mayaasur

shreekrushn mayaasur ko paandavon ke liye ek mahal nirmaan ka aadesh dete hue

maya ya mayaasur, kashyap aur dun ka putr, namuchi ka bhaai, ek prasiddh daanav. yeh jyotish tatha vaastushaastr ka aachaarya tha. maya ne daityaraaj vrushaparvan ke yagya ke avsar par bindusarovar ke nikat ek vilkshan sabhaagruh ka nirmaan kar apne adbhut shilpashaastr ke gyaan ka parichay diya tha.

iski do patniyaaain - Hema aur ranbha theen jinse paaainch putr tatha teen kanyaaeain huin. jab shankar ne tripuron ko bhasm kar asuron ka naash kar diya tab mayaasur ne amrutakund banaakar sabhi ko jeevit kar diya tha kintu vishnu ne uske is prayaas ko vifal kar diya. brahmapuraan (124) ke anusaar Indra dvaara namuchi ka vadh hone par isne Indra ko paraajit karne ke liye tapasya dvaara anek maaya vidyaaeain praapt kar leen. bhayagrast Indra braahman vesh banaakar uske paas gaye aur chhalapoorvak maitri ke liye unhonne anurodh kiya tatha asli roop prakat kar diya. ispar maya ne abhayadaan dekar unhein maaya vidyaaon ki shiksha di.

raavan ki patni mandodari maayaasur ki putri thi.

mahaabhaarat (aadiprv, 219.39; sabhaaparv, 1.6) ke anusaar khaandav van ko jalaate samay yeh us van mein sthit takshak ke ghar se bhaaga. Krishna ne tatkaal chakr se iska vadh karna chaaha kintu sharanaagat hone par arjun ne ise bacha liya. badle mein isne yudhishthir ke liye sabhaabhavan ka nirmaan kiya jo mayasabha ke naam se prasiddh hua. isi sabha ke vaibhav ko dekhkar duryodhan paandavon se daah karne laga tha. is bhaavana ne mahaabhaarat yuddh ko janm diya.

• vishvakarma
• bhaarateeya sthaapatyakala
• vaastushaastr
• maar (raakshas)