malik mohammad jaayasi

malik muhammad jaayasi hindi saahitya ke bhakti kaal ki nirgun premaashrayi dhaara ke kavi hai. ve atyant uchchakoti ke saral aur udaar soofi mahaatma the.

anukram

janm va praarambhik jeevan

jaayasi ka janm san 1500 ke aaspaas maana jaata hai. ve uttar pradesh ke jaayas naamak sthaan ke rahanevaale the. unke naam mein jaayasi shabd ka prayog, unke upanaam ki bhaanti, kiya jaata hai. yeh bhi is baat ko soochit karta hai ki ve jaayas nagar ke nivaasi the. is sambandh mein unka swayam bhi kehna hai-

jaayas nagar mor asthaanoo.

nagarak naanv aadi udayaanoo.

tahaan devas das pahune aaeoon.

bha vairaag bahut sukh paaeoon.. (aakhiri kalaam 10)

isse yeh pata chalta hai ki us nagar ka praacheen naam udayaan tha, vahaan ve ek pahune jaise das dinon ke liye aae the, arthaat unhonne apna nashvar jeevan praarambh kiya tha athva janm liya tha aur fir vairaagya ho jaane par vahaan unhein bahut sukh mila tha. jaayas naam ka ek nagar uttar pradesh ke raayabareli jile mein aaj bhi vartamaan hai, jiska ek puraana naam udyaananagar 'udyaanagar ya ujjaalik nagar' batalaaya jaata hai tatha uske kanchaana khurd naamak muhalle mein malik muhammad jaayasi ka janm-sthaan hona bhi kaha jaata hai. kuchh logon ki dhaarana ki jaayasi ki kisi upalabdh rachana ke antargat usaki nishchit janm-tithi athva janm-samvat ka koi spasht ullekh naheen paaya jaata. ek sthal par ve kehte hain,

bha avataar mor nau sadi.

tees barikh oopar kavi badi.. (aakhiri kalaam 4)

jiske aadhaar par keval itna hi anumaan kiya ja sakta hai ki unka janm sanbhavat: 800 hi evam 900 hi. ke madhya, arthaat san 1397 E aur 1494 E ke beech kisi samay hua hoga tatha tees varsh ki avastha pa chukane par unhonne kaavya-rachana ka praarambh kiya hoga. padmaavat ka rachanaakaal unhonne 947 hi (san nau se saintaalees ahai- padmaavat 24). arthaat 1540 E batalaaya hai. padmaavat ke antim ansh (653) ke aadhaar par yeh bhi kaha ja sakta hai ki use likhte samay tak ve vruddh ho chuke the.

unke pita ka naam malik raaje asharaf bataaya jaata hai aur kaha jaata hai ki ve maamooli jmeendaar the aur kheti karte the. swayam jaayasi ka bhi kheti karke jeevika-nirvaah karna prasiddh hai. jaayasi ne apni kuchh rachanaaon mein apni guru-parampara ka bhi ullekh kiya hai. unka kehna hai, Sayyed asharaf, jo ek priya sant the mere liye ujjval panth ke pradarshak bane aur unhonne prem ka deepak jalaakar mera hrudaya nirmal kar diya.

is baat ke bhi pramaan milte hain ki amethi naresh inke sanrakshak the. unka dehaant 1558 mein hua.

krutiyaaain

unki 21 rachanaaon ke ullekh milte hain jismein padmaavat, akharaavat, aakhiri kalaam, kaharanaama, chitrarekha aadi pramukh hain. par unki khyaati ka aadhaar padmaavat granth hi hai. ismein padmaavati ki prem-katha ka rochak varnan hua hai. ratnasen ki pehli patni naagamati ke viyog ka anootha varnan hai. iski bhaasha avadhi hai aur iski rachana-shaili par aadikaal ke jain kaviyon ki doha chaupaai paddhati ka prabhaav pada hai.

inhein bhi dekhein

baahari kadiyaaain