maatrubhaasha

ajabaijaan mein maatrubhaasha ka smaarak (ana dili)

janm lene ke baad maanav jo pratham bhaasha seekhata hai use usaki maatrubhaasha kehte hain. maatrubhaasha, kisi bhi vyakti ki saamaajik evam bhaashaai pehchaan hoti hai.

anukram

Gandhi ji ke vichaar

Gandhi ji ne maikaale ki is dhoortataapoorn yojana ka apne kai lekhon mein varnan kiya hai (dekhein maikaalej dreams, yang India, 19 March 1928, pru. 103) tatha is ghoshana ko "sharaaratapoorn" kaha hai. yeh satya hai ki Gandhi ji swayam angreji ke prabhaavi jnyaaata tatha vakta the. ek baar ek angrej vidvaan ne kaha tha ki Bhaarat mein keval dedh vyakti hi angreji jaante hain- ek Gandhi ji aur aadhe mi. jinna. at: bhaasha ke sambandh mein Gandhi ji ke vichaar raajaneetik athva bhaavuk na hokar atyant santulit tatha gambhir hain.

Gandhi ji ke vichaar shiksha ke maadhyam ke sandarbh mein spasht the. ve angreji bhaasha ko laadne ko vidyaarthi samaaj ke prati "kapatapoorn kruti" samajhte the. unka maanana tha ki Bhaarat mein 90 pratishat vyakti chaudah varsh ki aayu tak hi padhte hain, at: maatrubhaasha mein hi adhik se adhik gyaan hona chaahiye. unhonne 1909 E. mein "svaraajya" mein apne vichaar prakat kiye hain. unke anusaar "hajaaron vyaktiyon ko angreji sikhlaana unhein gulaam banaana hai." Gandhi ji videshi maadhyam ke katu virodhi the. unka maanana tha ki videshi maadhyam bachchon par anaavashyak dabaav daalne, ratane aur nakal karne ki pravrutti ko protsaahit karta hai tatha unamein maulikta ka abhaav paida karta hai. yeh desh ke bachchon ko apne hi ghar mein videshi bana deta hai. unka kathan tha ki "yadi mujhe kuchh samay ke liye nirkunsh bana diya jaae to main videshi maadhyam ko turant band kar doonga." Gandhi ji ke anusaar videshi maadhyam ka rog bina kisi deri ke turant rok dena chaahiye. unka mat tha ki maatrubhaasha ka sthaan koi doosari bhaasha naheen le sakti. unke anusaar, "gaaya ka doodh bhi maan ka doodh naheen ho sakta."

maatrubhaasha ka mahatva

Gandhiji desh ki ekta ke liye yeh aavashyak maanate the ki angreji ka prabhutv sheegra samaapt hona chaahiye. ve angreji ke prayog se desh ki ekta ke tark ko behooda maanate the. sachchi baat to yahi hai ki Bhaarat vibhaajan ka kaarya angreji padh-likhe logon ki hi den hai. Gandhi ji ne kaha tha- "yeh samasya 1938 E. mein hal ho jaani chaahiye thi, athva 1947 E. mein to avashya hi ho jaani chaahiye thi." Gandhi ji ne na keval maadhyam ke roop mein angreji bhaasha ka mukhar virodh kiya balki raashtrabhaasha ke prashn par bhi raashtreeya ekta tatha akhandata ko prakat karne vaale vichaar prakat kiye. unhonne kaha tha, "yadi svaraajya angreji bolne vaale bhaarateeyon ko aur unheen ke liye hone wala ho to ni:sandeh angreji hi raashtrabhaasha hogi. lekin agar svaraajya karodon bhookhon marne vaalon, karodon nirksharon, nirkshar bahanon aur pichhadon va atyanjon ka ho aur in sabke liye hone wala ho, to hindi hi ekamaatr raashtrabhaasha ho sakti hai.

inhein bhi dekhein

baahari kadiyaaain