mantr

hindu shruti granthon ki kavita ko paaramparik roop se mantra kaha jaata hai . iska shaabdik arth vichaar ya chintan hota hai [1] . mantrana, aur mantri isi mool se bane shabd hain . mantr bhi ek prakaar ki vaani hai, parantu saadhaaran vaakyon ke samaan ve hamako bandhan mein naheen daalte, balki bandhan se mukt karte hain.[2]

kaafi chintan-manan ke baad kisi samasya ke samaadhaan ke liye jo upaaya/vidhi/yukti niklati hai use bhi saamaanya taur par mantra kah dete hain. "shad karno bhidyate mantra" (chh: kaanon mein jaane se mantra naakaam ho jaata hai) - ismein bhi mantra ka yahi arth hai.

anukram

aadhyaatmik

paribhaasha: mantra vah dhvani hai jo aksharon evam shabdon ke samooh se banti hai.[3]. yeh sampoorn brahmaand ek tarangaatmak oorja se vyaapt hai jiske do prakaar hain - naad (shabd) evam prakaash. aadhyaatmik dharaatal par inmein se shabkoi bhi ek prakaar ki oorja doosare ke bina sakriya naheen hoti. mantra maatr vah dhvaniyaaain naheen hain jinhein ham kaanon se sunate hain, yeh dhvaniyaaain to mantron ka laukik svarup bhar hain.

dhyaan ki uchchatam avastha mein saadhak ka aadhyaatmik vyaktitv poori tarah se prabhu ke saath ekaakaar ho jaata hai jo antaryaami hai. vahi saare gyaan evam 'shabd' (Om) ka srot hai. praacheen rishiyon ne ise shabd-brahm ki sanjnyaa di - vah shabd jo saakshaat ishvar hai! usi sarvajnyaaani shabd-brahm se ekaakaar hokar saadhak manachaaha gyaan praapt kar sakta hai.

mantra ki utpatti

mantra ki utpatti bhaya se ya vishvaas se hui hai. aadi kaal mein mantra aur dharm mein bada sambandh tha. praarthana ko ek prakaar ka mantra maana jaata tha. manushya ka aisa vishvaas tha ki praarthana ke uchchaaran se kaaryasiddhi ho sakti hai. isaliye bahut se log praarthana ko mantra samajhte the.

jab manushya par koi aakasmik viptti aati thi to vah samajhta tha ki iska kaaran koi adrushya shakti hai. vruksh ka toot padna, makaan ka gir jaana, aakasmik rog ho jaana aur anya aisi ghatnaaon ka kaaran koi bhoot ya pishaach maana jaata tha aur iski shaanti ke liye mantra ka prayog kiya jaata tha. aakasmik sankat baar-baar naheen aate. isaliye log samajhte the ki mantra siddh ho gaya. praacheen kaal mein vaidya oshadhi aur mantra donon ka saath-saath prayog karta tha. oshadhi ko abhimantrit kiya jaata tha aur vishvaas tha ki aisa karne se vah adhik prabhaavotpaadak ho jaati hai. kuchh mantraprayogakarta (ojha) keval mantra ke dvaara hi rogon ka upachaar karte the. yeh inka vyavasaaya ban gaya tha.

mantra ka prayog saare sansaar mein kiya jaata tha aur moolat: iski kriyaaeain sarvatr ek jaisi hi theen. vigyaan yug ke aarambh se pehle vividh rog vividh prakaar ke raakshas ya pishaach maane jaate the. at: pishaachon ka shaman, nivaaran aur uchchaatan kiya jaata tha. mantra mein pradhaanata to shabdon ki hi thi parantu shabdon ke saath kriyaaeain bhi lagi hui theen. mantrochchaaran karte samay ojha ya vaidya haath se, anguliyon se, netr se aur mukh se vidhi kriyaaeain karta tha. in kriyaaon mein trishool, jhaadoo, kataar, vrukshavishesh ki tahaniyon aur soop tatha kalash aadi ka bhi prayog kiya jaata tha. rog ki ek chhoti si pratima banaai jaati thi aur usapar prayog hota tha. isi prakaar shatru ki pratima banaai jaati thi aur usapar maaran, uchchaatan aadi prayog kiye jaate the. aisa vishvaas tha ki jyon-jyon aisi pratima par mantraprayog hota hai tyon-tyon shatru ke shareer par iska prabhaav padta jaata hai. peepal ya vat vruksh ke patton par kuchh mantra likhkar unke mani ya taabeej banaae jaate thai jinhein kalaai ya kanth mein baaaindhane se roganivaaran hota, bhoot pret se raksha hoti aur shatru vash mein hota tha. ye vidhiyaaain kuchh had tak is samay bhi prachalit hain. sangraam ke samay dundubhi aur dhvaja ko bhi abhimantrit kiya jaata tha aur aisa vishvaas tha ki aisa karne se vijay praapt hoti hai.

aisa maana jaata tha ki vrukshon mein, chatushpathon par, nadiyon mein, taalaabon mein aur kitne hi kuon mein tatha soone makaanon mein aise praani nivaas karte hain jo manushya ko du:kh ya sukh pahuainchaaya karte hain aur anek visham sthitiyaaain unke kop ke kaaran hi utpann ho jaaya karti hain. inka shaman karne ke liye vishesh prakaar ke mantron aur vividhi kriyaaon ka upayog kiya jaata tha aur yeh maana jaata tha ki isse santusht hokar ye praani vyaktivishesh ko tang naheen karte. shaakt Dave aur deviyaaain kai prakaar ki vipttiyon ke kaaran samajhe jaate the. yeh bhi maana jaata tha ki bhoot, pishaach aur daakini aadi ka uchchaatan shaakt devon ke anugrah se ho sakta hai. isaliye aise devon ka mantron ke dvaara aahvaan kiya jaata tha. inki bali di jaati thi aur jaagaran kiye jaate the.

maaran mantra

apne shatru par ojha ke dvaara log maaran mantra ka prayog karavaaya karte the. ismein mooth naamak mantra ka prachaar kai sadiyon tak raha. iski vidhi kriyaaeain theen lekin sabka uddeshya yeh tha ki shatru ka praanaant ho. isaliye mantraprayog karanevaale ojhaaon se log bahut bhayabheet raha karte the aur jahaaain paraspar prabal virodh hua vaheen aise logon ki maaaing hua karti thi. jab kisi vyakti ko koi lamba ya achaanak rog hota tha to sandeh hua karta tha ki us par mantra ka prayog kiya gaya hai. at: uske nivaaran ke liye doosra paksh bhi ojha ko bulaata tha aur usase shatru ke virooddh maaran ya uchchaatan karavaaya karta tha. is prakaar donon or se mantrayuddh hua karta tha.

jab sanyogavash rog ki shaanti ya shatru ki mrutyu ho jaati thi to samjha jaata tha ki yeh mantraprayog ka fal hai aur jyon-jyon is prakaar ki safalataaon ki sankhya badhti jaati thi tyon-tyon ojha ke prati laagon ka vishvaas ddadh hota jaata tha aur mantrasiddhi ka mahatva badh jaata tha. jab asafalata hoti thi to log samajhte the ki mantra ka prayog bhali bhaaainti naheen kiya gaya. ojha log aisi kriyaaen karte the jinse prabhaavit hokar manushya nishchesht ho jaata tha. kriyaaon ko is samay hipnotijm kaha jaata hai.

mantragranth

mantra, unke uchchaaran ki vidhi, vividhi cheshtaaeain, naana prakaar ke padaartho ka prayog bhoot-pret aur daakini shaakini aadi, ojha, mantra, vaidya, mantraushadh aadi sab milkar ek prakaar ka mantrashaastr ban gaya hai aur is par anek granthon ki rachana ho gayi hai.

mantragranthon mein mantra ke anek bhed maane gaye hain. kuchh mantron ka prayog kisi Dave ya devi ka aashray lekar kiya jaata hai aur kuchh ka prayog bhoot pret aadi ka aashray lekar. ye ek vibhaag hain. doosra vibhaag yeh hai ki kuchh mantra bhoot ya pishaach ke virooddh prayukt hote hain aur kuchh unki sahaayata praapt karne ke hetu. stri aur purush tatha shatru ko vash mein karne ke liye jin mantron ka prayog hota hai ve vasheekaran mantra kahalaate hain. shatru ka daman ya ant karne ke liye jo mantravidhi kaam mein laai jaati hai vah maaran kahalaati hai. bhoot ko unako uchchaatan ya shaman mantra kaha jaata hai.

logon ka vishvaas hai ki aisi koi kathinaai, koi viptti aur koi peeda naheen hai jiska nivaaran mantra ke dvaara naheen ho sakta aur koi aisa laabh naheen hai jiski praapti mantra ke dvaara naheen ho sakti.

inhein bhi dekhein

baahari kadiyaaain

sandarbh

  1. sanskrut mein mananen traayate iti mantr: - jo manan karne par traan de vah mantr hai
  2. shreemadbhagavadageeta - teeka shri bhoopendranaath saanyaal, pratham khand, adhyaaya 1, shlok 1
  3. aap svaami ved bhaarati ki pustak "mantra: kyon aur kaise padh lein.