jile ki kul janasankhya 21,14,852 hai.
aavaagaman
- vaayu maarg
sabse niktatam havaai adda baabatapur (Varanasi vimaanakshetr) hai. Varanasi se mirjaapur 60 kilometer ki doori par sthit hai. Delhi, Agra, mumbai, Lucknow aur kaathamaandoo aadi se vaayumaarg dvaara mirjaapur pahuncha ja sakta hai.
- rel maarg
mirjaapur relamaarg dvaara Bhaarat ke kai pramukh shaharon se juda hua hai. kuchh mahatvapoorn trainein jaise kaalaka mel, purooshotam express, magadh express, ganga taapaati, triveni, mahaanagari express, haavad-mumbai aadi dvaara yahaan pahuncha ja sakta hai.
- sadak maarg
mirjaapur sadkamaarg dvaara Bhaarat ke kai pramukh shaharon se juda hua hai. Lucknow, Allahabad, Varanasi, Patna, Delhi aur Calcutta aadi jagah se sadkamaarg dvaara pahuncha ja sakta hain.
pramukh aakarshan
taarakeshaavar mahaadev
vindhyaachal ke poorv mein sthit taarakeshaavar mahaadev ka jikr puraan mein bhi kiya gaya hai. mandir ke sameep ek kund sthit hai. maana jaata hai ki taraak naamak asur ne mandir ke sameep ek kund khoda tha. Bhagwan Shiv ne hi taarak ka vadh kiya tha. isliye unhein taarakeshaavar mahaadev bhi kaha jaata hai. kund ke sameep kaafi saare shivling sthit hai. pauraanik katha ke anusaar Bhagwan vishnu ne taarakeshaavar ke pashchim disha ki or ek kund aur Bhagwan Shiv ke mandir ka nirmaan kiya tha. iske atirikt, aisa bhi kaha jaata hai ki taarakeshaavar mein devi lakshmi nivaas karti hain. devi lakshmi yahaan anya roop mein devi sarasvati ke saath vaishnavi roop mein rahati hai.
maha trikon
kaha jaata hai ki maha trikon ki parikrama karne se bhakton ki ichha poori hoti hai. mandir sthit vindhyaavashani devi ke darshan karne ke pashchaat bhakt sankat mochan mandir jaate hain. is mandir ko kaaleekhoh ke naam se bhi jaana jaata hai. yeh mandir vindhyaachal railway station ke dakshin disha ki or sthit hai. devi kaali aur sankat mochan ke darshan karne ke baad bhakt apni parikrama sant karanaagiri baavali ke darshan karke poori karte hain. kaaleekhoh ke aas-paas anya kai mandir jaise aanand bhairav, siddhanaath bhairav, kapaal bhairav aur bhairav aadi sthit hai. vindhyaachal mandir aur parikrama poori karne ke pashchaat man ko behad sukoon praapt hota hai. yeh poori yaatra maha trikon ke naam se prasiddh hai.
vindhyaachal mein trikon yaatra ka kaafi mahattv hai. trikon ka sahi krm hai- sarvapratham gangaasnaan ke pashchaat tat par sthit vindhyavaasini devi ka darshan. tatpashchaat kaaleegoh sthit maan kaali ka darshan. vahaan se ashtabhuji ki yaatra, aur fir laut kar vindhyavaasini aakar pun: darshan. is prakaar lagbhag chauhad kilometer ki yeh yaatra hoti hai. ye teenon sthal spasht rup se tribhuj ke teenon konon par avasthit hain. is yaatra ka atishya mahattv hai. tantr shaastron mein ise baahyatrikon ki yaatra ke rup mein maanyata hai. isi par aadhaarit ant: trikon ki yaatra bhi hoti hai.
shivpur
pauraanik katha ke anusaar Bhagwan shri Ram chandr ne apne pita raaja dasharath ka shraaddh vindhyaachal kshetr mein hi kiya tha. maana jaata hai ki Bhagwan shri Ram Bhagwan Shiv ke upaasak the. is jagah par Bhagwan Ram ne pashchim disha ki or Bhagwan Shiv ki pratima sthaapit ki thi. isi kaaran yeh jagah raameshaavar naam se prasiddh hui aur is jagah ko shivpur ke naam se jaana jaata hai.
seeta kund
ashtabhuja mandir ke pashchim disha ki or seeta ji ne ek kund khudavaaya tha. us samay se is jagah ko seeta kund ke naam se jaana jaata hai. kund ke sameep hi seeta ji ne Bhagwan Shiv ki sthaapana ki thi. jis kaaran yeh sthaan seeteshaavar ke naam se prasiddh ho gaya. seeta kund ke pashchim disha ki taraf Bhagwan shri Ram chandra ne ek kund khoda tha. jise Ram kund ke naam se jaana jaata hai. iske atirikt shivpur sthit Lakshman ji ne raameshaavar ling ke sameep shivling ki sthaapana ki thi, jo ki lakshmaneshaavar ke naam se prasiddh hai.
chunaar kila
chunaar sthit chunaar kila kaimoor parvat ki uttari disha mein sthit hai. is prasiddh kile ka nirmaan sherashaah dvaara karavaaya gaya tha. is kile ke chaaron or oonchi-oonchi deevaarein maujood hai. yahaan se sooryaast ka najaara dekhna bahut manohaari prateet hota hai. kaha jaata hai ki ek baar is kile par Akbar ne kabaaja kar liya tha. us samay yeh kila avadh ke navaabon ke adheen tha. kile mein sonava mandap, soorya dhoopaghadi aur vishaal kunaa maujood hai.
guroodvaara baag
shri guroo teg bahaadur ji ka yeh guroodvaara mirjaapur jile sthit Varanasi ke dakshin se 40 kilometer ki doori par aharaud gaanv mein sthit hai. yeh guroodvaara nauvein sikh guroo, teg bahaadur ko samarpit hai. yeh guroodvaara, guroodvaara baag saahib ke naam se prasiddh hai. maana jaata hai ki 1666 mein Varanasi ki yaatra ke dauraan guroo ji is jagah par aae the. is guroodvaare mein ek vargaakaar hall aur kai chhote-chhote kamarein hain. guroodvaare ki imaarat behad khoobsoorat hai. guroodvaare ke theek peechhe ek chhota sa bageecha sthit hai. 1742 mein prakaashit pavitra guroo granth saahib ki hastalipi aaj bhi yahaan sanrakshit hai. iske atirikt, guroodvaara baag saahib mein haath se likhi hui pothi, jispar guroo govind Singh ke hastaakshar hue hai, maujood hai. yeh pothi logon ke saamane keval guroo teg bahaadur aur guroo govind Singh ki jayanti par hi pradarshit ki jaati hai.
punyajal nadi
mirjaapur aur vindhyaachal ke madhya bahne waali is nadi ko punyajal athva ojhal ke naam se jaana jaata hai. kaha jaata hai ki jis prakaar sabhi yajnyaon mein ashvamegh yagya aur sabhi parvaton mein himaalaya parvat prasiddh hai usi prakaar sabhi teertho mein ojhal sabse pramukh maani jaati hai. is nadi ka jal ganga nadi ke jal ke samaan hi pavitra maana jaata hai. yeh jagah devi kaali ka mandir, mahaalakshmi, mahaasarasvati aur taraakeshaavar mahaadev ke mandir se ghiri hui hai.
tanda jalaprapaat
tanda jalaprapaal shahar se lagbhag saal meal ki doori par sthit hai. tanda jalaprapaat se kuchh doori par khajoori baandh aur vindhyaam jharana bhi sthit hai. vindhyaam jharana van vibhaag ke pramukh paryatan sthalon mein se hain. jharane ke paas hi park aur van vihaar ka nirmaan bhi kiya gaya hai. praakrutik sundarata ka anubhav karne ke liye kaafi sankhya mein paryatak is jagah par aate hain.
kaantit shareef
khwaaja ismaail chisti ka makabara, kaantit shareef mein sthit hai. pratyek varsh hindu va muslim donon milkar urs ka parv manaate hain. makabare ke sameep hi mugal kaal ki ek masjid sthit hai. yeh masjid kaafi lambi hai. jis kaaran ise laugi pahalavaan masjid ke naam se jaana jaata hai.
guroodvaara guroo da baagh
mirjaapur sthit guroodvaara guroo da baagh kaafi pramukh guroodvaaron mein se hai. is guroodvaare ka nirmaan dasvein sikh guroo, guroo govind Singh ki yaad mein karavaaya gaya tha. guroodvaara guroo da baagh shahar se lagbhag paanch kilometer ki doori par sthit hai.
raameshaavar mahaadev mandir
raameshaavar mandir mirjaapur jile ke vindhyaachal mein sthit hai. yeh jagah Ram gaya ghaat par, mirjaapur se lagbhag aath kilometer ki doori par hai. pauraanik katha ke anusaar, Bhagwan Ram ne is jagah par shivling ki sthaapana ki thi.