mahaaveer jayanti

mahaaveer janm kalyaanak
chaubeesavein jain teerthankar, Bhagwan mahaaveer ka janm kalyaanak
vivran
anya naam mahaaveer svaami janm kalyaanak, vardhamaan jayanti
tithi
veer nirvaan samvat chaitr shukal 13

mahaaveer jayanti (mahaaveer svaami janm kalyaanak) chaitr shukl 13 ko manaaya jaata hai. yeh parv jain dharm ke 24vein teerthankar mahaaveer svaami ke janm kalyaanak ke upalaksh mein manaaya jaata hai. yeh jainon ka sabse pramukh parv hai.

janm

Bhagwan mahaaveer svaami ka janm isa se 599 varsh poorv kundagraam (Bihar), Bhaarat me hua tha. janm se poorv teerthankar mahaaveer ki maata trishla ne 16 svapn dekhe the.

teerthankar maata dvaara dekhe jaane vaale 16 svapn
  • (1) svapn mein haathi
  • (2) svapn mein saand
  • (3) svapn mein sher
  • (4) svapn mein lakshmi
  • (5) svapn mein do maala
  • (6) svapn mein sooraj
  • (7) svapn mein poorn chandrama
  • (8) svapn mein machhali yugal
  • (9) svapn mein do kalash
  • (10) svapn mein svarn sa chamakata paani ka taalaab
  • (11) svapn mein samudra
  • (12) svapn mein ek svarn aur mani jadit singhaasan
  • (13) svapn mein devon ka vimaan
  • (14) svapn mein naagendr devon ka mahal
  • (15) svapn mein maniyon ka dher
  • (16) svapn mein agni ki lo

utsav

is mahotsav par jain mandiron ko vishesh roop se sajaaya jaata hai. Bhaarat mein kai jagahon par jainon dvaara ahinsa rally nikaali jaati hai. is avsar par gareeb evam jaruratamandon ko daan diya jaata hai.[1] kai raajyon mein maans evam madira ki dukaane band rakhane ke nirdesh diye jaate hain.[2]

sandarbh