maakhanalaal chaturvedi

janm: 4 April 1889
baabai, hoshangaabaad, madhya pradesh, Bhaarat
mrutyu: 30 January 1968
,
kaaryakshetr: kavi
raashtreeyata: bhaarateeya
bhaasha: hindi
kaal: aadhunik kaal
vidha: gadya aur padya
saahityik
aandolan
:
chhaayaavaad
pramukh kruti(yaaain): him tarangini
saahitya academy dvaara puraskrut
adhyaapan, patrakaarita


maakhanalaal chaturvedi (4 April 1889-30 January 1968) Bhaarat ke khyaatipraapt kavi, lekhak aur patrakaar the jinki rachanaaeain atyant lokapriya huin. saral bhaasha aur ojapoorn bhaavanaaon ke ve anoothe hindi rachanaakaar the. prabha aur karmaveer jaise pratishthat patron ke sampaadak ke roop mein unhonne british shaasan ke khilaaf jordaar prachaar kiya aur nai peedhi ka aahvaan kiya ki vah gulaami ki janjeeron ko tod kar baahar aae. iske liye unhein anek baar british saamraajya ka kopabhaajan banana pada.[1] ve sachche deshaprami the aur 1921-22 ke asahayog aandolan mein sakriya roop se bhaag lete hue jail bhi gaye. aapki kavitaaon mein deshaprem ke saath saath prakruti aur prem ka bhi chitran hua hai.

anukram

jeevani

shri maakhanalaal chaturvedi ka janm madhya pradesh ke hoshangaabaad jile mein baabai[2] naamak sthaan par hua tha.

kaaryakshetr

maakhanalaal chaturvedi ka tatkaaleen raashtreeya paridrushya aur ghatanaachakr aisa tha jab lokamaanya tilk ka udghosh- 'svatantrata hamaara janmasiddh adhikaar hai' balipanthiyon ka preranaasrot ban chuka tha. dakshin Africa mein satyaagrah ke amogh astr ka safal prayog kar karmaveer mohanadaas karamachand gaaaindhi ka raashtreeya paridrushya ke kendra mein aagaman ho chuka tha. aarthik svatantrata ke liye svadeshi ka maarg chuna gaya tha, saamaajik sudhaar ke abhiyaan gatisheel the aur raajaneetik chetna svatantrata ki chaah ke roop mein sarvochch praathamikta ban gayi thi. aise samay mein maadhavaraav sapre ke 'hindi kesari' ne san 1908 mein 'raashtreeya aandolan aur bahishkaar' vishay par nibandh pratiyogita ka aayojan kiya. khandava ke yuva adhyaapak maakhanalaal chaturvedi ka nibandh pratham chuna gaya. April 1913 mein khandava ke hindi sevi kaalooraam gangaraade ne maasik patrika 'prabha' ka prakaashan aarambh kiya, jiske sanpaadan ka daayitv maakhanalaalaji ko saunpa gaya. September 1913 mein unhonne adhyaapak ki naukri chhod di aur poori tarah patrakaarita, saahitya aur raashtreeya aandolan ke liye samarpit ho gaye. isi varsh Kanpur se ganesh shankar vidyaarthi ne 'prataap' ka sanpaadan-prakaashan aarambh kiya. 1916 ke Lucknow Congress adhiveshan ke dauraan maakhanalaalaji ne vidyaartheeji ke saath maithileesharan gupt aur mahaatma gaaaindhi se mulaakaat ki. mahaatma gaaaindhi dvaara aahoot san 1920 ke 'asahayog aandolan' mein mahaakoshal anchal se pehli giraftaari dene vaale maakhanalaalaji hi the. san 1930 ke savinya avajnyaa aandolan mein bhi unhein giraftaari dene ka pratham sammaan mila. unke mahaan krutitv ke teen aayaam hain : ek, patrakaarita- 'prabha', 'karmaveer' aur 'prataap' ka sanpaadan. do- maakhanalaalaji ki kavitaaeain, nibandh, naatak aur kahaani. teen- maakhanalaalaji ke abhibhaashan/ vyaakhyaan.[3]

puraskaar va sammaan

1943 mein us samay ka hindi saahitya ka sabse bada 'Dave puraskaar' maakhanalaalaji ko 'him kireetini' par diya gaya tha. 1954 mein saahitya academy puraskaaron ki sthaapana hone par hindi saahitya ke liye pratham puraskaar daada ko 'himtarangini' ke liye pradaan kiya gaya. 'pushp ki abhilaasha' aur 'amar raashtra' jaisi ojasvi rachanaaon ke rachayita is mahaakavi ke krutitv ko saagar vishvavidyaalaya ne 1959 mein di.lit. ki maanad upaadhi se vibhooshit kiya. 1963 mein Bhaarat sarkaar ne 'padmabhooshan' se alankrut kiya. 10 September 1967 ko raashtrabhaasha hindi par aaghaat karne vaale raajabhaasha samvidhaan sanshodhan vidheyak ke virodh mein maakhanalaalaji ne yeh alankaran lauta diya. 16-17 January 1965 ko Madhya Pradesh shaasan ki or se khandava mein 'ek bhaarateeya aatma' maakhanalaal chaturvedi ke naagrik sammaan samaaroh ka aayojan kiya gaya. tatkaaleen raajyapaal shri hari vinaayak paatasakar aur mukhyamantri pan॰ dvaarakaaprasaad mishr tatha hindi ke agraganya saahityakaar-patrakaar is garimaamaya samaaroh mein upasthit the. Bhopal ka maakhanalaal chaturvedi patrakaarita vishvavidyaalaya unheen ke naam par sthaapit kiya gaya hai. unke kaavya sangrah 'himtarangini' ke liye unhein 1955 mein hindi ke 'saahitya academy puraskaar' se sammaanit kiya gaya.[4]

prakaashit krutiyaaain

  • himkireetini, him tarangini, yug charan, samarpan, maran jvaar, maata, venu lo goonje dhara, beejuri kaajal aaainj rahi aadi inki prasiddh kaavya krutiyaaain hain.
  • krushnaarjun yuddh, saahitya ke devata, samay ke paanv, ameer iraade :gareeb iraade aadi aapki prasiddh gadyaatmak krutiyaaain hain.

baahari kadiyaaain

sandarbh