maheshvar

maheshvar ka kila

maheshvar shahar madhya pradesh ke kharagon jila mein sthit hai. maheshvar shahar haihayavanshi raaja sahasraarjun, jisne raavan ko paraajit kiya tha, ki rajdhani raha hai. rishi jamadagni ko prataadit karne ke kaaran unke putr Bhagwan parashuraam ne sahasraarjun ka vadh kiya tha. kaalaantar mein mahaan devi ahilyaabaai holkar ki bhi rajdhani raha hai. narmada nadi ke kinaare basa yeh shahar apne bahut hi sundar va bhavya ghaat tatha maaheshvari saadiyon ke liye prasiddh hai. ghaat par atyant kalaatmak mandir hain jinme se raajaraajeshvar mandir pramukh hai. aadiguru shankaraachaarya tatha pandit mandan mishr ka prasiddh shaastraarth yaheen hua tha. yeh jile ki ek tahaseel ka mukhyaalaya bhi hai.

is shahar ko mahishmati naam se bhi jaana jaata tha. maheshvar ka raamaayan aur mahaabhaarat mein bhi ullekh hai. devi ahilyaabaai holakar ke kaalakhand mein banaae gaye yahaaain ke ghaat sundar hain aur inka pratibinb nadi mein aur khoobsoorat dikhaai deta hai. maheshvar Indore se hi sabse najadeek hai. Indore vimaanatal maheshvar se 91 kilometer ki doori par hai.

Indore se 90 ki.mi. ki duri par "narmada nadi" ke kinaare basa yeh khubashurat paryatan sthal m.pr. shaasan dvaara "pavitra nagari" ka darja praapt hai, apne aap mein kala, dhaarmik, sanskrutik, va etihaasik mahatva ko samete yeh shahar lagbhag 2500 varsh puraana hain | moolat: yeh "devi ahilya" ke kushal shaasanakaal aur unhi ke kaaryakaal (1764-1795) mein haidaraabaadi bunakaron dvaara banaana shuroo ki gayi "maheshvari saadi" ke liye aaj desh-videsh mein jaana ja raha hain | apne dhaarmik mahattv mein yeh shahar kaashi ke samaan Bhagwan Shiv Bhagwan Shiv ki nagari hai, mandiron aur shivaalayo ki nirmaan shrankhala ke liye ise "gupt kaashi" kaha gaya hai | apne poraanik mahatva mein skandh puraan, reva khand, tatha vaayu puraan aadi ke narmada rahasya mein iska "mahishmati" naam se vishesh ullekh hai | aitihaasik mahattv mein yeh shahar bhaarateeya sanskruti mein sthaan rakhane vaale raaja mahishmaan, raaja sahastrabaahoo (jinhonne raavan ko bandi banaaya tha) jaise raajaao aur veer purusho ki rajdhani raha hai, baad mein holakar vansh ke kaaryakaal mein ise pramukhata praapt hui |

lamba-chauda narmada tat evam us par bane aneko sundar ghaat evam paashaan kala ka sundar chitr dikhne wala "kila" is shahar ka pramukh paryatan aakarshan hai | samay-samay par is shahar ki god mein manaaye jaane vaale teej-tyauhaar, utsav-parv is shahar ki rangat mein chaar chaaaind lagaate hai, jinme shivraatri snaan, nimaad utsav, lokaparv ganagaur, navaraatri, gangaadashami, narmada jayanti, ahilya jayanti evam shraavan maah ke antim somvaar ko Bhagwan kaashi vishvanaath ke nagar bhraman ki "shaahi savaari" pramukh hai |

darshaneeya

  • raajagaddi aur rajavaada - maheshvar kile ke andar raani ahilyaabaai ki raajagaddi par baithi par ek pratima rakhi gayi hai.
  • mandir - maheshvar mein ghaat ke aaspaas kaaleshvar, raajaraajeshvar, viththaleshvar aur ahileshvar mandir hain.

baahari kadiyaaain