meharagadh

praacheen meharagadh, Pakistan

meharagadh puraataatvik drushti se mahatvapoorn ek sthaan hai jahaaain navapaashaan yug (7000 isa-poorv se 2500 isa-poorv) ke bahut se avashesh mile hain. yeh sthaan vartamaan balochistaan (Pakistan) ke kachchi maidaani kshetr mein hai. yeh sthaan vishv ke un sthaanon mein se ek hai jahaaain praacheenatam krushi evam pashupaalan se sambandhit saakshya praapt hue hain. in avasheshon se pata chalta hai ki yahaaain ke log gehooain evam jau ki kheti karte the tatha bhed, bakari evam anya jaanavar paalate the. "[1].

meharagadh aaj ke baloochistaan mein bolan nadi ke kinaare sthit hai. bhaarateeya itihaas mein is sthal ka mahatva anek kaaranon se hai. yeh sthal bhaarateeya up mahaadveep ko bhi geinhooain-jau ke mool krushi vaale kshetr mein shaamil kar deta hai aur navapaashan yug ke bhaarateeya kaal nirdhaaran ko vishv ke navapaashan kaal nirdhaaran ke adhik sameep le aata hai. iske atirikt is sthal se sindhu sabhyata ke vikaas aur utpatti par prakaash padta hai. yeh sthal hadppa sabhyata se poorv ka aisa sthal hai jahaan se hadppa jaise inton ke bane ghar mile hain aur lagbhag 6500 vartamaan poorv tak maharagadh vaasi hadppa jaise aujaar evam bartan bhi banaane lage the. nishchit taur par is poore kshetr mein aise aur bhi sthal honge jinki yadi khudaai ki jaae to hadppa sabhyata ke sambandh mein nae tathya mil sakte hain. maharagadh se praapt ek aujaar ne sabhi ka dhyaan aakarshit kiya hai. yeh ek dril hai jo bahut kuchh aadhunik daaaintachikitsakon ki dril se milti julati hai. is dril ke prayog ke saakshya bhi sthal se praapt daanto se mile hain. yeh dril taanbe ki hai aur is nayi dhaatu ko le kar aaranbhik maanav ki utsukata ke kaaran is par anek prayog us samay kiye gaye honge aisa is dril ke aavishkaar se prateet hota hai. ek anya mahatvapoorn vastu hai saan patthar jo dhaatu ke dhaaradaar aujaar aur hathiyaar banaane ke kaam aata tha.

maharagadh se praapt hone waali anya vastuon mein bunaai ki tokariyaaain, aujaar evam manake hain jo badi maatr mein mile hain. inmein se anek manake anya sabhyataaon ke bhi lagte hain jo ya to vyaapaar athva pravaas ke dauraan laaye gaye honge. baad ke staron se mitti ke bartan, taanbe ke aujaar, hathiyaar aur samaadhiyaaain bhi leeleen hain. in samaadhiyon mein maanav shavaadhaan ke saath hi vastueain bhi hain jo is baat ka sanket hain ki meharagadh vaasi dharm ke aaranbhik svaroop se parichit the.

durbhaagya se Pakistan ki asthirta ke kaaran ateet ka yeh mahatvapoorn sthal upekshit pada hai. is sthal ki khudayi 1977 i0 me huyi thi. yadi iski samuchit khudaai ki jaae to yeh sthal is kshetr mein maanav sabhyata ke vikaas par nae tathya udghaatit kar sakta hai. abhi tak ki is khudaai mein yahaaain se navapaashan kaal se le kar kaansya yug tak ke pramaan milte hai jo kul 8 puraataatvik staron mein bikhre hain. yeh 8 star hamein lagbhag 5000 varshon ke itihaas ki jaankaari dete hain. inmein sabse puraana star jo sabse neeche hai navapaashan kaal ka hai aur aaj se lagbhag 9000 varsh poorv ka hai vaheen sabse naya star kaansya yug ka hai aur takareeban 4000 varsh poorv ka hai. meharagadh aur is jaise anya sthal hamein maanav pravaas ke us adhyaaya ko samajhne ki behtar antardrushti de sakte hai jo laakhon varshon poorv dakshin Africa se shuroo hua tha aur vibhinn shaakhaaon mein bant kar Europe, Bhaarat aur dakshin- poorv Asia pahuncha.


anukram

sthiti

yeh sthal vartamaan Pakistan ke pashchim me sindh - baloochistaan seema par bolan nadi ke kinaare kachhi maidaan me sthit hai.

inhein bhi dekhein

sandarbh

  1. Hirst, K. Kris. 2005. "Mehrgarh". Guide to Archaeology
  • praacheen Bhaarat ka itihaas - dvijendr naraayan jha evam Krishna mohan shreemaali. prakashak: hindi madhyam karyanvayan nideshalaya Delhi vishvavidyaalaya

baahari kadiyaaain