mahaaraaja dhruv

Bhagwan vishnu dhruv ke samaksh prakat hue. (raaja ravi varma ki kalaakruti)

hindu dharmagranthon ke anusaar dhruv Bhagwan vishnu ke mahaan tapasvi bhakt the. inki katha vishnu puraan aur Bhagwat puraan mein aati hai. ve uttaanapaad (jo svayanbhoo manu ke putr the) ke putr the. dhruv ne bachapan mein hi gharabaar chhodkar tapasya karne ki thaani aur ant mein inhein saptarshiyon ka kendra hi bana diya gaya. inhein 'grahaadhaar' tatha 'auttaanapaadi' bhi kehte hain.

hindu dharmagranthon mein varnit katha ke anusaar raaja uttaanapaad ki do raaniyon ne do putron ko janm diya. raani suneeti ke putr ka naam 'dhruv' aur suruchi ke putr ka naam 'uttam' rakha gaya. pita ki god mein baithane ko lekar suruchi ne dhruv ko fatakaara to maaain suneeti ne putr ko saantvana dete hue kaha ki vah paramaatma ki god mein sthaan praapt karne ka prayaas kare. maata ki seekh par amal karne ka kathor vrat lekar dhruv ne paanch varsh ki aayu mein hi raajamahal tyaag diya aur ek pair par khade hokar chhah maah tak kathor tap kiya. baalak ki tapasya dekh Bhagwan ne darshan dekar use uchchatam pad praapt karne ka varadaan diya. isi ke baad baalak dhruv ki yaad mein sarvaadhik chamakane vaale taare ko naam dhruvataara diya gaya.

inhein bhi dekhein