madhumakkhi paalan

vyaavasaayik star ke madhumakkheepaalan mein laga ek vyakti

madhu, paraagakan aadi ki praapti ke liye madhumakkhiyaaain paali jaateen hain. yeh ek krishi aadhaarit udyog hai. madhumakkhiyaan foolon ke ras ko shahad mein badal deti hain aur unhein apne chhatton mein jama karti hain. jangalon se madhu ekatr karne ki parampara lambe samay se lupt ho rahi hai. baajaar mein shahad aur iske utpaadon ki badhti maang ke kaaran madhumakkhi paalan ab ek laabhadaayak aur aakarshak udyam ke roop mein sthaapit ho chala hai. madhumakkhi paalan ke utpaad ke roop mein shahad aur mom aarthik drushti se mahatvapoorn hain.

anukram

madhumakkhi paalan ke laabh

  • pushparas va Parag ka sadupayog, aay va svarojagaar ka srujan |
  • shudv madhu, raayal jeli utpaadan, mom utpaadan, Parag, mauni vish aadi |
  • 3 bagair atirikt khaad, beej, sinchaai evam shasya prabandh ke maatr madhumakkhi ke maun vansh ko fasalon ke kheton va medon par rakhane se kaameri madhumakkhi ke par paraagan prakiya se fasal, sabji evam falodyaan mein sava se dedh guna upaj mein badhottri hoti hai |
  • madhumakkhi utpaad jaise madhu, raayalajeli va Parag ke sevan se maanav svasth evam nirogit hota hai | madhu ka niyamit sevan karne se tapedik, asthama, kabjiyt, khool ki kami, raktachaap ki beemaari naheen hoti hai | raayal jeli ka sevan karne se tyoomar naheen hota hai aur smaran shakti va aayu mein vrudvi hoti hai | madhu mishrit Parag ka sevan karne se praastretaaitis ki beemaari naheen hoti hai | mauni vish se gaathiya, bataash va Cancer ki davaayein banaayi jaati hain | bi- thiraipi se asaadhya rogon ka nidaan kiya jaata hai |
  • madhumakkhi paalan mein kam samay, kam laagat aur kam dhaanchaagat poonji nivesh ki jaroorat hoti hai,
  • kam upajavaale khet se bhi shahad aur madhumakkhi ke mom ka utpaadan kiya ja sakta hai,
  • madhumakkhiyaan kheti ke kisi anya udyam se koi dhaanchaagat pratisparddha naheen karti hain,
  • madhumakkhi paalan ka paryaavaran par bhi sakaaraatmak prabhaav padta hai. madhumakkhiyaan kai foolavaale paudhon ke paraagan mein mahatvapoorn bhoomika nibhaati hain. is tarah ve sooryamukhi aur vibhinn falon ki utpaadan maatra badhaane mein sahaayak hoti hain,
  • shahad ek svaadisht aur poshak khaadya padaarth hai. shahad ekatr karne ke paaramparik tareeke mein madhumakkhiyon ke jangali chhatte nasht kar diye jaate hain. ise madhumakkhiyon ko bakson mein rakh kar aur ghar mein shahad utpaadan kar roka ja sakta hai,
  • madhumakkhi paalan kisi ek vyakti ya samooh dvaara shuroo kiya ja sakta hai,
  • baajaar mein shahad aur mom ki bhaari maang hai.

itihaas

vaigyaanik tareeke se vidhivt madhumakkhi paalan ka kaam athaarahaveen sadi ke ant mein hi shuroo hua. iske poorv jangalon se paaramparik dhang se hi shahad ekatr kiya jaata tha. poori duniya mein tareeka lagbhag ek jaisa hi tha jismein dhuaan karke, madhumakkhiyaan bhaga kar log maun chhatton ko uske sthaan se tod kar fir use nichod kar shahad nikaalate the. jangalon mein hamaare desh mein abhi bhi aise hi shahad nikaali jaati hai.

madhumakkhi paalan ka aadhunik vaigyaanik tareeka pashchim ki den hai. yeh nimn charanon mein viksit hua :

  • san 1789 mein Switzerland ke Francis hyoobar naamak vyakti ne pehle-pahal lakdi ki peti (maunagruh) mein madhumakkhi paalne ka prayaas kiya. iske andar usane lakdi ke frem banaae jo kitaab ke pannon ki tarah ek-doosare se jude the.
  • san 1851 mein America nivaasi paadari laingastraath ne pata lagaaya ki madhumakkhiyaan apne chhatton ke beech 8 milimeetar ki jagah chhodti hain. isi aadhaar par unhonne ek doosare se mukt frem banaae jis par madhumakkhiyaan chhatte bana sakein.
  • san 1857 mein meharing ne momi chhattaadhaar banaaya. yeh madhumakkhi mom ki bani seat hoti hai jis par chhatte ki kothariyon ki naap ke ubhaar bane hote hain jis par madhumakkhiyaan chhatte banaati hain.
  • san 1865 mein ostriya ke major di. huraska ne madhu-nishkaasan yantr banaaya. ab is machine mein shahad se bhare frem daal kar unki shahad nikaali jaane lagi. isse frem mein lage chhatte ekdam surakshit rahate hain jinhein pun: maun peti mein rakh diya jaata hai.
  • san 1882 mein kaulin ne raani avarodhak jaali ka nirmaan kiya jisse bagachhoot aur gharachhoot ki samasya ka samaadhaan ho gaya. kyonki iske poorv madhumakkhiyaan, raani madhumakkhi sahit bhaagane mein safal ho jaati theen. lekin ab raani ka bhaagna sambhav naheen tha.

inhein bhi dekhein

baahari kadiyaaain