mera sangharsh

Unbalanced scales.svg
is lekh ki nishpakshata vivaadit hai.
krupaya iske vaarta prushth par charcha dekhein.

maain kaamf ("mera sangharsh") edolf hitlar ki aatmakatha hai

adolf hitlar ko vishv maanavata ka shatru samajhne vaale logon ke liye 'maain kaamf' hitlar ki aatmakatha 'mera sangharsh' ek aisi khyaati praapt aitihaasik granth hai, jiske adhyayan se na keval Germany ki peeda, balki hitlar ki peedit maanasikta mein usaki raashtravaadi manovrutti ka bhi anubhav hoga. saath hi raajaneetijnyaon ke charitra, raajaneeti ke svaroop, bhaagya-prakruti, shiksha sadanon ka mahattv, maanaveeya moolyon tatha raashtravaadi bhaavana ki mahaanata ke aadhaar ki bhi prerana milegi.

sarvavidit hai ki koi bhi insaan bura naheen hota, buraai insaan ki soch ke aadhaar par hi viksit hoti hai. vishv maanavata ke shatru kahe jaane vaale hitlar mein yadi avagun the, to dhyaan rahe, yeh usaki vishv-vijeta banane ki mahattvaakaanksha thi. saath hi usaki raashtravaadi manovrutti ko bhi hamein naheen bhoolana chaahiye. isi raashtravaadi dhaara ke pravaah mein kis prakaar usaki aakaanksha-mahattvakaanksha mein parivrtit hui, yeh tathya prastut 'maain kaamf' hitlar ki aatmakatha 'mera sangharsh' ke roop mein aapke samaksh saral hindi anuvaad karke darshaaya gaya hai, jiske pathn-paathn se aap swayam hi aankalan kar sakte hain.

mainne aandolan ke maadhyam se virodhi bhaav apnaate hue jarman raashtra dvaara kaala, safed, laal rangon wala puraana jhanda tyaag diya tha. raajaneetijnyaon tatha mere najariye mein jameen-aasmaan jaisa fark tha. main ishvar ka aabhaar vyakt karta hooain ki usane hamaare kendra mein safed chakr tatha kaale svaastik ke chinh wala yuddhakaaleen jhande ka sammaan sadaiv surakshit rakha. vartamaan kaal ke raaikh jisne khud ko tatha apne logon ko bech diya, use hamaare kaale, safed tatha laal rangon vaale aadaraneeya tatha saahas ke prateek jhande ko kabhi apnaane ki sveekruti naheen milni chaahiye.

ishvar ka main dhanyavaad ada karta hoon ki usane mujhe 'braaunaau-aan-the-in' mein janm diya. yeh chhota-sa kasba jarman aur aastriya raajyon ki seema par hai. in donon raajyon ko ek karne ke liye hamein visheshakar yuva peedhi ko har sambhav prayaas karne honge. kyonki jarman va aastriya Germany ka hi hissa hain. mera maanana hai ki ek khoon ke log ek jagah hi sangathit hone chaahiye. yadi is punargathan mein jarmanavaasiyon ki aarthik haani bhi uthaani pade to bhi yeh ghaate ka sauda naheen hoga.

upaniveshavaadi neeti ke viruddh jarmanavaasi tabhi apni aavaaj ko buland kar sakte hain, jab vah sabhi sangathit ho jaaen. yadi raashtra ki jameen samast praja ka jeevikopaarjan karne mein asamarth hai to jarman janta ka yeh naitik adhikaar banta hai ki vah apni jarooraton ko poora karne hetu un kshetron ko vaapas apne kabje mein le le, jo videshiyon ke adheen hain. aisa karne par ni:sandeh yeh dharati sabhi ki jeevika utpann karne mein samarth ho jaayegi.

mere liye ek mahaan kaarya ko poorn karne ka preranaastrot yeh chhota-sa kasba vartamaan peedhi ke liye bhi behad upayogi hai. kareeb sau varsh pehle yahaan ek sachche raashtravaadi tatha fraanseesiyon ke dushman 'jaahanjpalm' ko mrutyudand diya gaya tha. peshe se pustak vikreta is vyakti ka jurm sirf itna tha ki vah Germany se bahut prem karta tha. apni mrutyu ko saamane dekhkar bhi usane apne saathiyon ke naam naheen bataaye the. is ghatna ka poore jarman raashtra par gahra prabhaav pada.

isi tarah ek sarkaari aijent ne 'lyoshlaagetar' ko bhi fraanseesi sarkaar ko saunp diya tha. 'aagjbarg' naamak vah sarkaari ejent ek police nirdeshak tha. uske is gande udaaharan ka hairasevarig ke adheenasth raashtra ke navajarman karmachaariyon ne aage anusaran kiya.

(prastut pustak mein diye gaye aise sandarbhon ki jaankaari ke liye nimnalikhit tathyon ko dhyaan mein rakhana aavashyak hai–san 1792 se 1814 tak Germany fraanseesi senaaon ke adheenasth raha. hoin lindan mein hui aastriya ki haar baveriya ke kaaran hui. tab fraanseesiyon ne Munich apne kabje mein le liya. san 1805 mein baveriyn dalaiktar ko nepoliyn ne baveriya ki satta saunp di. jiske badle dalaiktar ne nepoliyn ko pratyek yuddh mein tees hajaar sainik bal ki sahaayata pradaan ki. is tarah baveriya poori tarah fraanseesiyon ka das ban gaya. is kaal ki Germany maanasik yantrana va hitlar ne kai baar ullekh bhi kiya hai. san 1800 mein ''Germany ka ghor apamaan'' naamak ek pustik dakshin Germany mein prakaashit hui thi. is pustika ke vitran mein nyoorambarg ke pustak vikreta 'jaahanjfilip palm' ka bhaari sahayog raha. baad mein ise ek baveriyn aijent ne fraanseesiyon ko saunp diya tha. mukadama chalne par palm ne apne jeevan ki paravaah na karte hue lekhak ka naam naheen bataaya tha. jis kaaran 26 August san 1806 ko nepoliyn ke aadesh par 'braaunaau-aan-the-in' mein use goli se uda diya gaya. us sthaan par usaki yaad mein ek smaarak banaaya gaya. smruti sthalon mein is smaarak ne hitlar ke baal mastishk par ek amit chhavi ankit kar di thi.

palm ki bhaanti brahm vigyaan ke chhaatr rah chuke lyooshlaagetar ka prakaran bhi kaafi had tak aisa hi tha. san 1914 mein ise ek topakhaane ka adhikaari banaakar sena mein bharti kiya gaya tha. layooshlaagetar ne donon shreniyon ke 'aayaran cross' jeete the. san 1923 mein France dvaara roohar par kabja kar lene par usane jarman ki or se satyaagrah kiya tatha koyala France mein jaane se rokane ke liye apne mitron ke saath ek railway pul uda diya. tab ek jarman jaasoos ne in sab ko fraanseesiyon se giraftaar karva diya tha. apne saathiyon ko bachaane ke liye lyooshlaagetar ne saara dosh apne sar le liya tha. is kaaran use maut ki saja hui aur uske mitron ko alag-alag avadhi ka kaaraavaas aur daasata ka aadesh mila. jor dene par bhi lyooshlaagetar ne nyaayaalaya se kshama naheen maangi thi, tab ek fraanseesi fauji daste ne 26 May 1923 ko use goli maar di thi. kaha jaata hai ki tatkaaleen jarman gruhamantri sivmaaring ko usane gyaapan diya tha jise gruhamantri ne dekhna bhi uchit naheen samjha. is tarah usaka naam bhi raashtreeya samaajavaadi aandolan ke pramukh shaheedon mein liya jaane laga. aandolan mein atisheeghr shaamil hone vaale is shaheed ki sadasyata card ki sankhya '61' thi. un dinon aastriya ke asainya adhikaariyon ka ek pad se doosare pad par sthaanaantaran hona aam baat thi.)

braaunaau-aan-the-in shaheedon ke kaaran kaafi sammaaneeya kasba tha, yaheen mere abhibhaavak rahate the. baveriyn vaasiyon ki sarjameen hone par bhi yeh kasba aastriya raajya ke adheen tha. is kasbe mein mere pita asainik pad par kaaryarat the. apne kaarya ke prati nishtha dekhte hi banti thi aur unke prati meri maan ki.... meri maan ek aadarsh gruhini thi. kam aay mein bhi vah parivaar ki paravarish behtar dhang se kar leti thi. fir ek din hamein vah kasba chhodkar pasaaoo mein aana pada. tab main kaafi chhota tha. daraasal vahaan ghaati mein base us kasbe mein mere pita ki niyukti ho gayi thi, kintu ham vahaan jyaada dinon tak naheen rahe, vahaan se hamein linj aana pada. isi jagah mere pita retire hue aur vaheen bas gaye. unki peinshan se ghar ka gujaara mushkil se ho raha tha.

mere pita bachapan se hi atyant parishrami the. unka parivaar bahut nirdhan tha. tab unki aayu maatr terah varsh ki hi thi, jab unhonne apne parivaar ki aarthik sthiti se pareshaan hokar ghar chhod diya tha. logon ne unki kam umr ko dekhkar ghar laut jaane ke liye bahut jor diya, kintu ve kuchh kar dikhaana chaahate the, at: kuchh seekhane ki ichha se viyaana aa gaye. us samay unki jeb mein maatr teen guladain the, jabki abhilaasha uchch thi. itni kam aayu mein bina dhan, kisi aparichit sthaan par aana ek saahasik kadam hi kaha jaayega, kyonki aane vaale samay mein unhein kin kathin paristhitiyon se do-chaar hona padega, yeh bhi unhein pata naheen tha. magar man ke drudh-nishchaya ne tamaam bhaya samaapt kar diye.

ghar tyaagane ke chaar varsh baad yaani jab unki aayu satrah varsh ki hui, to ve kaareegari ki training paas kar chuke the, magar is gun se unhein santushti na mil saki. us training se praapt kaam mein unhein jyaada aay naheen ho sakti thi, at: unhonne koi bada kaarya karne ka nishchaya kiya aur vah isi lakshya ki praapti mein vyast ho gaye. mere pita gaanv mein rahate hue sochate the ki purohitaai ka kaarya sarvashreshth hai, magar shahar mein aane tatha vahaan ka vaataavaran dekhkar unki soch badal gayi thi. vahaan aakar unhein sarkaari naukri ki mahatta ka pata chala, jismein paisa aur aaraam to tha hi, saath hi sammaan bhi tha. anya kisi kaam mein ve itni suvidhaaen naheen juta sakte the. apne isi drushtikon ke tahat unhonne sarkaari naukri praapt karne ki koshish shuroo kar di. ant mein unke drudh nishchaya ki jeet hui aur teis ya chaubees varsh ki aayu mein unhein asainik sarkaari sansthaan mein naukri mil gayi. apna nishchaya bhoolakar aur kadam ko pa lene ke baad unhein apne parivaar va kasbe ki yaad sataane lagi. magar ab vahaan unka apna koi naheen tha. at: vahaan jaana vyarth laga. unhonne vaapas kasbe mein lautane ka vichaar sthagit kar diya.

chhappan varsh ki aayu hone se sevaakaarya se nivrut ho gaye. khaali baithane ka unka svabhaav naheen tha, isliye unhonne kheteebaadi karne ka vichaar kiya aur upper aastriya ke baahari eriye mein lambaanch naamak sthaan par firm khareed liya. is tarah lambaanch mein nivaas karte hue ve dharati ke seene par hal chalaane lage.

yeh us daur ki baat hai, jab main is yogya ho chuka tha ki apne bhaavi jeevan ke vishay mein nirnaya le sakoon. pitaaji jis kaarya ko karte the, use karne ki meri tanik bhi ichha naheen thi. main kya karna chaahata tha?...is vishay par bhi mainne gambheerata se vichaar naheen kiya tha. magar fir bhi mainne apne man mein yeh kya nishchaya kar liya tha ki main apne pita ka kaarya naheen sanbhaaloonga.

ghar mein mere paanv rukate naheen the, mera adhikaansh samay sharaarati bachchon ke beech baatein karne ya daud lagaane mein beetata tha. meri maan ko ye ladke jara bhi pasand naheen the. meri sharaarati mitramandali ke saath aksar bahas hoti rahati, jisse mujhamein behichk bolne ka gun viksit ho raha tha. main achha khaasa neta ban gaya tha. apni umr se adhik vyakti ki bhaanti mera bolna mujhe paathashaala ke sabhi bachchon se alag pehchaan de raha tha.

mujhe girjaaghar mein hone waali praarthana sabhaaen bahut achhi lagti theen, at: main lambaanch ke girjaaghar ke samoohajeet mein geet gaane laga. mera maanaveeya aadarsh aibat the is aadarsh ko praapt karne ke liye main sadaiv sangharsharat rahata tha. jis tarah mere pitaaji ne bachapan mein ek pujaari se prerana praapt ki thi, theek vaise hi sthiti meri bhi thi. mujhe apne pitaaji se kabhi protsaahan naheen mila, kyonki unki najar mein mera kushal vakta hona mahattvaheen tha, mere bhavishya ko lekar vah sada chintit rahate the.

ek baar pitaaji ki kitaabon ko ulat-pulat kar dekhte hue mere haath kuchh aisi kitaabein lageen, jinka sambandh sainik vishyon se tha. is pustika ke do khand the. padhne ke liye mere haath priya saamagri lag gayi thi. is pustak ke pathan-paathan ne mere man mein sainik vishyon se jadi ghatnaaon ko vistaar se jaanane ki utkashtha utpann kar di. mere man mein tarah-tarah ke prashn jhaad-ghumad rahe the, kyonki ek pustika mein san 1870-71 ke faanseesi-jarman sainik vishyon se sambandhit saamagri thi.

main behad gambheerata se sochata tha, kya jarman mein rahane vaale tatha yuddh mein ladne vaale jarmanavaasiyon mein koi bhinnata hai? kya antar hai vah? aakhir is yuddh se aastriya alag kyon raha? kya ham anya jarmanavaasiyaaain ki bhaaainti jarman ke naagrik naheen hain? aakhir mere pita aur anya log kyon us yuddh mein sahayogi naheen bane? kya vaastav mein unamein aur hamamein antar hai?

in prashnon ke uttar khojane mein mera dimaag ulajhakar rah gaya. apne is prashnon ke jo uttar mainne khoje unase main asantusht tha. magar yeh baat main samajh chuka tha ki vismaark ke raajya se sambandhit hone ka saubhaagya sabhi jarmanavaasiyon ko naheen mila tha. aisa kyon tha, yeh meri buddhi mein naheen aa raha tha! isliye main is vishay mein gambheerataapoorvak adhyayan ka vichaar karne ka ichhuk tha, kintu mere pitaaji ko mera is kshetr mein padaarpan bada hi naagavaar gujara. unki ichha thi ki main bhi unki tarah sarkaari naukri praapt karoon. unhonne jis kathin parishram se apni manjil paayi thi aur jo anubhav unhein praapt hue the, ve mujhe apne unheen anubhavon se laabhaanvit karke apne se bhi uchch padaadhikaari banaana chaahate the. unka faisala ekdam uchit tatha tarkasangat tha, fir bhi main unki baat ko sveekaar na kar saka.

mera unke faisale se vimukh hona aisa tha jaise mujhe apne pita ke itni aayu ke anubhavon, gyaan tatha vivek par jara bhi vishvaas na ho. mainne yeh bhi naheen socha ek pita hone ke naate unhein mere sambandh mein faisala karne ka hak tha. tab main kareeb gyaarah varsh ka raha hooonga. mere pita ne mujhe aagaami jeevan ki achhaai-buraai, oonch-neech ka bhed bataakar bahut samajhaane ki koshish ki. mujhe daanta, fatakaara, dhamakaaya bhi, prem se sarkaari naukri ke laabh va suvidhaaon ki baabat bhi bataaya, magar mere kaan par joon tak naheen reingi. aakhir meri ragon mein bhi to unheen ka khoon gardish kar raha tha, jiddi svabhaav mujhe unheen se viraasat mein mila tha. mera yeh drudh nishchaya tha ki kisi bhi keemat par sarkaari naukri naheen karoonga. pitaaji ke naana prakaar ke pralobhan bhi mujhe mere faisale se diga naheen sake. daraasal main kuchh jyaada hi mahattvaakaankshi tha. apne pathan-paathan ka kaarya sheegra poorn kar main apni ichhaanusaar charchit sthaanon par ghoomane nikal jaaya karta tha.

aaj jab main apne us vigat jeevan ke baare mein sochata hoon, to mujhe bada vismaya hota hai, ki aakhir aisa kya kaaran tha, jo prakruti ne mujhe itna mohit kar liya tha? un dinon main prakruti ke prati itna anuraagi ho gaya tha ki meri school mein anivaarya upasthiti bhi naheen ho saki.

mere pita tatha mere sambandhon mein katuta aane lagi thi. ab ham aapas mein koi kaam naheen karte the, kintu hamaare beech mook virodhi ki sthiti bani hui thi. lekin jab mujhe anubhav hua ki ab pitaaji se bina baat kiye kaam naheen ban paayega to mainne unase baat karne ka nishchaya kiya. main sarkaari pad praapt kar ek kursi se chipkana naheen chaahata tha. poore din bekaar ke faarmon par pain chalaana mujhe jara bhi pasand naheen tha.

mainne pitaaji se kaha– ''pitaaji ! main sarkaari naukri karne ka ichhuk naheen hoon, balki chitrakaar banana chaahata hoon.'' mere kathan ne unke krodh ki chingaari ko bhadka diya. unhonne chetaavani bhare lahaje mein kaha– ''chitrakaar...! jab tak meri mrutyu naheen ho jaati, tumhaari yeh bachakaani ichha poorn hona asambhav hai.''

magar main bhala kahaan maanane wala tha! meri ruchi bhoogol va saamaanya itihaas jaise vishyon mein badhti gayi, meri is ruchi ne mere bheetar chhipe kalaakaar ko ubharane mein bahut sahaayata ki. shesh vishyon par main jara bhi dhyaan naheen deta tha. isi kaaran main apni kaksha mein in donon vishyon mein pratham raha, kintu anya vishyon mein pichhad gaya.

itihaas ka gaharaai se adhyayan karne ke kaaran mujhe do laabh hue– pehla laabh to mujhe yeh mila ki mera raashtravaadi drushtikon prakhar ho gaya tha. doosare main itihaas ki mahatta ko bhali-bhaanti samajhne laga tha.