madhubaala

madhubaala
janm mumataaj begm jahaaain dehalavi
14 fravari 1933
nai Delhi, Bhaarat
mrutyu 23 fravari 1969(1969-02-23) (umr 36)
Mumbai, Maharashtra, Bhaarat
nivaas Mumbai, Bhaarat
raashtreeyata bhaarateeya
vyavasaaya abhinetri
dharm muslim
jeevanasaathi kishor Kumar (vi॰ 1960–1969) «astart: (1960)–end+1: (1970)»"Marriage: kishor Kumar to madhubaala" Location: (linkback://hi.wikipedia.org/wiki/%E0%A4%AE%E0%A4%A7%E0%A5%81%E0%A4%AC%E0%A4%BE%E0%A4%B2%E0%A4%BE)

madhubaala (urdoo: مaaدaaھaaو بaaاaaل; janm: 14 fravari 1933, Delhi - nidhan: 23 fravari 1969, Mumbai) bhaarateeya hindi filmon ki ek abhinetri thi. unke abhinay mein ek aadarsh bhaarateeya naari ko dekha ja sakta hai.[krupaya uddharan jodein] chehare dvaara`bhaavaabhiykti tatha najaakt unki pramukh visheshataayein theen. unke abhinay, pratibha, vyaktitv aur khoobsoorti ko dekh kar yahi kaha jaata hai ki vah bhaarateeya cinema ki ab tak ki sabse mahaan abhinetri hai. vaastav me hindi filmon ke sameekshak madhubaala ke abhinay kaal ko svarn yug ki sanjnyaa se sammaanit karte hain.[krupaya uddharan jodein]

anukram

praarambhik jeevan

madhubaala ka janm 14 fravari 1933 ko Delhi mein ek pashtoon muslim parivaar me hua tha. madhubaala apne maata-pita ki 5 veen santaan thi. unke maata-pita ke kul 11 bachche the. madhubaala ka bachapan ka naam 'mumataaj begm jahaaain dehalavi' tha. aisa kaha jaata hai ki ek bhavishyavakta ne unke maata-pita se ye kaha tha ki mumataaj atyadhik khyaati tatha sampatti arjit karegi parantu usaka jeevan dukh:maya hoga. unke pita ayaatullaah Khan ye bhavishyavaani sun kar Delhi se mumbai ek behtar jeevan ki talaash me aa gaye. mumbai me unhone behtar jeevan ke liye kaafi sangharsh kiya.

Bollywood mein pravesh

Bollywood mein unka pravesh 'baby mumataaj' ke naam se hua. unki pehli film basant (1942) thi. devika raani basant mein unke abhinay se bahut prabhaavit huyeen, tatha unka naam mumataaj se badal kar ' madhubaala' rakh diya. unhe Bollywood mein abhinay ke saath-saath anya tarah ke prashikshan bhi diye gaye. (12 varsh ki aayu me unhe vaahan chalaana aata tha).

abhinay yaatra

unhein mukhya bhoomika nibhaane ka pehla mauka kedaar sharma ne apni film neel kamal (1947) mein diya. is film me unhone raaj Kapoor ke saath abhinay kiya. is film me unke abhinay ke baad unhe 'cinema ki saundarya devi' (Venus Of The Screen) kaha jaane laga. iske 2 saal baad Bombay taukeej ki film mahal mein unhone abhinay kiya. mahal film ka gaana 'aayega aanevaala' logon ne bahut pasand kiya. is film ka yeh gaana paarshv gaayika lata mangeshkar, is film ki safalta tatha madhubaala ke kairiyr mein, bahut sahaayak siddh hua.

mahal ki safalta ke baad unhone kabhi peechhe mud kar naheen dekha. us samay ke sthaapit puroosh kalaakaaron ke saath unki ek ke baad ek film aati gayeen tatha safal hoti gayeen. unhonne ashok Kumar, Rahman, dileep Kumar, devaanand aadi sabhi ke saath kaam kiya.

1950 ke dashak mein unki kuchh filme asafal bhi huyi. jab unki filme asafal ho rahi thi to aalochak ye kehne lage ki madhubaala mein pratibha nahi hai tatha unki kuchh filmein unki sundarata ki vajh se hit huyeen, na ki unke abhinay se. lekin aisa naheen tha. unki filme flaap hone ka kaaran tha- sahi filmon ka chunaav na kar paana. madhubaala ke pita hi unke manager the aur vahi filmon ka chunaav karte the. madhubaala parivaar ki ek maatr aisi sadasya theen jinki aay par ye bada parivaar tika tha. at: inke pita parivaar ke paalan-poshan ke liye kisi bhi tarah ke film ka chunaav kar lete the. chaahe bhale hi us film me madhubaala ko apni pratibha dikhaane ka mauka mile ya na mile aur yahi unki kuchh filme asafal hone ka kaaran bana. in sab ke baavajood vah kabhi niraash nahi huyeen. 1958 me unhone apne pratibha ko pun: saabit kiya. is saal aayi unki chaar filme (faagun, haavara brij, kaala paani aur chalti ka naam gaadi) superhit huyeen.

dileep Kumar se sambandh

jvaar bhaata (1944) ke set par vah pehli baar dileep Kumar se mili. unke man me dileep Kumar ke prati aakarshan paida hua tatha vah unase prem karne lageen. us samay vah 18 saal ki theen tatha dileep Kumar 29 saal ke the. unhone 1951 me taraana me pun: saath-saath kaam kiya. unka prem mugl-A-aazam ki 9 saalon ki shooting shuroo hone ke samay aur bhi gahra ho gaya tha. vah dileep Kumar se vivaah karna chaahati theen par dileep Kumar ne inkaar kar diya. aisa bhi kaha jaata hai ki dileep Kumar taiyaar the lekin madhubaala ke laalachi rishtedaaron ne ye shaadi nahi hone di. 1958 me ayaatullaah Khan ne court me dileep Kumar ke khilaaf ek case daayar kar ke dono ko paraspar prem khatm karne par baadhya bhi kiya.

vivaah

madhubaala ko vivaah ke liye teen alag - alag logon se prastaav mile. vah sujhaav ke liye apni mitr nargis ke paas gayi. nargis ne Bhaarat bhooshan se vivaah karne ka sujhaav diya jo ki ek vidhur the. nargis ke anusaar Bhaarat bhooshan, pradeep Kumar evam kishor Kumar se behtar the. lekin madhubaala ne apni ichha se kishor Kumar ko chuna. kishor Kumar ek talaakashuda vyakti the. madhubaala ke pita ne kishor Kumar se bataaya ki vah shalya chikitsa ke liye London ja rahi hai tatha uske lautane par hi ve vivaah kar sakte hai. madhubaala mrutyu se pehle vivaah karna chaahati theen ye baat kishor Kumar ko pata tha.

1960 mein unhone vivaah kiya. parantu kishor Kumar ke maata-pita ne kabhi bhi madhubaala ko sveekaar nahi kiya. unka vichaar tha ki madhubaala hi unke bete ki pehli shaadi tootane ki vajh theen. kishor Kumar ne maata-pita ko khush karne ke liye hindu reeti-rivaaj se pun: shaadi ki, lekin ve unhe mana na sake.

vishesh abhinay

mugal-A-aazam mein unka abhinay vishesh ullekhaneeya hai. is film me sirf unka abhinay hi nahi balki 'kala ke prati samarpan' bhi dekhne ko milta hai. ismein 'anaarkali' ki bhoomika unke jeevan ki sabse mahatvapoorn bhoomika rahi. unka lagaataar girta hua svaasthya unhein abhinay karne se rok raha tha lekin vo naheenn rookeen. unhone is film ko poora karne ka drudh nishchaya kar liya tha. film ke nirdeshak ke. aashif film me vaastavikta laana chaahate the. ve madhubaala ki beemaari se bhi anjaan the. unhone shooting ke liye asli janjeeron ka prayog kiya. madhubaala se svaasthya kharaab hone ke baavajood bhaari janjeero ke saath abhinay kiya. in janjeeron se unke haath ki tvacha chhil gayi lekin fir bhi unhone abhinay jaari rakha. madhubaala ko us samay na keval shaareerik apitu maanasik kasht bhi the. dileep Kumar se vivaah na ho paane ki vajah se vah avasaad (Depression) se peedit ho gayeen theen. itna kasht hone ke baad bhi itna samarpan bahut hi kam kalaakaaron me dekhne ko milta hai.

5 August 1960 ko jab mugale-A-aazam pradarshit huyi to film sameekshakon tatha darshakon ko bhi ye mehnat aur lagan saaf-saaf dikhaai padi. asal me yeh madhubaala ki mehnat hi thi jisne is film ko saflata ke charam tak painhuchaaya. is film ke liye unhe film feyar award ke liye naamit kiya gaya tha. haalaanki yeh puraskaar unhe naheen mil paaya. kuchh log sandeh vyakt karte hai ki madhubaala ko yeh puraskaar isaliye nahi mil paaya kyonki vah ghoos dene ke liye taiyaar naheen thi.

is film ki lokapriyta ke vajah se hi is film ko 2004 me pun: rang bhar ke poori duniya me pradarshit kiya gaya.

svargavaas

madhubaala, hrudaya rog se peedit theen jiska pata 1950 me niyamit hone vaale svaasthya pareekshan me chal chuka tha. parantu yeh tathya film udyog se chhupaaya rakha gaya. lekin jab haalaat badatar ho gaye to ye chhup na saka. kabhi - kabhi filmo ke set par hi unki tabeeyat buri tarah kharaab ho jaati thi. chikitsa ke liye jab vah London gayi to doctoron ne unki surgery karne se mana kar diya kyonki unhe dar tha ki vo surgery ke dauraan hi mar jaayeingeen. jindagi ke antim 9 saal unhe bistar par hi bitaane pade. 23 fravari 1969 ko beemaari ki vajah se unka svargavaas ho gaya. unke mrutyu ke 2 saal baad yaani 1971 me unki ek film jiska naam jalwa tha pradarshit ho paayi thi.

filmein

madhubaala ka dehaant 36 saal ki umr me ho gaya. unka abhinay jeevan bhi lagbhag itna hi tha. unhone is dauraan 70 (lagbhag) filmo mein kaam kiya.

pramukh filmein

sandarbh

baahari kadiyaaain