mangal Pande (kraantikaari)

mangal paande
janm 30 January 1827
nagava baliya, Bhaarat
mrutyu 8 April 1857
bairakapur, Bhaarat
vyavasaaya bairakapur chhaavani mein Bengal netiv infaintri ki 34veen rejeement mein sipaahi
prasiddhi kaaran bhaarateeya svatantrata senaani
dharm hindu
mangal paandeya ne isi enfeeld rifle ka prayog 29 March 1857 ko bairakapur chhaavani mein kiya tha

mangal paandeya (baangla: মaaঙaa্aaগaaল পaaাaaনaa্aaডaaে; 30 January 1827 - 8 April 1857) san 1857 ke pratham bhaarateeya svatantrata sangraam ke agradoot the. yeh sangraam poore Hindustan ke javaanon va kisaanon ne ek saath milkar lada tha. ise british saamraajya dvaara daba diya gaya. iske baad hi Hindustan mein barataaniya hukoomat ka aagaaj hua.

anukram

sankshipt jeevan vrutt

veeravar mangal paandeya ka janm 30 January 1827 ko vartamaan uttar pradesh, jo un dinon sanyukt praant Agra va avadh ke naam se jaana jaata tha, ke baliya jile mein sthit nagava gaaainv mein hua tha. svaadhinta ki vedi par pehla balidaan britaani saamraajya ke vafaadaar, chatur vyaapaari, jo Bhaarat mein aae to vyaapaar karne thein, lekin is desh mein chal rahi foot ne unhe is par raaj karne ki jipsa jaga diya. san 1757 i0 se britishon ke gulaam bane Bhaarat mein sau varshon baad is daasata se mukti ke liye saamoohik sangharsh karne ki sthitiyana ban paayi. 1857 i0 ke pratham svatantrata sangraam ko jan-jan ka mukti sangraam banaane liye hamaare rananeetikaaron ne bade hi vyaapak paimaane par taiyaari bhi kiya tha. is samavet mukti sangraam ko aarambh karne ki tithi bhi iske naayakon dvaara 31 May 1857 nirdhaarit ki gayi thi. lekin is tithi se do maah poorv hi ganga ki urvar mitti mein pada kraanti beej foot pada. 29 March 1857 ko bairakapur chhaavani (Calcutta) mein is sangraam ke agrail, Agra-avadh praant (ab uttar pradesh) ke Gazipur jile (ab baliya jila) ki baliya tahaseel ke nagava ganaav nivaasi, angreji fauj ki 34 number deshi sena ki 39veen palatan ke 1446 number sipaahi shri mangal paande ne sena ke do adhikaariyon mi baaaif aur mi. hyoosan ko maut ke ghaat utaar kar, svaadhinta ki balivedi par apna sthaan aarakshit kar liya. yadyapi ki british evam british saamraajya ke aashrit itihaasakaaron ne shri mangal paande ke balidaan ko maamooli sainik vidroh bataakar aur pratham svatantrata sangraam se alag british fauj ki aantarik bagaavat bataane ka asafal prayaas kiya gaya hai. mangal paandeya ki bagaavat agar maatr ek sipaahi ka vidroh tha, to is ek baagi ko niyantran mein karne ke liye fauji adhikaariyon ko bairakapur chhaavani mein baahar se fauj kyon mangaani padi? agar yeh sainik hi vidroh tha to hajaaron kilometer door Meerut chhaavani mein 10 May 1857 ko kaise sainikon ne vidroh kar diya? usase bhi bada is shahaadat ka saboot to british sansad ke 9 sitmbar 1857 ke abhilekhon mein darj hai, jismein tatkaaleen varishth saansadon jo Bhaarat ki british fauj mein hui is vidroh par sansad mein apni chinta jataate hue kehte hain ki '' Bhaarat mein sena mein hui bagaavat gambheer ghatna hai. british saamraajya par jo sabse badi viptti aa sakti thi, vah hamaare sir par ghahara padi hai''. yeh tathya is tathya ko pramaanit karne ke liye paryaapt hai ki baliya ke mangal paandeya san 1857 E. ke pratham svatantrata sangraam ke pratham balidaani to hai hi, is pratham samavet mukti sangraam ke agradoot bhi hai. mangal paande british sena ke vah pehle sipaahi bhi hain, jinhone kisi angrej adhikaari par goli chalaane ka saahas kiya aur do sashastr angrej adhikaariyon ko maut ke ghaat utaar diya. mangal paande ke is dughash pauroosh ka anaakalan is baat se kiya ja sakta hai ki us ghatna ke baad angrejon ke dilon dimaag par mangal paande ka khauf is kad haavi tha, ki unki patniyaan bairakapur se Calcutta bhaag gayi. angrej afsaron ko har bhaarateeya sipaahi (paandi,j) paande ke jamaat ka hi dikhta tha. jeevan - janmabhoomi pratham svatantrata sangraam ke agradoot amar shaheed mangal paande ka janm 30 January 1831 E. ko Gazipur jile (1 November 1879 se baliya jila) ki baliya tahaseel ke nagavana ganaav mein jo vartamaan baliya jila mukhyaalaya se 6 kilometer poorab disha mein ganga nadi ke kinaare sthit tha. ( ganga ki katajnyaan s eab yeh ganaav poori tarah nasht ho chuka hai) us ganaav ke nivaasi kataan se baahar uttar disha mein isi naam se 'nagavana' ganaav basa kar rah rahein hai. hua tha. shri mangal paande ke pitaaji ka naam shri sudisht paande tha. ye teen bhaai thein, mangal paande, girvar paande aur lalit paande. inke daada ji ka naam shri nagendradhar tha. shri mangal paande balidaan hone samay avivaahit hi the. inke do bhaaiyon ri girvar paande evam shri lalit paande ke vanshaj aaj bhi hai. shaheed mangal paande ki janm bhoomi baliya ki bhaugolik paristhitiyana aisi thi, ki praay: prativrsh baadh se ek fasal badbaad ho jaati thi. nagavana ganaav braamhan bahul tha, aur is ganaav ke saikadon log fauj mein the. iska ek bada kaaran yeh bhi tha, ki us samay angrejon ne keval braamhanon aur musalmaanon ko hi sena mein rakhane laayak vishvaas paatr samjha tha. rajput jaati par vah bahut kam vishvaas karte thein. kyonki raajapooton se baagi raaja rakt sambandh jodkar apne saath mila lete thein. vaiese bhi rajput angreji raaj ko achha kaanate thein. san 1857 mein uttar Bhaarat aur Bengal ki angreji fauj mein pachahattar pratishat braamhan sipaahi hi the. angrejon ko braamhan sipaahiyon par poora vishvaas tha, ki vah unke prati nishthaavaan raheinge. tatha shesh chhoti jaatiyon ke inka aasaani se anusaran karegi. kamobes aisa tha bhi lekin jab raashtra aur dharm ki raksha ki aan par baat aayi to braamhan sipaahi mangal paande ne britaaniyon ke is vishvaas ko chakanaachoor kar diya. vidroh ka beej mangal paandeya ki 34 veen netiv infrentari Bengal ke bairakapur chhaavani mein thi. 31 January 1857 ki ghatna hai, mangal paande apne lote (paani peene ka bartan) mein paani bharakar bhojan karne rasoi ghar ki ghor ja rahe thein. usi samay raamatahal naam ka ek jamaadaar jo bhangi jaati ka tha. vahana se gujar raha tha. use pyaas lagi thi. usane mangal paande se kaha - pandit ji, bahut pyaas lagi hai, mujhe apne lote se paani pila deejiye. us samay jaatiya bhedabhaav charam par tha, jamaadaar achhoot jaati ka tha. mangal paande ne use dutkaar diya. jhujhalaate hue vyang mein bola - pandit ji aapko apni jaati ka bahut gumaan hai na. dekhte hain ab aap kaise use bacha lete hai? jab angrej aapko gaaya aur sooar ki charbi lage kaaratoos danaaton se nochane ke liye dete hain. shri raamatahal usi damadam chhaavani (Calcutta) mein khalaasi jamaadaar tha jahana angreji fauj ke liye kaaratoos banaaye jaate thein. isliye unki baat par avishvaas karne ka koi kaaran hi naheen tha. mangal paande ko yeh baat samajh mein aa gayi ki angrej hamaara dharmabhrasht karna chaahate hai. (saabhaar- A kampreehensil history aaaif indiya- henari baivareej ) surendr naath san 1857 vaise yeh baat afavaahon mein kaafi pehle se tair rahi thi, ki angreji fauj ke liye charbi vaale kaaratoos taiyaar karaaye ja rahein hai. biliym keya ke history aaaif spayavaar 1857 se praapt varnan ke anusaar Calcutta sthit tatkaaleen insapektar general aaaifisr ke rikaardon se yeh baat siddh hoti hai ki 16 August 1856 ko Calcutta ke hi gangaadhar Bannerjee end company ko 12 paisa prati ser (750 gram) ki dar se pashuon ki charbi aapoorti ka theka diya gaya tha. is baat ki jaankaari hoene par hindu aur musalmaan donon sainikon ne virodh bhi kiya aur charbi ke sthaan par mom ya tel ka upayog karne ki salaah bhi diya tha. kintu kisi dhyaan naheen diya tha, jabki tatkaaleen Governor general laard kaining ne bhi 7 February 1857 ko East indiya company ke sanchaalakon se baat kiya. yeh bataaya bhi ki isse company ke sainik bhadak jaaenge. lekin unki baat par bhi company ne dhyaan naheen diya. is ghatna ke baad mangal paandeya ke seene mein apne dharm ko bachaane aur angrejon se is naapaak shadayantr ka badla lene ki aag dhadhakane lagi. unhaane is baat ki charcha apne saathiyon se kiya to vah bhi sulagane lage. hindu gaaya ko pavitra maankar use mana maanate hain, musalmaan suar ko naapaak jaanavar maanate hain, is kaaran donon kaum ke sipaahi bhadak uthe the. 24 February 1857 ko mangal paande ki 34veen rejeement ne Governor general laard kaining ki is pahal ka svaagat kiya. jismein unhone East indiya company ki charbi ka prayaag naheen karne ki salaah diya tha. sabhi sipaahi Governor ko rejeement ki or dhanyavaad jnyaaapit kiye. lekin british sena ke adhikaariyon par is ghatna ki bilkul ulti pratikriya hui. chaalrs vaal ki pustak 'histr aaaif indiyn myootini' ke anusaar 25 February 1857 ko 19veen palatan ke kamaandar Michael ne apne sainikon ko agale din (26 February) ko ni:shastr (bina bandook ke) parade mein aane ka aadesh diya. vah apne sainikon ki nishtha ko parakhana chaahata tha. agale din kamaandar Michael ke hosh ud gaye. jab unhone dekha ki kisi sainikon ne unke aadesh ka paalan naheen kiya hai? poori palatan apni bandookon ke saath parade graaund par panhuchi thi. usane sainikon ko fatakaarana shuroo kiya to sainik aur bhi ugr ho uthein. viplav ka yeh beej poori palatan mein ankuran ki prakriya mein sabhi ke andar palane laga. mangal paande ka vidroh is ghatna ke lagbhag 1 maah baad 29 March 1857 ko raashtra-dharm ki raksha ke liye andar hi andar sulag rahe, mangal paande apni aatmaraatma ki aavaaj par vidroh ka vigul bajaane nikal pade. 26 saal ke yuva mangal aaj subah bade prasann mudra jaage, naha dhokar pooja paath kiye. bade saleeke poori vardi safed topi, laal rang ka band gale ka kot pahane, lekin aaj britaani paint ki jagah unhone apni bhaarateeya dhoti ko do chonchhita baandhakar pahana. naye sankalp, aseem aatmabal aur utsaah se labarej parade maidaan mein aa panhuche, yeh maidaan bairakapur chhaavani se maatr 50 meter ki doori par tha. sashastr mangal paande maidaan par panhuch kar apne saathiyon ko aavaaj lagaane lage - bhaaiyon! bairakon se baahar niklon mere paas aavo, angrejon ko maar bhagaavo aur unka is par se kabja khatm kar do. mangal paande ki is bagaavati dahaad se poori chhaavani dahal uthi, bhaarateeya sainikon mein aajaadi ki tarang kaundhane lagi. britaani lekhak mailesan ne apni pustak 'indiya myootini mein likha hai ki maidaan mein khade hokar apne saathiyon ko aavaaj laga rahe baagi sipaahi mangal paande par leftinent general hyoosan ki nigaah sabse pehle padi. unhone ek jamaadaar ko aadesh diya ki paandeya ko giraftaar kar lo, jamaadaar indiyn tha, usane hyoosan ki baat anasooni kar diya. tabhi ek or se leftinent baaf ghode par savaar ho maidaan mein aa panhuche, vah paande ki or hi badh rahe thein. mi. hyoosan ne mi. baaf ko chetaavani diya ki aage mat badho, daahine dhoom jaao, kyonki mi. hyoosan ne baagi sipaahi mangal paande ko apni raayafal mein goli bharate hue dekh liya tha. aajaadi ki pehli goli garajeen mangal paande ko pakadne badh rahe leftinent baaf ko mangal paande hi dekh chuke thein. unki raayafal garaj uthi. dhanaaya-dhanaaya ki aavaaj se bairakapur chhaavani dahal uthi, mi. baaf apne ghode sahit jameen par aa gira. lekin goli lagne ke baad bhi mi. baaf sambhalakar utha aur mangal paande par apni rivaalvar se fire kiya. kintu usaka nishaana chook gaya. tabhi mi. hyoosan ghaat lagaakar aage badha, lekin mangal paande chaikanne the. unhone lalakaarate hue hyoosan ko goli maar di. chand minute chhatapata kar hyoosan ka shareer vaheen par shaant ho gaya. ab mangal paande ke paas baaf se nipatne ke liye goli bharne ka samay naheen bacha tha. vah apni kataar (raayafal ke aage laga khanjar) lekar baaf par toot pade. mangal ko britaani gulaami ke jitne julm yaad aaye, utane baar unhone apne kataar se mi. baaf par kiye. aakhir apne ghode ke saath baaf bhi maut ki neend so gaye. gulaam Bhaarat ki or se kisi britaani sena ke hi gulaam bhaarateeya sipaahi dvaara do ohadein ke angrej adhikaariyon ka badh poori duniya ko stabdh kar dene waali ghatna thi. history of indiyn myootani mein varnit ghatnaakram ke anusaar duniya ka dil dahala dene waali is ghatna ko jamaadaar aur lagbhag 30 sipaahi khade hokar dekh rahe thein. lekin koi bhi apni jagah se hila tak naheen, sabhi tamaashabeen bane rahein. ghatna ki khabar jab kamaanding aaaifisr general hiyrsi ko mili to vah daudte hue, maidaan par panhuche, unhone bhi jamaadaar ko paande ko pakadne ka aadesh diya. parantu jamaadaar ne unke aadesh ko anasuna kar diya. mi. hiyrsi baukhala uthe. unhone vaheen jamaadaar ke court maarshal ka aadesh de diya. baad mein anushaasanaheenata ke aarop mein us jamaadaar ko jo chhoti jaati ka tha, 6 April 1857 ko fanaasi de di gayi. angrej itihaasakaar mi. chaalrs vaal ne likha hai ki ek baar chaar sipaahiyon ne mangal paande ko pakadne ka prayaas kiya. lekin isi jamaadaar ne unhe danaatakar mana kar diya. isse uttejit vahana upasthit angrej Colonel hvelar ne jamaadaar ko pakadne ka aadesh diya. lekin mi. hvelar ki baat ko vahana khade faujiyon ne thukara diya. yadyapi shekh palatoo naam ke ek musalmaan sipaahi ne peechhe se baagi mangal paande ko jaroor pakad liya tha, lekin vahana upasthit hindu musalmaan sabhi sipaahi shekh palatoo par pattharon aur jooton ki bauchhaar karne lagein, aur agar palatoo, paande ko chhodkar bhaaga naheen hota to ye sabhi use maar daalte. ye sabhi sainik kaafi gusse mein thein. (di great myootini, kristofaar hibrt) bairakapur chhaavani is maidaan par lomaharshak sangharsh chal raha tha, ek taraf fauj ke british adhikaari khade thein, doosari or abhimnyoo ki tarah se akele Singh ki tarah mangal paande dahaad rahein the. is sangharsh ko dekh rahe sipaahi apne angrej adhikaariyon ka aadesh bhi naheen sun rahein thein, aur mangal paande ki or se is jang mein bhi naheen utar rahein thein. isko us kaal khand ki man sthiti se paribhaashit karein to ye tamaashabeen angreji sena ke bhaarateeya sipaahi angrej afsaron ko is baat ka ehsaas kara rahein thein, ki dekha hamaara ek bhaai tumhaare poore british afsaron par bhaari hain, usase naitikta ke saath tum ek ek kar ladkar apni aukaat dekh lo. iseeliye vah kisi or se naheen bol rahein the. alabatta shekh palatoo ko sabak sikha diya. apne sipaahiyon dvaara kiye ja rahe is maun vyavahaar se baukhalaae Colonel hiyrsi ne sipaahiyon par laalach ka paasha feinka. usane britaani saamraajya ke svaami bhakt sipaahi shekh palatoo ka vaheen khade-khade promotion kar use hawaldaar bana diya. lekin jab usaki is chaal ka bhi prabhaav sainikon par naheen pada to vah vikshipt sa hokar vahana maujood apne donon bachchon se bola, bete yadi yeh baagi sipaahi mujhe maar daale to tum log ise jaroor maar dena. ab hindu sipaahi angrejon ke prati vafaadaar naheen rahein. idhar Colonel hiyrs badbada raha tha. udhar mangal paande apne saathiyon ko angrejon ke safaaye ke liye aavaaj laga rahe thein, lekin jab koi bhi unka saath dene aage naheen badha to, sabko dhikkaarate hue shri mangal paande ne khud ko goli maar liya. lekin unki maut naheen hui, gambheer roop se ghaayal avastha mane mangal paande ko kuchh musalmaan sipaahiyon madad se giraftaar kar liya gaya. (Edward jiliyet: deyaring deedas aaaif indiyn histr) nyaaya ka naatak kamaanding aaaifisr Colonel hiyrsi ke sainik nyaayaalaya mein shri mangal paande par mukadama chala. is court maarshal ki kaaryavaahi mein shri paande ne badi hi bebaaki se british sena ke anushaasan ko todne aur do sainik adhikaariyon mi. baaf aur mi. hyoosan ko maut ke ghaat utaarane ka aparaadh sveekaar karte hue kaha ki angrejon se meri koi jaati dushmani naheen thi. maine jo kuchh bheea kiya apne dharm aur raashtra ki raksha ke liye kiya. jiska mujhe koi afashos naheen hai. is sveekaarokti ke baad Colonel hiyrsi ne shri mangal paande ko fanaasi ki saja sunaaya. mangal paandeya ko 7 April 1857 ko fanaasi di jaani thi, lekin bairakapur chhaavani ka koi bhi jallaad dharm ki aan par mar mitne vaale is bahaadur braamhan sainik fanaasi par latakaane ke liye taiyaar naheen hua. tab Calcutta se jallaad bulaaye gaye, jinhe yeh naheen bataaya gaya tha, ki kise fanaasi deni hai, inhe jallaadon ne 8 April 1857 E. ko shri mangal paande ko fanaasi par latakaakar maar daala. amar shaheed mangal paande ko fanaasi diye jaane ke sambandh mein ek sanasani khej tathya prakaash mein aaya hai. jabalapur ke sangrahaalaya mein surakshit british fauj ke general aardar books se praapt vivran ke anusaar Colonel hiyrsi ne baagi fauji mangal paande ko fanaasi ki saja 18 apairal 1857 E. ko sunaai thi. lekin uske das din pehle hi 8 April 1857 ko unhe fanaasi de di gayi. is baat ko british fauj ne gopaneeya rakha. iska seedha matlab hai ki shri mangal paande ko jeevit rakhana british fauj par bhaari padraha hai. unhe fanaasi par lataka dene ke baad court maarshal ki kaaryavaahi ki khaanaapoorti ki gayi. british sena dvaara ki gayi is anaitik kaaryavaahi ki vistrut jaankaari hindu dainik amrut prabhaat ne 9 April 1981 ko prakaashit kiya tha. vaad - prativaad baliya (1857 E. mein Gazipur jila) jile ke nagavana ganaav mein janme amar shaheed mangal paande ke janm sthaan aur balidaan sthaan par bhraamak bhraantiyana prasaarit ki jaati rahi hai. unke balidaan sthaan ke baare mein maine is pustak mein british lekhakon ki pustakon ke anek ansh uddharanon ke saath likha hai. pun: ingit hai- hainari baibareej krut A kampreehensiv history aaaif indiya, William keya krut- history aaaif spaayavaar 1857, chaalrs vaal krut history aaaif indiyn myootani, maileshan krut- indiyn myootini, Christopher hibrt krut- di great myootini, edavart jiliyet krut- deyaring deedas aaaif indiyn history, dabloo ti fishet krut- di tel aaaif di great myootini, aur shri surendr naath sen ki pustak 1857 se yeh tathya pramaanit hai ki 29 March 1857 E. ko mangal paande ne East indiya company ki british fauj ke saiki ki haisiyat se bairakapur chhaavani mein vidroh kiya aur do fauji adhikaariyon ko maar daala. 8 April 1857 ko shri mangal paande ko bairakapur chhaavani mein hi Calcutta se bulaaye gaye. jallaadon ne fanaasi di. ab janm sthaan ki bhraanti ke nivaaran ke liye sabse pehle ham amar shaheed mangal paande ki vanshaavali ko khangaaleinge. soochana evam jan sampark vibhaag, baliya dvaara varsh 2003-04 mein jiske sampaadak, upper jila soochana adhikaari shri raamabali Singh Yadav ek khoji patrakaar, shreshth saahityakaar bhi thein, dvaara uttar pradesh shaasan ke nirdesh me n'baliya darpan' pustak chhapavaai gayi thi. is pustak ke pej number 85-87 par shaheed mangal paande smaarak society, nagavana baliya ke mantri shri Omprakash tivaari ke saujanya se praapt shri mangal paande ke vanshajon ke baare mein jaankaari chhapi hai jinka sambandh haldi raajya se purohit ke roop mein tha. donon bhaai jeevikaavrutti ke hisaab se haldi raaj darbaar mein jaate thein, naagadhar pehle panhuchate thein, iseeliye nagavana ganaav ki naam evam usaki saari jameen haldi raaja ne unako de diya. nagendradhar pooja paath karke der se panhuchate thein, isliye unhe paathak ki upaadhi mili. us samay raaj darabaaron mein aisi baatein hona saamaanya thi. aaj ganga ki kataan mein mool nagavana ganaav mein vileen ho jaane ke baad base ganaav mein paathak braamhan logon ki achhi aabaadi hai. inhi naagadhar, nagendradhar do bhaaiyon mein shri nagendradhar ke vansh mein shri mangal paande ka janm hua. pan. sudisht paande ji ke in teen putron ka ullekh humne is pustak ke jeevan janmabhoomi adhyaaya mein kiya hai. shri mangal paande avivaahit hi shaheed ho gaye thein. lekin ke bhaaiyon shri girvar paandeya shri lalit paandeya ki vanshaavali aage bhi chali. amar shaheed mangal paande ki is vanshaavali ki pushti suyankt praant (Agra-avadh) ke Gazipur jile ki baliya tahaseel ke nagavana ganaav ke raajasv abhilekhon kar lein. baliya jile ke yashasvi saahityakaar sv. babu durga prasaad ne bhi amar shaheed mangal paande ke nagavana ganaav mein hi paida hone ke kuchh saakshya apni pustak 'baliya aur uske nivaasi' ke pej number 149 par diye hai. jismein unhone likha hai ki mujhe nagavana ganaav ke saahityakaar jinhone baliya mein svatantrata sangraam pustak likhi thi, 75varsheeya sv. Ram ekabaal paathak, sv. Ram aasheesh paathak (eda0 (80varsh) tatha nagavana graamasabha ke pradhaan sv. kapildev paathak (75varsh) anek pramaan prastut karte hue bataaya ki mangal paande nagavana ganaav ke hi the. shri gupt ne likha hai ki shri rama Iqbal paathak ne mujhe bataaya ki mere daada sv. Ram tapesha paathak jinki 105 varsh ki aauya mein san 1924 E. mein mrutyu ho gayi. vah bataate thein ki mangal paandeya hamaare hi ganaav ke thein, aur unhone san 1857 mein anek angrej fauji afsaron ko maara tha. in logon dvaara yeh bhi bataaya gaya ki mangal paande ko fanaasi de dene ke baad angreji sena ne tatkaaleen nagavana ganaav (jo ganga nadi mein vileen ho gaya) ke nivaasiyon par bahut julm dhaaya. angreji sena dvaara anek baar is ganaav ko loota gaya. saat sau roopaye ka saamoohik jurmaana lagaaya gaya. angrejon ke is daman atyaachaar se tang aakar mangal paande ke donon daada naagadhar aur nagendradhar ke vanshaj paande evam paathak braamhan parivaar Gazipur jile ke bharauli, Bihar ke chhapra jile ke seriya aur poorniya jile mein tatha baliya jile ke khaanapur dumariya, bandhoochak, chhotaki seriya, patakhauli aadi ganaavon jaakar bas gaye. jahana aaj bhi unke vanshaj aabaad hai. ek aur Ahmad shrooti saakshya is sandarbh mein ullekhaneeya hai 1980 ke dashak tak baliya jile ke nivaasiyon mein apne parivaar ke bujoorgon se suni baat bahut prachalit thi ki nagavana ganaav ka naam naheen lena chaahiye. is ganaav ka naam lena ashubh hai. yeh mithk bhi mangal paandeya ki fanaasi ke baad angreji fauj ke dvaara nagavana ganaav ka naam lene vaalon par kiye jaane vaale julm ke kaaran hi bana hota prateet hota hai. shri mangal paande dvaara mi. baaf aur mi. hyoosan ko jaise maara gaya tha, usase angrej kaafi chidhe hue thein. us vakt vah mangal paande se joode har insaan se badla le rahein the. iske peechhe ek aham kaaran yeh bhi tha, ikvah apni fauj ke bhaarateeya sipaahiyon ke dilo dimaag se mangal paande ki prerana puroosh waali chhavi nikaalkar usamein apni raajashaahi ke nirgam daman ki khaufanaak tasveer baithaana chaahate thein. balidaan ke vashanj angrej lekhak mi. dabloo ti fishet ne apni pustak di tel aaaif di great myootini mein likha hai ki mangal paandeya mein achhe sainik ke sabhi gun maujood thein. ve itne saahasi thein ki apni mrutyu ka aalingan bhi shaanti poorvak karne ki kshamata rakhate thein. aisi nirbhik bahaadur, raashtra dharm ki raksha mein khud ko khapaane vaale balidaani mangal paande ka utsarg kaise ho jaata hai. yeh satya hai ki bairakapur chhaavani mein vah akele abhimnyoo ki tarah se lade koi bhi unka saath dene naheen aaya tha. lekin us samay Bhaarat mein maujood har britaani par mangal paande ke 'paandij' (paandeki jamaanat ka aadmi)ka khauf naach raha tha. british mool ke fauji afsar bhaarateeya sainik ko dekhkar satark ho jaate the. general hiyrsi ne 6 May 1857 ko mangal paande waali british sena ki 34veen palatan ko bhang kar diya. lekin isse vidroh ki aag bujhi naheen balki aur dhadhak uthi. 10 May 1857 ko Meerut chhaavani mein british fauj ki bhaarateeya sainikon ki ek tukadi vidroh kar diya. jiski lapet teji se failane lagi. East indiya company dvaara apni fauj ko charbi lage kaartooson ke prayog karaane ki jid Bhaarat ke svatantrata sangraam mein balidaan ka itihaas banaane lagi. 9 May 1857 ko charbi lage kaartooson ka prayog karne se mana karne vaale british sena ke bhaarateeya senik hawaldaar maataadeen, naayak shekh peer Ali, ameer kudarat Ali, naayak shekh husainudeen, naayak shekharoor muhammad, sheetal Singh, jahanaageer Khan, meer mosim Ali, Ali noor Khan, meer husen, baksh, saahebadaad Khan, jurakhaan Singh, bhugadoo Khan, Mathura Singh, Narayan Singh, laal Singh, shyodaan Singh, shekh husenabakhsh, vishn Singh, baladev Singh, shekh nundoo, navaab Khan, shekh ramajaan Ali, Ali muhammad Khan, makkhan Singh, durga Singh, nasaroolla Khan, meharaav Khan, durga Singh, navi bakhsh Khan, jurakhaan Singh, abdulla Khan, ishaan Khan, jabaradast Khan, murtaja Khan, barajoor Khan, ajeemulla Khan, ajeemunnala Khan (2) kaala Khan, shekh saadulla, saalaar bakhsh Khan, shekh raut Ali, dvaarika Singh, imadaad Singh, peer Khan, moti Singh, shekh aaraam Ali, heera Singh, seva Singh, muraad peer Khan, kaashi Singh, Ashraf Ali Khan, kaadar daad Khan, kaadaradaar Khan (2) Bhagwan Singh, meer imadaar Ali, shivbakhsh Singh, Lakshman Singh, shekh bakhsh Singh, usmaan Khan, darbaar Singh, kamsool Ali Singh, usmaan Khan, darbaar Singh, kamsool Ali Khan, shekh gyaas Khan, shekh ummed Ali, abdul sahaab Khan, Ram samaaya Singh, panaah Ali, Lakshman doobe, Ram saran Singh, shekh khwaaja Ali, Shiv anish, sheetal Singh, mohan Singh, vilaayat Ali, shekh muhammad Khan, indar Singh, fateh Khan, maikoo Singh, shekh kaasim Ali aur Ram charan Singh ka court maarshalaya hua, tatha sabhi logon ko fanaasi ki saja di gayi.

vidroh ka parinaam

san 1857 ke sainik vidroh ki ek jhalak

mangal Pande dvaara lagaayi gayi vidroh ki yeh chingaari bujhi naheen. ek maheene baad hi 10 May san 1857 ko Meerut ki chhaavani mein bagaavat ho gayi. yeh viplav dekhte hi dekhte poore uttari Bhaarat mein fail gaya jisse angrejon ko spasht sandesh mil gaya ki ab Bhaarat par raajya karna utana aasaan naheen hai jitna ve samajh rahe the. iske baad hi Hindustan mein chauntees hajaar saat sau paintees angreji kaanoon yahaaain ki janta par laagoo kiye gaye taaki mangal paandeya sareekha koi sainik dobaara bhaarateeya shaasakon ke viruddh bagaavat na kar sake.[krupaya uddharan jodein]

sandarbh

baahari kadiyaaain