marudgan

marudgan (=marut + gan) ek devagan ka naam. vedon mein inhein rudr aur vrushni ka putr likha hai aur inki sankhya 60 ki tiguni maani gayi hai; par puraanon mein inhein kashyap aur diti ka putr likha gaya hai jise uske vaimaatrik bhaai Indra ne garbh kaatkar ek se unachaas tukade kar daale the, jo unachaas marud hue. vedon mein marudagan ka sthaan antariksh likha hai, unke ghode ka naam 'prushit' batalaaya hai tatha unhein Indra ka sakha likha hai. puraanon mein inhein vaayukon ka dikpaal maana gaya hai

anukram

parichay

vaidik devataaon ke ye gan hain—aa8 vasu, 11 rudr, 12 aaditya. inmein Indra aur prajaapati mila dene se 33 devata hote hain (shatapath braahman). peechhe se in ganon ke atirikt ye gan aur maane gae—aa30 tushit, 10 vishvedeva, 12 saaghya, 64 aabhaasvar, 49 marut, 220 mahaaraajik. is prakaar vaidik devataaon ke gan aur paravarti devaganon ko kul sankhya 418 hoti hai. bauddh aur jain log bhi devataaon ke kai gan ya varg maanate hain.

chaaron vedon mein milkar maruddevata ke mantra 498 hain. marut ganash: rahate hain at: inka varnan sanghash: hi kiya jaata hai--

1. maruton ke ganon ke liye havya arpan karo (maarutaaya shardhaaya havya bharadhvam, ri. 8.20.9)!

2. maruton ke ganon ka vandan karo (vandasv maarutan ganam, ri. 1.38.1).

3. maruton ke ganon ko naman karo (maarutan ganan namasya, ri. 5.52.13).

4. marut apne ganon mein shobhate hain (ganashriya: marut:, ri. 1.64.9).

5. maruton ka balavaan gan sarankshan karta hai. (vrusha gan: avita ri. 1.87.4).

sab marut samaan rahate hain. sab marut dekhne mein ek jaise rahate hain--

te ajyeshtha akanishthaas ubhdido
amadhyamaaso mahasa vivaavrudhu:. (ri. 5.59.6)

ve marut shreshth naheen, kanishth naheen aur madhyam bhi naheen hote. ve sab ek jaise hote hain aur ve apni mahati shakti se badhte rahate hain. un maruton ke sir par hirnamaya shirstraaran hota hai. (ri. 5.54.77).

samaan ganavesh

sab maruton ka ganavesh samaan rahata hai.

1. inke ganavesh samaan reeti se shobhate hain.

2. inki chhaati par padak aur gale mein maalaaeain chamakati hain.

3. inke paaainvon mein bhooshan aur chhaati par padak aabhooshan se deekhate hain--(ri. 5.54.11).

shastraastr

sab maruton ke shastraastr samaan rahate hain. kandhon par bhaale aur haathon mein agni ke samaan tejasvi shastr rahate hain. apne haathon mein ve kuthaar aur dhanush rakhate hain. haathon mein chaabuk dhaaran karte hain.

maruton ke rath

1. marut apne rathon mein ghode jotate hain.

2. rathon mein dhabbonvaali hirniyaaain jotate hain.

3. unke rath ko hirn kheenchata hai (ri. 2.34, 8.7, 1.39).

maruton ka rath bina ghodon ke bhi chalanevaala tha. kisi pashu pakshi ke jotane ke bina vah chalta tha.

he maruto! tumhaara rath (an:-N:) nirdosh hai, (an-ashv:) ismein ghode naheen jote jaate, tathaapi vah (ajati) chalta hai. vah rath (a-rathi:) rathi bina bhi chalta hai. (an-avas:) rakshak ki jisko jaroorat naheen hai, (an abheeshu:) lagaam bhi naheen hai, aisa tumhaara rath (rajastoo:) dhooli udaata hua (rodasi pathya) aakaash maarg se (saadhan yaati) apna abheesht siddh karta hua jaata hai."

aashay yeh ki maruton ke chaar prakaar ke rath the--

(1) ashv rath,

(2) hariniyon se chalanevaala rath,

(3) anashv rath arthaat ghode ke bina veg se chalanevaala rath,

(4) aasmaan mein (rodasi) udnevaala rath arthaat vaayuyaan (ri. 6.66.7)

shatru par aakraman

marut devon ke sainik the at: unke liye shatru par hamla karna aavashyak hota tha. marut manushya the is vishay mein ved ke vachan dekhiye.

maruton ke gun

marut gyaani hai (prachetas: marut:). ve dooradarshi hain ("doore drush:"). ve kavi hai--(kavaya: marut:). marut atyant kushal, uttam sainik hain. marut ugr hai (ugra: marut:). shatru ko jad mool se ukhaadkar feinkanevaale marut hai (sumaaya marut:).

sthir shatru ko bhi apni shakti se ye marut sthaanabhrasht karte hain. (ri. 1.85.4).

ek pankti mein saat--marut apni pankti mein hi rahate the. yeh inki pankti saat ki hoti thi. aisi saat panktiyon ka ek gan hota tha. at: kaha hai--

1. ganasho hi marut:. (taandya bra. 19.14.2)

2. maruto ganaanaan pataya: (tai. a. 3.11.4.2)

3. sapt gana vai marut:. (tai. bra. 1.6.2.3)

maruto ka sangh hota hai, arthaat marut ganash: rahate hain. maruton ka gan saat saat ka hota hai. is kaaran unako "sapti" kehte hain :

saat saat sainikon ki saat panktiyon mein ye 49 rahate hain. aur pratyek pankti ke donon or ek ek paarshv rakshak rahata hai. arthaat ye rakshak 14 hote hain. is tarah sab milkar 49 a 14 u 63 sainikon ka ek gan hota hai. "gan" ka arth "gine hue sainikon ka sangh" hai. in maruton ke sangh is tarah 63 sainikon ke hote the.

maruton ke vimaan

maruton ke vimaan bhi hote the, jaisa oopar kah chuk hain.

he maruto! tum antariksh se hamaare paas aao. (ri. 5.53.8) antariksh se sanchaar karanevaale aakaashayaan unke paas the.

maruton ka stota amar hota hai.

ye marut maanav the.

aap manushya hain par aapki stuti karanevaala amar hota hai. aap rudr ke manushya roopi putr hain. (ri. 1.38.4, 1.64.2).

is tarah ved mein maruton ka varnan "sainikeeya gan" ke roop mein kiya gaya hai. vah dekhne yogya aur raashtreeya drushti se vichaar karne yogya hai.