maithileesharan gupt

maithileesharan gupt

raashtrakavi maithileesharan gupt (3 August 1886 – 12 December 1964) hindi ke kavi the. mahaaveer prasaad Dwivedi ji ki prerana se aapne khadi boli ko apni rachanaaon ka maadhyam banaaya aur apni kavita ke dvaara khadi boli ko ek kaavya-bhaasha ke roop mein nirmit karne mein athak prayaas kiya aur is tarah brajabhaasha jaisi samruddh kaavya-bhaasha ko chhodkar samay aur sandarbhon ke anukool hone ke kaaran naye kaviyon ne ise hi apni kaavya-abhivyakti ka maadhyam banaaya. hindi kavita ke itihaas mein gupt ji ka yeh sabse bada yogadaan hai. pavitrata, naitikta aur paramparaagat maanaveeya sambandhon ki raksha gupt ji ke kaavya ke pratham gun hain, jo panchavati se lekar jayadrath vadh, yashodhara aur saaket tak mein pratishthit evam pratiflit hue hain. saaket unki rachana ka sarvochch shikhar hai.[krupaya uddharan jodein]

anukram

jeevan parichay

maithileesharan gupt ka janm 3 August san 1886 E. mein pita seth raamacharan kanakane aur maata kaushilya baai ki teesari santaan ke rup mein uttar pradesh mein Jhansi ke paas chirgaanv mein hua. maata aur pita donon hi vaishnav the. ve "kanakalataaddh" naam se kavita karte the. vidyaalaya mein khelakood mein adhik dhyaan dene ke kaaran padhaai adhoori hi rah gayi. ghar mein hi hindi, bangala, sanskrut saahitya ka adhyayan kiya. munshi ajameri ji ne unka maargadarshan kiya. 12 varsh ki avastha mein brajabhaasha mein kavita rachana aarambh kiya. aachaarya mahaaveer prasaad Dwivedi ke sampark mein bhi aaye. unki kavitaayein khadi boli mein maasik "sarasvati" mein prakaashit hona praarambh ho gayi. pratham kaavya sangrah "rang mein bhang' tatha vaad mein "jayadrath vadhprakaashit hui. unhonne bangaali ke kaavya granth "meghanaath vadh", "brajaangana" ka anuvaad bhi kiya. san 1914 E. mein raashteeya bhaavanaaon se ot-prot "Bhaarat bhaarati" ka prakaashan kiya. unki lokapriyta sarvatr fail gayi. sanskrut ke prasiddh granth "svapnavaasavadatta" ka anuvaad prakaashit karaaya. san 1916-17 E. mein mahaakaavya "saaketka lekhan praarambh kiya. urmila ke prati upeksha bhaav is granth mein door kiye. svat: press ki sthaapana kar apni pustakein chhaapana shuru kiya. saaket tatha anya granth panchavati aadi san 1931 mein poorn kiye. isi samay ve raashtrapita Gandhi ji ke nikat sampark mein aaye. 'yashodhara' san 1932 E. mein likhi. Gandhi ji ne unhein "raashtakavi" ki sanjnyaa pradaan ki. san 1941 E. mein vyaktigat satyaagrah ke antargat jail gaye. Agra vishvavidyaalaya se unhein di.lit. se sammaanit kiya gaya. 1952-1964 tak Rajyasabha ke sadasya manoneet huye. san 1953 E. mein Bhaarat sarkaar ne unhein "padm vibhooshan' se sammaanit kiya. tatkaaleen raashtrapati dau॰ Rajendra prasaad ne san 1962 E. mein "abhinndan granth' bheint kiya tatha hindu vishvavidyaalaya ke dvaara di.lit. se sammaanit kiye gaye. maithileesharan gupt ko saahitya evam shiksha kshetr mein padm bhooshan se 1954 mein sammaanit kiya gaya.

isi varsh prayaag mein "[[sarasvati patrika|sarasvati" ki svarn jayanti samaaroh ka aayojan hua jiski adhyakshata gupt ji ne ki. san 1963 i0 mein anuj siyaaraam sharan gupt ke nidhan ne apoornaneeya aaghaat pahunchaaya. 12 December 1964 E. ko dil ka daura pada aur saahitya ka jagamagaata taara ast ho gaya. 78 varsh ki aayu mein do mahaakaavya, 19 khandakaavya, kaavyageet, naatikaayein aadi likhi. unke kaavya mein raashtreeya chetna, dhaarmik bhaavana aur maanaveeya utthaan pratibimbit hai. "Bhaarat bhaarati' ke teen khand mein desh ka ateet, vartamaan aur bhavishya chitrit hai. ve maanavavaadi, naitik aur saanskrutik kaavyadhaara ke vishisht kavi the.

maithileesharan gupt ke naatak

maithileesharan gupt ji ne 5 maulik naatak likhe hain- 'anagh', 'chandrahaas', 'tilottama', 'nishkriya pratirodh' aur 'visrjan' . unhone bhaas ke chaar naatakon- 'svapnavaasavadatta', 'pratima', 'Abhishek', 'avimaarak' ka anuvaad kiya hai. in naatakon mein 'anagh' jaatak katha se sambaddh bodhistv ki katha par aadhaarit padya mein likha gaya naatak hai. nitaant takaneeki drushti se ise 'kaavya naatak' naheen kaha ja sakta hai. 'chandrahaas' itihaas ka aabhaas utpann karne wala naatak hai. jismein niyti aur satkarm ka mahattv sanpreshit hai. tilottama pauraanik naatak hai. ye naatak pehle prakaashit ho chuke hain, parantu 'nishkriya pratirodh' aur 'visrjan' pehli baar prakaashit ho rahe hain, is arth mein naye hain. bhaas ke anudit naatakon ke chayan mein bhi gupt ji ne vaividhya ka dhyaan rakha hai.

maithileesharan gupt ki jayanti

madhya pradesh ke sanskruti raajya mantri lakshmeekaant sharma ne kaha hai ki raashtrakavi maithileesharan gupt ki jayanti pradesh mein prativrsh teen August ko kavi diwas ke roop mein vyaapak roop se manaayi jaayegi. yeh nirnaya raajya shaasan ne liya hai. yuva peedhi bhaarateeya saahitya ke svarnim itihaas se bhali-bhaanti vaakif ho sake is uddeshya se sanskruti vibhaag dvaara pradesh mein bhaarateeya kaviyon par kendrit karte hue anek aayojan karega.

pramukh krutiyaaain

  • mahaakaavya- saaket
  • khand kaavya- jayadrath vadh, Bhaarat-bhaarati, panchavati, yashodhara, dvaapar, siddharaaj, nahush, anjali aur ardhya, ajit, arjan aur visrjan, kaaba aur karbala, kisaan, kunaal geet, guru teg bahaadur, gurukul, jaya Bhaarat, jhankaar, pruthveeputr, meghanaad vadh,
  • naatak - rang mein bhang, raaja-praja, van vaibhav, vikt bhat, virhini vrajaangana, vaitaalik, shakti, sairandhri, svadesh sangeet, hidimba, hindu
  • anoodit- meghanaath vadh, veeraangana, svapn vaasavadatta, ratnaavali, roobaaiyaat umar khayyaam

yeh bhi dekhein

baahari link