marusthal

marusthal ya registaan aise bhaugolik kshetron ko kaha jaata hai jahaan jalapaat (varsha tatha himpaat ka yog) anya kshetron ki apeksha kaafi kam hoti hai. praay: (galati se) reteele registaani maidaanon ko marusthal kaha jaata hai joki galat hai. yeh baat aur hai ki Bhaarat mein sabse kam varsha wala kshetr (thaar) ek reteela maidaan hai. maroosthal (kam varsha wala kshetr) ka reteela hona aavashyak naheen. marusthal ka garm hona bhi aavashyak naheen hai. antaarkatik, joki barf se dhaka pradesh hai, vishv ka sabse bada marusthal hai ! vishv ke anya deshon mein kai aise marusthal hain jo reteele naheen hai.

anukram

prakaar

marusthalon ko varsha, ausat taapamaan, saal mein bina varsha (ya himpaat) ke dinon ki sankhya ityaadi ke aadhaar par baanta ja sakta hai. Bhaarat ka thaar marusthal ek ooshn katibandheeya marusthal hai jiske kaaran hi yeh reteela bhi hai.

jalapaat ki drushti se

varsha tatha himpaat ke kul ko jalapaat kehte hain. yadi kisi kshetr ka jalapaat 200 milimeetar se bhi kam ho to vah ek prakaar ka pradesh hai. isi prakaar 250-500 milimeetar tak ke kshetr ko alag varg mein rakha ja sakta hai. isi prakaar anya kshetr bhi vargeekrut kiye ja sakte hain.

taapamaan ki drushti se

in kshetron ko taapamaan ki drushti se bhi vargeekrut kiya ja sakta hai.

  • ushn katibandheeya marusthal
  • uposhn katibedheeya marusthal
  • sheet katibandheeya marusthal

vrushtichhaaya kshetr

jab ek vishaal parvat varsha ke baadalon ko aage ki disha mein badhne mein baadha utpann karta hai tab uske aage ka pradesh vrushtiheen ho jaata hai aur ise vrushtichhaaya kshetr kehte hain.

parvateeya kshetr

adhik oonche parvaton (jaise ki himaalaya) par varsha naheen hoti isliye inhein bhi marusthal ka shreni mein rakha jaata hai.

saamaanya dasha

marusthal ka saamaanya gun to yeh hai ki ismein varsha kam hoti hai par iske atirikt bhi iske kuchh gun hain. jaise ki ye kshetr praay: virl aabaadi ke hote hain.

vishv ke keval 20% marusthal reteele hain. ret praay: paraton mein bichhi hoti hai. reteele kshetro ke dainik taapamaan mein bahut vividhta hoti hai.

lagbhag sabhi marusthal samatal hain.

prasiddh marusthal

mukhya lekh - vishv ke marusthal