maans

maans ke vibhinn prakaar
maans ka keema

maans, maaains ya gosht un jeev ootakon aur mukhyat: maansapeshiyon ko kehte hain, jinka sevan bhojan ke roop mein kiya jaata hai. maans shabd, ko aam bolachaal aur vyaavasaayik vargeekaran ke aadhaar par bhoomi par rahane vaale pashuon ke gosht ke sandarbh me prayog kiya jaata hai (mukhyat: kasheruki: stanadhaari, pakshi aur sareesrup), jaleeya matasya jeevon ka maans machhali ki shreni mein jabki anya samudri jeev jaise ki krasateshiyn, molask aadi samudri bhojan ki shreni mein aate hain. vaise yeh vargeekaran poornat: laagoo naheen hota aur kai samudri stanadhaari jeevon ko kabhi maans to kabhi machhali maana jaata hai. poshaahaar ki drushti se maanav ke bhojan mein maans, proteen, vasa aur khanijon ka ek aam aur achha srot hai. sabhi pashuon aur paudhon se praapt bhojanon mein, maans ko sabse uttam ke saath sabse adhik vivaadaaspad khaadya padaarth bhi maana jaata hai. jahaan poshan ki drushti se maans ek poshaahaar hain vaheen vibhinn dharm iske sevan se apne anuyaayiyon ko door rahane ki salaah dete hain. jo pashu poorn roop se apne bhojan ke liye maans par nirbhar hote hain unhein maansaahaari kaha jaata hai, iske vipreet, vanaspati khaane vaale pashuon ko shaakaahaari kehte hain. jo paudhe chhote jeevon aur keede ka sevan karte hain maansabhakshi paadap kahalaate hai.

sandarbh