meghanaad saaha

meghanaad saaha

meghanaad saaha, barlin mein, 1921
janm 6 October 1893
shaaoraatoli, dhaaka (vartamaan Bangladesh)
mrutyu 16 fravari 1956(1956-02-16) (umr 62)
aavaas Bhaarat Flag of India.svg
raashtreeyata bhaarateeya Flag of India.svg
kshetr bhautiki
sansthaan Allahabad vishvavidyaalaya
Calcutta vishvavidyaalaya
shiksha dhaaka kaalij
presideinsi kaalij, Calcutta vishvavidyaalaya
prasiddhi taapeeya aayaneekaran

meghanaad saaha (6 October 1893 - 16 February, 1956) suprasiddh bhaarateeya khagolavijnyaaani (estrofijisist) the. ve saaha sameekaran ke pratipaadan ke liye prasiddh hain. yeh sameekaran taaron mein bhautik evam raasaayanik sthiti ki vyaakhya karta hai. unki adhyakshata mein gathit vidvaanon ki ek samiti ne Bhaarat ke raashtreeya shak panchaang ka bhi sanshodhan kiya, jo 22 March 1957 (1 chaitr 1879 shak) se laagoo kiya gaya.[1] inhonne saaha naabhikeeya bhautiki sansthaan tatha indiyn esosiyeshan for the kaltiveshan of saains naamak do mahattvapoorn sansthaaon ki sthaapana ki.

parichay

saaha ka janm dhaaka se 45 ki॰mee॰ door shiorataali gaaainv mein hua tha. unke pita ka naam jagannaath saaha tatha maata ka naam bhuvaneshvari devi tha.[2] gareebi ke kaaran saaha ko aage badhne ke liye bahut sangharsh karna pada. unki aarambhik shiksha dhaaka kaulejiyet school mein hui. intreins mein poorvi Bengal me pratham rahe. iske baad ve dhaaka kaalej mein padhe. vaheen par viyena se daaktaret karke aae pro nagendr naath sen se unhonne jarman bhaasha seekhi. Kolkata ke presidensi college se bhi shiksha grahan ki. 16 June 1918 ko unka vivaah raadha raani rai se hua. 1920 mein unke 4 lekh sauravarn mandal ka aayaneekaran, soorya mein vidyamaan tattvon par, gaison ki roop vikirn samasyaaon par tatha taaron ke Harvard vargeekaran par filaasaafikl maigajeen mein prakaashit hue. in lekhon se poori duniya ka dhyaan saaha ki or gaya. san 1923 se san 1938 tak ve Allahabad vishvavidyaalaya mein praadhyaapak bhi rahe. iske uparaant ve jeevan paryant Calcutta vishvavidyaalaya mein vigyaan faculty ke praadhyaapak evam deen rahe. san 1927 mein ve royal society ke sadasya (felo) bane. san 1934 ki bhaarateeya vigyaan Congress ke ve adhyaksh the. saaha is drushti se bahut bhaagyashaali the ki unako pratibhaashaali adhyaapak evam sahapaathi mile. unke vidyaarthi jeevan ke samay jagadeesh chandr Basu evam prafull chandr Roy apni prasiddhi ke charam par the. satyendr naath Bose, gyaan ghosh evam J N mukharji unke sahapaathi the. Allahabad vishvavidyaalaya mein prasiddh ganitjnya amiya chandr Bannerjee unki bahut najadeeki rahe. unka dehaant Delhi me yojana bhavan jaate samay hrudayaaghaat se hua.

unhonne desh ki aajaadi mein bhi yogadaan diya tha. angrej sarkaar ne varsh 1905 mein Bengal ke aandolan ko todne ke liye jab is raajya ka vibhaajan kar diya to samooche meghanaad bhi isse achhoote naheen rahe. us samay poorvi Bengal ke Governor sar baamafilde fullar the. ashaanti ke is daur mein jab fullar meghanaad ke dhaaka kaalijiyt school mein muaayane ke liye aae to meghanaad ne apne saathiyon ke saath fullar ka bahishkaar kiya. nateejatan meghanaad ko school se baahar ka raasta dikha diya gaya. preseedeinsi kaalej mein padhte hue hi meghanaad kraantikaariyon ke sampark mein aae. us samay aajaadi ke deevaane naujavaanon ke liye anusheelan samiti se judna desh seva ka pehla paath maana jaata tha. meghanaad bhi is samiti se jud gaye. baad mein meghanaad ka sampark netaaji subhaash chandra Bose aur desh ke pehle raashtrapati raajeindr prasaad se bhi raha.[3]

sandarbh

baahyasootr