mainapuri shadyantr

pan0 geindaalaal Dixit (mainapuri kaand ke neta) ka chitr

paratantr Bhaarat mein svatantrata sangraam ke dauraan angrejon ko desh se baahar nikaalne ke liye uttar pradesh ke jila mainapuri mein san 1915-16 mein ek kraantikaari sanstha ki sthaapana hui thi jiska pramukh kendra mainapuri hi raha. mukundi laal, dammeelaal, karoreelaal gupta, siddh gopaal chaturvedi, gopeenaath, prabhaakar paande, chandradhar jauhari aur Shiv kishn aadi ne auraiya jila itaava nivaasi pandit geindaalaal Dixit ke netrutv mein angrejon ke viruddh kaam karne ke liye unki sanstha shivaaji samiti se haath milaaya aur ek nayi sanstha maatruvedi ki sthaapana ki. is sanstha ke chhip kar kaarya karne ki soochana angrej adhikaariyon ko lag gayi aur pramukh netaaon ko pakadkar unke viruddh mainapuri mein mukadama chala. ise hi baad mein angrejon ne mainapuri shadayantr kaha. in kraantikaariyon ko alag-alag samay ke liye kaaraavaas ki saja hui.

mainapuri shadayantr ki visheshata yeh thi ki iski yojana pramukh roop se uttar pradesh ke nivaasiyon ne hi banaayi thi. yadi is sanstha mein shaamil mainapuri ke hi deshdrohi gaddaar dalapatasinh ne angreji sarkaar ko iski mukhabiri na ki hoti to yeh dal samay se poorv itni jaldi tootane ya bikhrane wala naheen tha. mainapuri kaand mein shaamil do log - mukundeelaal aur Ram prasaad 'bismil' aage chalakar san 1925 ke vishvaprasiddh kaakori kaand mein bhi shaamil hue. mukundeelaal ko aajeevan kaaraavaas ki saja hui jabki Ram prasaad 'bismil' ko to faaainsi hi de di gayi kyonki ve bhi mainapuri kaand mein geindaalaal Dixit ko Agra ke kile se chhudaane ki yojana banaane vaale maatruvedi dal ke neta the. yadi kaheen ye log apne abhiyaan mein kaamayaab ho jaate to na to san 1927 mein Rajendra laahidi va Ashfaq ulla khaaain sareekhe honahaar navayuvak faaainsi chadhate aur na hi chandrashekhar aajaad jaise nar naahar tatha ganeshashankar vidyaarthi sareekhe prakhar patrakaar ki san 1931 mein jaghanya hatyaaeain hui hoteen.

prushthabhoomi

angrejon ke atyaachaaron evam ghor daman neeti ke kaaran Bhaarat varsh mein bheeshan asantosh ke baadal maindaraane lage the. naujavaanon ka rakt videshi satta ke viruddh khaulane laga tha. unamein videshi shaasan ke unmoolan ka josh umad raha tha. un dinon ke british Bhaarat (Hindustan) ka ekamaatr sanyukt praant (sanyukt praant Agra va avadh) bhi, jise 1947 ke baad uttar pradesh naam de diya gaya, is josh mein kisi se peechhe naheen raha. uttar pradesh mein kraantikaari aandolan ka praarambh banaaras mein rahane vaale kuchh bangaali kraantikaariyon ne avashya kiya tha kintu suprasiddh kraantikaari va lekhak manmathanaath gupt ke anusaar mainapuri kaand svat:sfoort aandolan tha jiski prerana se uttar pradesh mein bahut se kishor deshbhakt is prakaar ki sashastr kraanti ki or aakarshit hue. shaahajahaaainpur, Agra, mainapuri, itaava evam eta aadi uttar pradesh ke anek jile iski aag se prabhaavit hue bina naheen rah sake. san 1918 ke mainapuri shadayantr ke roop mein iska visfot hua.