mahaatma gaandhi antarraashtreeya hindi vishvavidyaalaya

mahaatma gaandhi antarraashtreeya hindi vishvavidyaalaya

aadarsh vaakya: gyaan shaanti maitri
sthaapit 1997
prakaar: saarvajanik
maanyata/sambandhata: yoojeesi
kulaadhipti: pro. Kapil Kapoor
kulapati: pro. gireeshvar mishr
avasthiti: vardha, Maharashtra, Bhaarat
parisar: graameen
jaalaprushth: www.hindivishwa.org

mahaatma gaandhi antarraashtreeya hindi vishvavidyaalaya Bhaarat ka ek kendreeya vishvavidyaalaya hai.[1] vishvavidyaalaya ki sthaapana Bhaarat sarkaar ne san 1996 mein sansad dvaara paarit ek adhiniyam dvaara ki thi. is adhiniyam ko Bhaarat ke raajapatr mein 8 January san 1997 ko prakaashit kiya gaya. yeh vishvavidyaalaya Maharashtra ke vardha mein sthit hai.

gaandhi ji, hindi tatha bhaarateeya bhaashaaon ke prabal pakshadhar the. isaliye is vishvavidyaalaya ka naam unke naam par rakhana sarvatha saarthak hai. vardha Bhaarat ke kendra mein sthit hone ke kaaran is vishvavidyaalaya ke liye yeh sthaan bhi sarvatha upayukt hai.

praarambh mein iske 8 vidyaapeeth adhiklpit kiye gaye jinke naam is prakaar hain:

  • saahitya vidyaapeeth
  • bhaasha vidyaapeeth
  • sanskruti vidyaapeeth
  • anuvaad tatha vyaakhya vidyaapeeth
  • maanaviki evam saamaajik vigyaan vidyaapeeth
  • srujan vidyaapeeth
  • prabandh vidyaapeeth
  • shiksha vidyaapeeth

anukram

sthaapana

shaanti, ahinsa, satyaagrah, khaadi, charakha, Swaraj aur janta ke hit ke liye aatmabal ka sandesh dene vaale mahaatma gaandhi hindi ke bhi utane hi bade himaayati the. ve maanate the ki aajaadi ki ladaai mein hindi ka upayog ek nirnaayak hathiyaar ke roop mein kiya ja sakta hai. unhonne dakshin Bhaarat hindi prachaar sabha aur raashtrabhaasha prachaar samiti, vardha ki sthaapana ki thi. in donon sansthaaon ne ahindi bhaashi kshetron mein hindi ke prachaar-prasaar mein mahatvapoorn bhoomika nibhaayi. inheen mein se ek raashtrabhaasha prachaar samiti, vardha ke prayaason se 1975 mein Nagpur mein hue pehle vishv hindi sammelan mein sveekrut ek mahatvapoorn prastaav ke anuroop 1997 mein Bhaarat ki sansad mein paarit ek vishesh adhiniyam ke tahat vardha mein antarraashtreeya vishvavidyaalaya ki sthaapana ke saath hi bhaaratendu ki ek adhoori aakaanksha bhi poori hui. bhaaratendu ki sanchit abhilaasha thi - 'apne udyog se main ek shuddh hindi university sthaapit karna.' gaandhi ji dvaara hindi ke sanvardhan ke liye kiye gaye kaaryon ko dekhte hue unheen ke naam par Bhaarat ke beechon-beech sthit vardha mein paaainch teelon par yeh antarraashtreeya vishvavidyaalaya bana.

uddeshya

  • hindi bhaasha aur saahitya ka sanvardhan aur vikaas karna aur us prayojan ke liye vidya ki susangat shaakhaaon mein shikshan aur anusandhaan ki suvidhaaeain pradaan karna;
  • hindi aur anya bhaarateeya bhaashaaon mein tulanaatmak adhyayan aur anusandhaan ke sakriya anusaran ke liye vyavastha karna;
  • desh aur videsh mein susangat soochana ke vikaas aur prasaaran ke liye suvidhaaeain pradaan karna;
  • videshon mein hindi mein abhiruchi rakhane vaale hindi vidvaanon aur samoohon tak pahuainchana aur vishvavidyaalaya mein prashikshan aur anusandhaan ke liye unhein sahabaddh karna ;
  • door shiksha paddhati ke maadhyam se hindi ko lokapriya banaana.

vishvavidyaalaya ki parikalpana shiksha ki ek vaikalpik sanstha ke roop mein ki gayi. yeh satat vichaar prakriya ka parinaam hai jismein apne uddeshyon ko paane ke liy shaikshanik takaneekon mein nirntar naveeneekaran evam moolyaanuroop neetiyon ke liye anvarat prayaas karna shaamil hai. yeh vishvavidyaalaya apne jnyaaanaatmak aadhaaron mein vaishvik evam apni sanrachana mein antararaashtreeya hai. vishvavidyaalaya ka yeh prayaas hoga ki -

  • vah vibhinn jnyaaanaanushaasanon mein adyatan maulik srujan tatha vishv ki anya bhaashaaon mein vidyamaan gyaan sampada ka anuvaad hindi bhaasha mein kar sake,
  • samast vishv mein faile hue bhaarateeya mool ke vyaktiyon tatha videshi hindi adhyetaaon / premiyon ke liye ek sampark kendra ka kaarya kar sake,
  • samast vishv mein hindi bhaasha se sambandhit adhyayan/shodh/anusandhaan aadi ka vyaapak daataabes taiyaar kare jisse hindi bhaasha se sambandhit jaankaari saralata se vyaapak jan tak pahuainch sake,
  • hindi ki behatareen rachanaaon ko vishv ki anya samruddh bhaashaaon - French, Spanish, cheeni, arabi ityaadi - mein anuvaad kare.

drushtikon

raashtreeya netaaon evam hindi premiyon ki yeh ek utkat aakaanksha rahi hai ki hindi bhaarateeyon ki bhaavanaaon evam vichaaron ki abhivyakti ke maadhyam ke roop mein sanyukt raashtra sangh ke antarraashtreeya manch par apna samuchit sthaan grahan kare. doosari or unki yeh soch bhi thi ki na keval videshon mein apitu samooche vishv mein faile hue bhaarateeya mool ke vyaktiyon ke beech bhaashaayi aadaan-pradaan ke samanvaya hetu hindi ka ek antarraashtreeya sachivaalaya sthaapit kiya jaae. iske atirikt unki yeh bhi parikalpana thi ki antarraashtreeya bhaasha ke roop mein hindi ki sampoorn sambhaavanaaon ke vikaas aur sanvardhan ke liye ek kendreeya hindi vishvavidyaalaya ki sthaapana ki jaaye.

dhyeya

kshetreeya bhaasha, raashtrabhaasha aur antarraashtreeya bhaasha ke roop mein hindi ka sanvardhan aur vikaas

kaarya lakshya

  • hindi ko antarraashtreeya star par maanyata dilaana
  • apratim vaikalpik bhaasha (janasanchaar/vyavasaaya, prabandhan, vigyaan va praudyogiki tatha shiksha aur prashaasan mein apni bhoomika ke saath)
  • raashtreeya aur antarraashtreeya hindi sangathanon mein sampark-sootr ki bhoomika ke nirvaah ke liye network sanyojan
  • bhaarateeya aur antarraashtreeya hindi bhaashaaon ke saath network sanyojan
  • bhaarateeya sanskruti ki sanvaahika ke roop mein hindi
  • hindi dvaare-dvaare
  • hindi ke egregetar (sankalak) ka nirmaan)

adhiniyam

  • mahaatma gaandhi antarraashtreeya hindi vishvavidyaalaya adhiniyam, 1996-1997 ka kramaank 3

sandarbh

inhein bhi dekhein