manna de

manna de

san 2007 mein daadaasaaheb faalke puraskaar se sammaanit hone ke baad ka manna de ka yaadagaar chitr
prushthabhoomi ki jaankaari
janmanaam prabodh chandr de
janm 1 May 1919 [1]
Calcutta, british Bhaarat
mrutyu October 24, 2013(2013-10-24) (umr 94)
bangalaur, Bhaarat
shaili paarshv gaayak
vyavasaaya gaayak
sakriya varsh 1919–2013
jaalasthal/website mannadey.in

manna de (1 May 1919 - 24 October 2013), jinhein pyaar se manna da ke naam se bhi jaana jaata hai, film jagat ke ek suprasiddh bhaarateeya paarshv gaayak the. unka vaastavik naam prabodh chandr de tha. manna da ne san 1942 mein film tamanna se apne filmi kairiyr ki shuruaat ki aur 1942 se 2013 tak lagbhag 3000 se adhik gaanon ko apni aavaaj di.[2] mukhyat: hindi evam bangaali filmi gaanon ke alaava unhonne anya bhaarateeya bhaashaaon mein bhi apne kuchh geet record karavaaye.

Bhaarat sarkaar ne unhein 1971 mein padm shri, 2005 mein padm bhooshan evam 2007 mein daadaasaaheb faalke puraskaar se sammaanit kiya.

anukram

praarambhik jeevan

gaayaki ke pachaas varsheeya utsav ke dauraan netaaji indor stadium, Kolkata mein manna de.

manna da ka janm Calcutta (vartamaan Kolkata) mein 1 May 1919 ko mahaamaaya va pooran chandr de ke yahaaain hua tha. unhonne apni praarambhik shiksha indu baabur paathashaala se poori karne ke pashchaat skautish church college mein pravesh liya. college ke dinon ve kushti aur mukkebaaji jaisi pratiyogitaaon mein khoob bhaag lete the. unke pita unhein vakeel banaana chaahate the. unhonne vidyaasaagar college se snaatak kiya. kushti ke saath manna football ke bhi kaafi shaukeen the. sangeet ke kshetr mein aane se pehle is baat ko lekar lambe samay tak duvidha mein rahe ki ve vakeel banein ya gaayak. aakhirkaar apne chaacha Krishna chandr de se prabhaavit hokar unhonne tay kiya ki ve gaayak hi baneinge.[3][4][5]

manna de ne sangeet ki praarambhik shiksha apne chaacha ke॰ see॰ de se haasil ki. unke bachapan ke dinon ka ek dilchasp vaakaya hai. ustaad baadal Khan aur manna de ke chaacha ek baar saath-saath riyaaj kar rahe the. tabhi baadal Khan ne manna de ki aavaaj suni aur unke chaacha se poochha - "yeh kaun ga raha hai?" jab manna de ko bulaaya gaya to unhonne ustaad se kaha -"bas aise hi ga leta hooain." lekin baadal Khan ne manna de ki chhipi pratibha ko pehchaan liya. iske baad vah apne chaacha se sangeet ki shiksha lene lage. manna de 40 ke dashak mein apne chaacha ke saath sangeet ke kshetr mein apne sapanon ko saakaar karne ke liye Mumbai aa gaye. aur fir yaheen ke hokar rah gaye.[6] vah juhoo vile paarle mein rahate the.[krupaya uddharan jodein]

vyaktigat jeevan

18 December 1953 ko Kerala ki sulochana kumaaran se unki shaadi hui. unki do betiyaaain hain: shuroma aur sumita. shuroma ka janm 19 October 1956 tatha sumita ka janm 20 June 1958 ko hua. unki patni sulochana, jo Cancer se peedit thi, ki mrutyu bangalor mein 18 January 2012 ko hui. apne jeevan ke pachaas varsh se jyaada mumbai mein vyateet karne ke baad manna de antat: kalyaan nagar bangalor mein ja base. isi shahar mein unhonne antim saaains li.

yaadagaar baatein

1943 mein film tamanna me bataur plebaik singar unhein suraiya ke saath gaane ka mauka mila. haalaanki isse pehle vah film raamaraajya mein koras ke rup mein ga chuke the. dilchasp baat hai ki yahi ek ekamaatr film thi, jise raashtrapita mahaatma Gandhi ne dekha tha. manna de keval shabdo ko hi naheen gaate the, balki apne gaayan se shabd ke peechhe chhipe bhaav ko bhi khoobsoorti se saamane laate the. shaayad yahi kaaran hai ki prasiddh hindi kavi harivansh rai Bachchan ne apni amar kruti madhushaala ko svar dene ke liye manna de ka chayan kiya. san 1961 me sangeet nirdeshak salil chaudhari ke sangeet nirdeshan mein film kaabuleevaala ki safalta ke baad manna de shoharat ki bulandiyon par ja pahuainche.[7]

manna de ka rekhaachitr (saujanya: saptarshi ghosh)

aavaara mein unke dvaara gaya geet "tere bina chaaaind ye chaaaindani!" behad lokapriya hua. iske baad unhein bade banner ki filmon mein avsar milne lage. "pyaar hua ikaraar hua" (shri 420), "ye raat bheegi-bheegi" (chori-chori), "jahaaain main jaati hooain vaheen chale aate ho" (chori-chori), "mud-mud ke na dekh mud-mud ke!" (shri 420) jaise anek safal geeton mein unhonne apni aavaaj di.[8]

geet evam tippaniyaaain

aap log mere geet ko sunate hain lekin agar mujhse poochha jaaye to main kahooainga ki main manna de ke geeton ko hi sunata hooain.

mohammad rafi[9]

manna de ko kathin geet gaane ka shauk tha. unke gaaye geet har tabake mein kaafi lokapriya hue. "laaga chunari mein daag, chhupaaooain kaise?", "poochho na kaise mainne rain bitaayi!", "sur na saje, kya gaaooain main?", "jindagi kaisi hai paheli haaya, kabhi ye hainsaaye kabhi ye rulaaye!", "ye raat bheegi bheegi, ye mast najaare!", "tujhe sooraj kahooain ya chanda, tujhe deep kahooain ya taara!" ya "too pyaar ka saagar hai, teri ik booaind ke pyaase ham" aur "aayo kahaaain se ghanashyaam?" jaise geet hi naheen, unke gaaye "yak chatur naar, badi hoshiyaar!", " yaari hai imaan mera, yaar meri jindagi!", "pyaar hua ikaraar hua", "ai meri johara jabeen!" aur "ai mere pyaare vatan!" jaise geet bhi logon ki jabaan par aaj bhi chadhe hue hain.[10]

gaayaki ko lekar manna de ke man mein apaar shraddha thi. kisi bhi nirmaata ko yadi apni film mein shaastreeya geet gavaana hota tha to vah sirf manna de ko hi sign karta tha.[krupaya uddharan jodein] 1968 mein release hui film padosan ke ek gaane ("ik chatur naar badi hoshiyaar") ki rikaurdig ho rahi thi to kishor Kumar, jinhein saragam bilkul naheen aati thi aur manna de, jo iske master the, ke beech is baat ko lekar kheenchtaan ho gayi. nirmaata ne kaha ki ise vaisa hi gaana hai jaisa geetkaar Rajendra Krishna ne likha hai. kishor Kumar to gaane ke liye taiyaar ho gaye parantu manna de ne gaane se mana kar diya. ve ad gaye aur kaha "main aisa hargij naheen karooainga. main sangeet ke saath majaak naheen kar sakta." khair kisi tarah manna ki baat maan li gayi aur geet ki rikaurdig shuroo hui. parantu unhonne saara gaana klaasiki andaaj mein hi gaaya. lekin jab kishor Kumar ne galat amdaaj wala noteshan gaayaki ke andaaj mein gaaya, to manna chup ho gaye aur kaha - "yeh kya hai? yeh kaun sa raag hai?" is par haasya abhineta Mehmood ne unhein samajhaaya - "sar! scene mein kuchh aisa hi karna hai, isaliye kishor da ne aise gaaya." magar manna da iske liye taiyaar naheen hue. kisi tarah unhonne apne hisse ka geet poora kiya lekin vah sab naheen gaaya jo unhein pasand naheen tha. [11]

unke kuchh aur prasiddh geet is prakaar hain-

ham sabhi unhein aaj bhi manna da ke naam se hi pukaarate hain. shaastreeya gaayaki mein unka koi saani naheen.

Mahendra Kapoor[12]

  • nirbal se ladaai balavaan ki, ye kahaani hai diye ki au'toofaan ki.
  • kasamein vaade pyaar vafa sab baatein hain baaton ka kya?
  • A bhaai! jara dekh ke chalo.
  • abhi to main javaan hooain.
  • meri bhains ko danda kyon maara?[13]

chalachitr vivran

  • tamanna (1942)
  • raamaraajya (1943)
  • jvaar bhaata (1944 film)
  • kavita (1945)
  • mahaakavi kaalidaas (1944)
  • vikramaaditya (1945)
  • prabhu ka ghar (1946)
  • vaalmeeki (1946)
  • geet govind (1947)
  • haam bhi inasaan hain (1948)
  • aavaara (1951 film)
  • aandolan (1951)
  • rajput (1951)
  • jeevan nauka (1952)
  • kurbaani (1952)
  • parineeta" (1953)
  • Chitrangadha (1953)
  • mahaatma (1953)
  • boot paulish (1954)
  • badavaan (1954)
  • mahaatma kabeer (1954)
  • raamaayan (1954)
  • shri 420 (1955 film)
  • seema (1955)
  • devadaas (1955)
  • jaya mahaadev (1955)
  • jhanak jhanak paayal baaje (1955)
  • chori chori (1956)
  • do aaainkhein baarah haath (1957 film)
  • amar Singh Rathore (1957)
  • janam janam ke fere (1957)
  • Johnny vaakar (1957)
  • laal batti (1957)
  • miss India (1957)
  • narasi bhagat (1957)
  • naya jmaana (1957)
  • paradesi (1957)
  • paravarish (1958)
  • post box 999 (1958)
  • anaadi (1959)
  • chaacha jindaabaad (1959)
  • kavi kaalidaas (1959)
  • navarang (1959)
  • ujaala (1959)
  • anguleemaal (1960)
  • anuraadha (1960)
  • Mumbai ka babu (1960)
  • barasaat ki raat' (1960)
  • bevakoof (1960)
  • jis desh mein ganga bahti hai (1960)
  • kaala baajaar (1960)
  • kalpana" (1960)
  • kaabuleevaala (1961)
  • baat ek raat ki (1962)
  • dil hi to hai (1963)
  • rustam soharaab (1963)
  • ustaadon ke ustaad (1963)
  • chitralekha (1964)
  • vakt (1965 film)
  • tokyo mein pyaar (1966)
  • teesari kasam (1966 film)
  • pyaar kiye ja (1966)
  • upakaar (1967 film)
  • raat aur din (1967)
  • aamne saamane (1967)
  • paalaki (1967)
  • navaab sirjudaula
  • boond jo ban gaya moti (1967)
  • padosan (1968 film)
  • mere hujoor (1968)
  • neelakamal (1968 film)
  • Ram aur raheem (1968)
  • ik do fool maali (1969)
  • chanda aur bijli (1969)
  • jyoti (1969)
  • nishi padma (1970)
  • mera naam jokar (1970 film)
  • aanand (1971)
  • Hongkong mein jauhar Mehmood (1971)
  • jaane anajaane (1971)
  • laal patthar (1971)
  • buddh mil gaya (1971)
  • anubhav (1972)
  • paraaya dhan (1971)
  • reshama aur shera (1971)
  • chemmeen (malayalam)
  • baavarchi (1972)
  • seeta aur geeta (1972 film)
  • shor (1972)
  • jindagi jindagi (1972)
  • aavishkaar (1973)
  • dil ki raahein (1973)
  • Hindustan ki kasam (1973)
  • sampoorn raamaayan (1973)
  • saudaagar (1973)
  • janjeer (1973)
  • baubi (1973 film)
  • resham ki dori (1974)
  • us paar (1974)
  • shole (1975 film)
  • himaalaya se ooncha (1975)
  • sanyaasi (1975)
  • ponga pandit (1975)
  • jaya santoshi maaain (1975)
  • deevaar (1975 film)
  • das mainavaati (1976)
  • mahbooba (1976)
  • amar Akbar enthani (1977)
  • anurodh (1977)
  • meenoo (1977)
  • main tulasi tere aaaingan ki (1978 film)
  • satyam shivm sundaram (1978 film)
  • jurmaana (1978)
  • abdulla (1980)
  • choron ki baaraat
  • kraanti (1981 film)
  • karj (1980)
  • laavaarish (1981)
  • prahaar (1990)
  • gudiya (1997)
  • umar (2006)

sammaan

raveendr bhaarati vishvavidyaalaya se (May 2004 mein) dee॰alit॰ ki upaadhi lene ke baad manna de

san 1969 mein film mere hujoor ke liye sarvashreshth paarshvagaayak, 1971 me bangala film nishi padama aur 1970 mein pradarshit film mera naam jokar mein sarvashreshth paarshvagaayan ke liye filmafeyar puraskaar se sammaanit kiye gaye. Bhaarat sarkaar ne manna de ko filmon mein ullekhaneeya yogadaan ke liye san 1971 mein padm shri sammaan aur 2005 mein padm bhooshan puraskaar se sammaanit kiya. iske atirikt san 2004 mein raveendr bhaarati vishvavidyaalaya ne unhein dee॰alit॰ ki maanad upaadhi di. filmon mein unke ullekhaneeya yogadaan ko dekhte hue san 2007 mein unhein filmon ka sarvochch sammaan daadaasaaheb faalke puraskaar pradaan kiya gaya.[14]

aatmakatha

manna de paarshvagaayak to the hi unhonne baangla bhaasha mein apni aatmakatha bhi likhi thi jo baaaingla ke alaava anya bhaashaaon mein bhi chhapi. unki jeevani ko lekar anya lekhakon ne bhi pustakein likheen. prakaashit pustakon ka vivran is prakaar hai-

  • jibonere jalaasoghore: (baangla mein), aananda prakaashan, Kolkata se prakaashit,[15]
  • memoreej kam alaaiv: (angreji mein), penguin books dvaara prakaashit,[16]
  • yaadein ji uthi: (hindi mein), penguin books dvaara prakaashit,[17]
  • jibonere jalaasoghore: (maraathi mein), saahitya prasaar academy, Nagpur se prakaashit,
  • manna de manniyoboreshoo: (baangla mein manna de ki ek jeevani) anjali prakaashak, Kolkata dvaara prakaashit, lekhak: dau॰ Gautam Roy.

vruttachitr

manna de ke jeevan par aadhaarit "jibonere jalaasoghore" naamak ek angreji vruttachitr 30 April 2008 ko nandan, Kolkata mein release hua. iska nirmaan "manna de sangeet academy dvaara" kiya gaya. iska nirdeshan kiya dau॰ saaroopa saanyaal aur vipnan ka kaam sambhaala sa re ga ma (H.M.vi) ne.[18]

nidhan

8 June 2013 ko seene mein sankraman ke baad unhein bangalor ke ek aspataal ke gahan chikitsa kaksh mein bharti karaaya gaya.[19] 9 June 2013 ko achaanak unki maut ki khabar aayi, kintu chikitsakon ne kaha ki ve abhi jinda hain aur unki sthiti sthir bani hui hai. sankraman se bachaane hetu ventiletar par gahan chikitsakeeya pareekshan kiye ja rahe hain.[20] 9 July 2013ko unka svaasthya theek ho gaya tha aur chikitsakon dvaara soochana di gayi ki unhein ventiletar se hata diya gaya hai.[21] unhein saaains mein takaleef ke saath gurde ki bhi samasya thi. vah daayalisis ke daur se bhi gujar rahe the.[22] 24 October 2013 ko subah 4 bajkar 30 minute par shareer ke kai angon ke kaam na karne se aspataal mein hi unka dehaant ho gaya. antim samay mein manna de ke paas unki putri shumita va daamaad jnyaaanaranjan Dave maujood the.[23]

sandarbh

  1. "Padmabhusan Manna Dey". Mannadey.in. http://www.mannadey.in/. abhigman tithi: 24 October 2012.
  2. "aanand, upakaar va vakt ki amit chhaap chhod gaye..". Rajasthan patrika. 24 October 2013. http://rajasthanpatrika.patrika.com/news.aspx?id=1099973.
  3. "Music Singer Colossus". Screen. 28 July 2009. http://www.screenindia.com/old/print.php?content_id=10431&secnam=music. abhigman tithi: 25 October 2013.
  4. "The life of legendary singer Manna Dey, golden voice of Indian cinema". Hindustan times. 24 October 2013. http://www.hindustantimes.com/entertainment/music/the-life-of-legendary-singer-manna-dey-golden-voice-of-indian-cinema/article1-1139282.aspx. abhigman tithi: 25 October 2013.
  5. "kushti ke deevaane manna de aise bane anmol gaayak". dainik jaagaran. 24 October 2013. http://www.jagran.com/entertainment/bollywood-noted-singer-manna-deys-passion-was-wrestling-10817005.html. abhigman tithi: 25 October 2013.
  6. N di ti vi mein manna de ka shaanadaar safar
  7. I bi N khabar me padhein- manna de ke jeevan se judi yaadagaar baatein
  8. samay live: manna de ko is baat ka tha behad dukh!
  9. bhaarateeya saahitya ka adviteeya sankalan bhaarateeya saahitya sangrah ki bhoomika se
  10. navabhaarat times: fok se lekar paup tak vahi apanaapan aur gaharaai, 25 October 2013
  11. "aur manna de ne naheen gaaya padosan ka gaana". dainik jaagaran. 25 October 2013. http://www.jagran.com/entertainment/bollywood-when-manna-dey-refused-to-sing-padosans-song-10819332.html. abhigman tithi: 25 October 2013.
  12. I bi N khabar: manna de ke jeevan se judi yaadagaar baatein
  13. radio play back India mein manna de ke prasiddh geeton ka audio
  14. shailendr chauhaan. "manna de ka sangeet sansaar" (hindi mein). abhivyakti web patrika. http://abhivyakti-hindi.org/samachar/film_ilm/2013/manna_dey.htm. abhigman tithi: 2013.
  15. pustak: jibonere jalaasoghore, prakaashak: aananda prakaashan, Kolkata, prakaashan varsh: 2005
  16. Book Name: Memories Come Alive, Paperback: 432 pages,Language: English,ISBN-10: 0143101935/ ISBN-13: 978-0143101932,Publisher: Penguin Books,India; 2007 edition (April 30, 2007)
  17. pustak ka naam: yaadein ji uthi (jeevani/aatmakatha), prakaashak: peingin books, aaiesabeeen : 9780143103189, prakaashan varsh : January 01, 2008, pustak kran : 8694, mukhaprushth : ajild
  18. vebaduniya hindi: manna da : aavaaj ka meetha amrut shesh hai...
  19. "Veteran singer Manna Dey critical in Bangalore hospital". Indiatvnews.com. http://www.indiatvnews.com/entertainment/bollywood/veteran-singer-manna-dey-critical-in-bangalore-hospital--8090.html.
  20. "Legendary singer Manna Dey stable but critically ill". Ibnlive.in.com. http://ibnlive.in.com/news/legendary-singer-manna-dey-stable-but-critical/397431-8-66.html.
  21. "Manna Dey's health improves | Bollywood News | Hindi Movies News | News". BollywoodHungama.com. 8 July 2013. http://www.bollywoodhungama.com/more/news/view/id/1888116.
  22. janasatta: tasveeron mein kaid : suron ke jaadoogar manna de
  23. "sangeet ka ek yug hua khatm, naheen rahe manna de". aaibeeen-7. 24 October 2013. http://khabar.ibnlive.in.com/news/110532/6. abhigman tithi: 24 October 2013.

baahari kadiyaaain