maapan ka itihaas

samay maapan ki hindu pranaali (laghuganakeeya paimaane par)

manushya jeevan ke liye naapataul ki bahut hi mahatvapoorn bhoomika hai. yeh kehna atyant kathin hai ki naapataul paddhati ka aavishkaar kab aur kaise hua hoga kintu anumaan lagaaya ja sakta hai ki manushya ke bauddhik vikaas ke saath hi saath aapasi len-den ki parampara aarambh hui hogi aur is len-den ke liye use naapataul ki aavashyakta padi hogi. pragaitihaasik kaal se hi manushya naapataul paddhatiyon ka prayog karta raha hai.

maapan ke maatrak shaayad maanav dvaara aavishkrut sabse puraani cheejon mein se hain kyonki aadim samaaj ko bhi vibhinn kaamon ke liye (kaamachalaaoo) maapan ki jaroorat padti thi.

anukram

praacheenatam maapan

sindhu ghaati (3000 isaapoorv se 1500 isaapoorv) ke logon ne naap evam taul ke upayog mein atyant unnat maanakeekaran ka vikaas kar liya tha. yeh vahaaain khudaai se praapt maapon se spasht hai. unke naap-taul ke maatrakon mein aashcharyajanak ekaroopata (yunifaurmiti) dikhti hai.

mahatvapoorn padaav

  • terahaveen shadi ke aarambhik dinon mein ingalaind mein ek shaahi aadesh mein maapan mein prayukt paribhaashaaon ki ek lambi soochi jaari ki gayi.
  • 1799 - antararaashtreeya aayog dvaara platinum ki ek chhad ko meter ka maanak maana gaya.
  • 1860 - Britain, jarman raajya evam United states of America - sabhi ne meetari paddhati ko sveekaar karne ki taraf kadam badhaaya.
  • 1870 - peris mein fraanseesiyon dvaara antararaashtreeya Congress bulaai gayi. kintu ise yuddh aadi kaaranon se baad mein (san 1872 mein) kar diya gaya.
  • 1872 - antararaashtreeya Congress ka aayojan jismein 'international bureau of vets end mejars' ki sthaapana.
  • 1875 - peris mein 'kauveinshan of meter' hua jisko 17 deshon ne hastaakshar kiye.
  • 1889 - international bureau of vets end mejars ne meter ka naya maanak banaaya. ab yeh 90% platinum tatha 10% iridiym dhaatu ki bani ek chhad ke do chihnon ke beech ki doori ke roop mein paribhaashit kiya gaya. jo san 1960 tak maanya raha.
  • 1960 - maanak meter ko kriptaun-86 parmaanu dvaara utsarjit prakaash ke 1,650,763.73 tarangadairdhya ke baraabar paaribhaashit kiya gaya.
  • 1983 - 1/299,792,458 second mein prakaash dvaara nirvaat mein chali gayi doori ke baraabar paaribhaashit kiya gaya.

inhein bhi dekhein

baahari kadiyaaain