maajuli dweep

maajuli
Native name: মaaাaaজaaুaaলaaী
Way To Majuli.jpg
maajuli ki or yaatra karti ek feri naav
bhoogol
माजुली द्वीप is located in असम
sthiti brahmaputr nadi
nirdeshaank 26°a57′a0″aN 94°a10′a0″aE / 26.95°aN 94.166667°aE / 26.95; 94.166667
kshetrafal 1,250 kimi2 (480 varg meal)
desh
Bhaarat
raajya asam
jila jorahaat
janasaankhyiki
janasankhya 1,53,362 (as of 2001)
ghanatv 300 /kimi2 (780 /varg meal)
jaateeya samooh meesing, deori aur sonovaal

maajuli ya maajoli (uchchaarit: maadjuli, mʌaaʤaaʊaalɪ) (asamiya- মaaাaaজaaুaaলaaী) asam ke brahmaputr nadi ke madhya mein basa ek bada nadi dweep hai. british East India company ke A.J. mifet mils ke sarvekshan anusaar 1853 mein iska kul kshetrafal 1246 varg kimi (483 varg meal) tha[1] parantu prativrsh baadh aur bhookataav ke chalte yeh simat kar (2001 ke sarve ke anusaar) maatr 421.65 varg kimi (163 varg meal) rah gaya hai. sachchaai ye hai ki maajuli praakrutik aur maanavajanit kaaranon se din pratidin sikud raha hai aur iske astitv par savaaliya nishaan laga hua hai.[2]

maajuli ko vishv ka sabse bada nadi dweep ke roop mein darshaaya jaata raha hai. yeh satya naheen hai. braajeel aur kai anya jagahon ke kai nadi dweep kaafi bade aakaar ke hain aur uname sabse bada hai banaanaal dweep jo lagbhag 19000 varg kimi bada hai. vaise to nadi par avasthit sabse bada dweep braajeel ke amejn aur para nadi par sthit maaraajo dweep hai parantu ise nadi dweep naheen maana ja sakta kyonki iske ek kinaare par atalaantik mahaasaagar hai. nadi dweep ko lekar anek bhraamak tathya maujood hain[3]. yahaaain tak ki Bangladesh ke meghana nadi par avasthit hatiya dweep bhi 1500 varg kimi ke saath maajuli se bada hai.

maajuli dweep ke dakshin mein brahmaputr nadi aur uttar mein kherakutiya khooti naamak dhaara avasthit hai. kherakutiya khooti brahmaputr nadi se niklati hai aur aage chalakar fir usi mein pravesh karti hai. uttar mein subanasiri nadi kherakutiya khooti se jud jaati hai. maajuli dweep kaalaantar mein brahmaputr nadi aur usaki sahaayak nadiyon visheshakar lohit nadi ke disha aur kshetr parivartan ki vajah se bani hai.

maajuli ka jila mukhyaalaya jorahaat shahar hai jo yahaaain se 20 kimi ki doori par hai. maajuli jaane ke liye jorahaat se niyamit parivhan sevaaeain upalabdh hain. maajuli jaane ke liye feri lena jaruri hai kyonki yahaaain nadi par pul naheen hai. asam ki rajdhani Guwahati se maajuli dweep lagbhag 200 kilometer poorv mein hai.

maajuli ko asam ki saanskrutik rajdhani bhi kaha ja sakta hai. maajuli poorvi asam ka nav vaishnav vichaaradhaara ka mukhya kendra hai.[4]

anukram

itihaas

vaastav mein 7veen sadi ki shuruaat mein, maajuli ek bade kshetr ka ek hissa tha aur ye kaafi sankara aur lamba tha. us samay isse ''maajoli'' yaani do samaanaantar nadiyon ke beech ki jagah, ke naam se jaana jaata tha. maajuli ke uttar mein brahmaputr nadi jise pehle lohit, luhit ya luit ke naam se jaana jaata tha, bahti thi aur iske dakshin mein dihing nadi bahti thi, jiski anek sahaayak nadiyaaain theen jaise- dikhau, dhanashiri, bhogadoi, jhaanji. ye donon nadiyaaain laakhoo naamak sthaan mein aakar jud jaate the. alag alag nadiyon dvaara laaye gaye mitti aur ret ke jamaav se nadiyon ki dhaaraaon mein badlaav hone laga aur yeh ek alag bhookhand ka svarup lene laga.

bhaugolik drushtikon se maajuli ek asamatal bhoomi thi. yeh jal ke anekon channelon ke madhya sthit chhote-chhote taapuon (sthaaneeya bhaasha mein “achhaapori”) ka ek network tha aur lohit tatha dihing nadiyon se ghira hua tha. praakrutik sansaadhanon ke vividh roopon- dakshini aur uttari kinaare par badi nadiyaaain, sahaayak nadiyon ke network aur madhya mein chhote dveepon(chhaapori) hone ke kaaran ek vishaal madhya nadi delta viksit hone lagi.[5]

kaalakram mein vibhinn kaaranon se brahmaputr nadi aur usaki sahaayak nadiyon ka disha parivartan hua aur ve dakshin ki or sarakane lage. aitihaasik granthon mein ullekh aur lokakathaaon se pata chalta hai ki 1661-1696 ki avadhi mein lagaataar bhookamp aaye the aur is vajah se kai vinaashakaari baadh aaye. isi tarah ka ek bhayankar baadh 1750 mein aaya tha jisne 15-20 dinon tak tabaahi machaai thi. isi baadh ki vajah se brahmaputr do bhaagon mein vibhkt hokar pun: praveshi soton (anabranch) mein badal gaya. iname se ek mukhya dhaara uttar ki taraf se bahne laga jabki doosra dihing nadi ke saath milkar dakshin ki or se bahne laga aur maajuli dweep vishaal bhookhand ban gaya. kaalaantar mein uttari channel jahaaain brahmaputr ka mukhya dhaara thi, vahaaain ke pravaah mein kami I aur ise luit khooti fir kherakatiya khooti kaha jaane laga. dakshini channel jahaaain se dihing nadi brahmaputr ke ek anya dhaara ke saath bahti thi, samay ke saath usaka bhookataav ke kaaran vistaar hota gaya aur yeh brahmaputr ki mukhya dhaara ban gayi.

mitti aur ret ke lagaataar jamaav se yeh bhoomi upajaaoo hone lagi aur ek bade hisse ko jan basati ke liye upayukt banaaya. praakrutik sansaadhanon ke vividh roopon ne is jagah ke samagr paaristhitiki tantr (ecosystem) ke vikaas mein ek mahatvapoorn bhoomika nibhaai hai.

bhaugolik paristhiti

maajuli jorahaat jile ke uttari bhaag mein sthit hai aur brahmaputr nadi dvaara mukhya bhoomi se alag kiya gaya hai. yeh mukhya bhoomi se 2.5 kimi ki doori par sthit hai aur feri dvaara yeh nimaateeghaat (mukhya bhoomi ki or) aur kamalaabaari(maajuli ki or) se judati hai. uttari taton par dweep ke niktavarti mukhya bhoomi Lakhimpur aur dhakuaakhaana hain. maajuli 93°aa39' se 94°aa35' poo aur 26°aa45' u se 27°aa12' u ke akshaansh aur deshaantar ke bheetar sthit hai. maajuli dweep ka nirmaan alag-alag samay mein lagaataar bade bhookampon ke kaaran aur saath hi bhayaanak baadhon ki vajah se brahmaputr nadi ke praakrutik parivartan ke parinaam svarup hua hai.

maajuli mein ek beel ka drushya

maajuli nadi dweep brahmaputr besin ke vishaal gatisheel nadi pranaali ka ek hissa hai. brahmaputr nadi ki kul lanbaai 2706 kimi aur jalagrahanakshetr (catchment area) 5,80,000 varg kilometer hai. brahmaputr ke is nadi pranaali mein ek nadi delta, maajuli dweep ka banana ek asaadhaaran bhaugolik ghatna hai. daladali ilaakon ko chhodkar maajuli ki lambaai poorv pashchim mein 45-48 kimi hai jabki iski chaudaai uttar dakshin ki or 7-10 kimi hai. 2001 mein kiye gaye sarvekshan ke anusaar iska kul kshetrafal 463 varg kimi hai. samudri satah se yeh 85-90 meter ki ausat ooainchaai par avasthit hai. yeh ilaaka brahmaputr nadi ke aise hisse par sthit hai jahaaain se anek sahaayak nadiyaaain niklati hai aur uttari aur dakshini kinaaron mein delta kshetr banaati hain. brahmaputr nadi ke uttari aur dakshini kinaaron par daladali ilaakein (wetlands) hain jo ki aise jal pranaali ki visheshata hoti hai. aise daladali ilaakon ko yahaaain ki bhaasha mein “abeel” kehte hain. ye beel vanaspatiyon aur jeev ke prajanan aur vikaas ke liye uttam vaataavaran pradaan karte hain[6].

baadh aur kataav

brahmaputr nadi baadhsakriya maidaanon ke beech se gujarati hai aur usaki anek upanadiyaaain dakshin aur uttar donon taraf se aakar judati hai. iseeliye maajuli gambhir baadh mein hi naheen balki saamaanya baadh mein bhi jalamagn ho jaata hai. kai kaaranon se garmiyon mein monsoon ke maheene maajuli ke liye mukhya baadh ka mausam hai.

  • uttar-poorv Bhaarat mein ausat varsha aamtaur par saamaanya se bahut jyaada hoti hai. yeh 100 semi se 1300 semi ke beech hoti hai.
  • garmiyon ke maheene mein hi himaalaya ke gleshiyron mein barf pighlati hai aur brahmaputr nadi ke udgam sthal bhi himaalaya mein hi hai. barf ke pighlane se brahmaputr ke jal star mein atyadhik vruddhi hoti hai.
  • brahmaputr nadi chhote-bade parvat-pahaadon se chaaron taraf se ghira hua hai. pahaadon se barasaat ka paani jalagrahan kshetron mein aata hai aur atyadhik jal jamaav ki sthiti mein yeh maidaani ilaakon mein ghus jaata hai.
  • brahmaputr ghaati ke kshetr ki pahaad aur parvat apekshaakrut naram chattaanon se bane hote hain aur ve aasaani se ghiskar nadi mein mil jaate hai. isse nadi mein gaad banta hai aur parinaamasvaroop paani ka pravaah dheema hota hai. nadi kai chhote chhote channelon mein bant jaati hai( jise angreji mein breding “abraiding of river” kehte hain). in kaaranon se baadh ke sthiti mein jal nikaasi ki prakriya dheemi ho jaati hai.
  • iske alaava, asam mein aaye 1950 san ke vinaashakaari bhookamp ne brahmaputr nadi ke tal ko kaafi oopar utha diya jisse baadh ki aavrutti aur teevrata donon badhi hai.

asam mein bhookataav har nadi ke tat par hone waali ek praakrutik ghatna hai kyonki yahaaain ki mitti reteeli hai aur is kshetr ki bhaugolik paristhitiyaaain abhi bhi vikaas ke kram mein hain. 1950 san ke vinaashakaari bhookamp ke baad se dweep ke dakshini kinaare par lagaataar kataav se kai gaanvon aur satr nadi ki gaal mein sama chuke hain. bhookataav ne maajuli dweep ki par janasaankhyikeeya svarup, paaristhitiki, paryaavaran, saamaajik sanrachana aur aarthik vikaas ko khaasa prabhaavit kiya hai[6].

jalavaayu

asam ke anya bhaagon ki tarah maajuli dweep mein bhi up-ushnakatibandheeya monsoon jalavaayu paaya jaata hai. yahaaain ki jalavaayu paristhitiyaaain Bhaarat ke poorvottar maidaani kshetron ke jaise hi hai. greeshmakaal aamtaur par garm rahata hain aur atyadhik nami bani rahati hai. kshetr mein ausat vaarshik varsha lagbhag 215 semi hai. vaastav mein, maajuli yaatra karne ke liye sabse achha samay October se March hai. maajuli ka mausam aur jalavaayu ke baare mein adhik jaankaari nimnalikhit hain.

garmi- maajuli mein garmi ke mausam madhya March se July ant tak hota hai. is samay yahaaain kaafi garmi hoti hai aur aardrata pratishat kaafi ooaincha hota hai. in maheenon ke dauraan,taapamaan sarvaadhik 36 degree celcius bhi ho sakta hai. paryatakon aise mausam se door rahana pasand karte hain.

monsoon- maajuli mein monsoon ka mausam July ke aaspaas shuroo hota hai aur August tak rahata hai. is samay baadh ka taandav charam par hota hai.

sardi- sardiyon ke mausam November se shuroo hota hai aur February tak rahata hai. mausam ke dauraan ausat taapamaan sarvaadhik 18 degree celcius aur nyoonatam 7 degree celcius ke aaspaas rahata hai. baarish kam ya naheen ke baraabar hoti hai. mein sabhi pramukh utsav tatha tyohaaron ko sardiyon ke mausam mein aayojit kiya jaata hain jab mausam shaant aur sukhad hota hai.

janasaankhyiki

2011 ki janaganana anusaar, asam ke jorahaat jile mein sthit maajuli mein 1,67,304 logon ki aabaadi hai. baadh aur bhukataav ke chalte ab yahaaain kul 192 gaaainvon mein 32,236 parivaar rahate hain. yahaaain purushon ki janasankhya 85,566 (51.14%) aur mahilaaon ki janasankhya 81,738(48.86%) hai. maajuli mein, mahila ling anupaat 955 prati 1000 hai jo ki raajya ke ausat 958 se kuchh hi kam hai. 0-6 saal ke umr ke bachchon ki sankhya 22,062 hain jisme 11,324 baal hain aur 10,738 baalikaayein hain. baal ling anupaat ki sthiti 948 prati 1000 ke saath aur kam hai. yahaaain ki saaksharata dar 68.20% jo ki raashtreeya aur raajyik ausat se bhi kam hai. mahila saaksharata dar 61.33% hai, jabki purush saaksharata dar 74.76% hai. maajuli mein anusoochit jaati ke log 23878(14%) hain jabki anusoochit janajaati ke log 77,603(46%) hain.[7]

maajuli ki janasankhya ka majedaar pahaloo ye hai ki 1971 ke baad se yahaaain rahane laayak kshetr ghati hai jabki janasankhya ekdam se badhi hai. rojgaar, shiksha aadi ki talaash mein badi sankhya mein logon ka dweep se bahirgaman ke baavajood janasankhya ghanatv mein ijaafa hua hai.

log aur unka jeevan

maajuli mein vibhinn jaati janajaatiyon ke log rahate hain. inhonein maajuli ke shaanadaar saanskrutik viraasat ke liye amoolya yogadaan diya hai. yahaaain anusoochit janajaati ke log jyaada basate hain. dweep mein 47% janasankhya anusoochit janajaati ki hai jinmein mising, deuri aur sonovaal-kachhaari shaamil hain. maajuli ki aabaadi mein asamiya ke anya jaati upajaati jaise-kalita, konch, naath, ahom, chutiya, matak aur braahman bhi rahate hain. in ke alaava, kamovesh sankhya mein chai janajaati ke log, nepaali, bangaali, maaravaadi aur musalmaan bhi varshon se yahaaain basovaas kar rahe hain.

mising samudaaya- maajuli mein mising samudaaya ke logon ki sankhya lagbhag 68,000 ke aaspaas hai (2011 janaganana ke aadhaar par). mising janajaati ko “amiree” bhi pukaara jaata hai. yeh sankhya dweep ki kul aabaadi ka 41 pratishat hai. mising janajaati sadiyon pehle arunaachal pradesh se yahaan aakar bas gaye the. mising log vaastav mein barma(vartamaan myaanmaar) desh se taalluk rakhane vaale mangol mool ke log hain. lagbhag 700 saal pehle ve behtar jeevan ki talaash mein arunaachal pradesh ke raaste hote hue asam aaye aur brahmaputr nadi ke sahaayak nadiyon jaise dihing, disaang, suvanashiri, dikrang ke ird gird basane lage. isi kram mein maajuli mein bhi mising log bahutaayaat mein bas gaye[8]. nadi ke kinaare basane ke kaaran ve bahut kushal naavik aur machhuaare hote hain. aisa kaha jaata hai ki har doosra mising bachcha badhiya tairaak hota hai. ye log nadeekinaar ki jindagi ke aadi ho gaye hain aur nadi ko apna jeevanadaata maanate hain. nadi ki vibheeshika aur isse upajane waali visham paristhitiyon ko ye jeevan ka ang maanate hain aajeevan isse sangharsh karte hain.

maajuli sthit ek gaaainv

mising logon ke vishisht lok sangeet, nrutya aur sangeet vaadyayantr hote hai. inmein se adhikaansh ka istemaal unki saamaajik aur dhaarmik utsavon ke dauraan hota hain. ek paramparaagat mising ghar laththon (aamtaur par baans) ke oopar bana hota hai. aisa ve achaanak aane waali baadh se bachane ke liye karte hai. inke gharon ke chhat foos se bane hote hain aur farsh, deevaaron aur chhat ke liye baans bade paimaane par istemaal kiya jaata hai. mising log yooain to vibhinn tyohaaron ko manaate hain lekin unke do mukhya paaramparik tyohaar hain- aali-aay-ligaang aur poraag. ye tyauhaar unke krushi chakr ke saath jude hote hain. mising mahilaayein kushal bunakar hoteen hain. ve apni kishoraavastha tak pahuainchane se pehle is kala mein nipun ho jaati hain. unhein praakrutik rangon ka bhi achha gyaan hota hai. maajuli ki mising mahilaaon ko vishesh roop se unke uttam hathakaragha utpaad mireejen shawl aur kanbal ke liye jaana jaata hai[9].

maajuli mein deuri logon ki janasankhya 3 pratishat hai aur unki mukhya aabaadi 2 gaaainvon shreeraam deuri aur major deuri gaaainv mein kendrit hai. deuri logon ko anusoochit janajaatiyaaain ke andar purohit varg maana jaata hai. apne swayam ke boli aur sanskruti akshunn rakhate hue, maajuli ke deuri log bihoo manaate hain aur alag nrutya aur geet ki shaili ke saath huriyaarangaali bhi manaate hain. unki jeevan shaili mising logon se kaafi milti julati hai.

anya anusoochit janajaatiyaaain jaise sonovaal-kachhaari aadi log bhi apni parampara nibhaate hue maajuli mein rah rahe hai. satron ke sanyachaalan mein mukhya bhoomika nibhaane vaale braahman samaaj ki bhi maajuli mein gahari paith hai.

aarthik srot

maajuli ki arthavyavastha vividh aur aatmanirbhar kshetron par aadhaarit hai. yahaaain ka mukhya udyog krushi hai aur mukhya utpaad dhaan / chaaval hai. yahaaain ek samruddh aur vividh krushi parampara hai. yahaaain ke log rabi fasalon par nirbharasheel hain kyoki ve yahaaain achhe ugate hain. yahaaain ke kisaan mausam anishchitta aur baadh ke kaaran khareef fasal ki kheti naheen karna chaahate. haalaanki ab tatabandhon ke nirmaan ke baad khareef fasal bhi bade paimaane par ugaaye jaane lage hain. maajuli mein ugaai jaane waali mukhya fasalein hain- chaaval, makka, gehoon, anya anaaj, kaala chana, sabjiyaan, fal, anya khaadya fasalon, kapaas, joot, arandi, ganna aadi[10].

anya udyog

logon ki aarthik sthiti ke utthaan ke liye maajuli mein anya udyog bhi prachalit hai.

  • machhali paalan: machhali paalan yahaaain ek paaramparik udyog hai. yahaaain sthit 60 se adhik bade jalanikaayon(beel) maajuli nivaasiyon ko badi sankhya ko aajeevika pradaan karte hai. pashu paalan aur dairy bhi logon ke aajeevika ka pramukh sroton mein se ek hai.
  • mitti ke bartan: maajuli mitti ke bartanon ke utpaad aur kalaakrutiyon ke design aur gunavatta ke liye bhi prasiddh hai. haalaanki maang mein kami ke chalte yeh udyog mumoorsh avastha mein hai.
  • naav nirmaan: jaleeya ilaaka evam baadh ke khatre ke kaaran naav ek upayogi saadhan hai, iseeliye naav banaane ki kala yahaaain ka ek paaramparik vyavasaaya hai. yahaaain ke naav banaane mein maahir logon ki maang hamesha bani rahati hai.
  • hastashilp aur hathakaragha udyog: yahaaain baans aur ganne se furniture aadi banaaye jaate hain. hathakaragha gaanvon ki auraton ke beech ek pramukh vyavasaaya hai. maajuli ki mahilaayein kushal bunakar hoti hain aur apne kapde swayam bunati hain. mising mahilaaon ko kapadon ke videshi design aur manabhaavan rang sanyojan ke liye jaana jaata hai. ve "mirjim" naamak vishv prasiddh kapde banaati hain. yahaaain lagbhag 20 gaaainv kachche resham ke ek kism “aendee” ka utpaadan karte hai aur uske utpaad taiyaar karte hain[11].
  • mukhauta shilp: mukhauta banaana bhi yahaaain kamaai ka ek srot hai. satron mein bhaavana (naatak), raas utsavon mein istemaal hone vaale mukhauton ki maajuli se baahar bhi aapoorti ki jaati hai. vishesh roop se saamaaguri satr mukhauta banaane ke shilp mein apni visheshajnyaata ke liye prasiddh hai.
  • maajuli mein audyogik udyam naheen ke baraabar hone ke kaaran naukariyon ka abhaav hain. shikshit yuva rojagaar ki talaash mein jorahaat aur anya shaharon ka rukh karatein hain. abhi haal hi mein aayal India limited dvaara maajuli mein do tel ke kuon ka pata lagaaya gaya hai. isse yahaaain audyogik udyamon ki sambhaavnaaen badhi hain.

chaaval utpaadan

yahaaain chaaval ka ek sau alag alag kismein kisi bhi prakaar ke krutrim khaad ya keetanaashak ke istemaal ke bina ugaai jaati hain. “akumal shaaoola” (hindi: komal chaaval) yahaaain chaaval ke sabse lokapriya kismon mein se ek hai. ise sirf pandrah minute ke liye garm paani mein dubo kar rakhane ke baad khaaya ja sakta hai. aamtaur par ise naashte ke roop mein khaaya jaata hai. baao dhaan, chaaval ka ek anootha kism hota hai jo ki paani ke neeche hoti hai, aur das maheene aur baad kaata jaata hai. bora shaaool ek anya kism ka chaaval hai jo chipchipa bhoore rang ka hota hai. yeh chaaval asam ke paaramparik khaadya peetha banaane aur anya aanushthaanik kaaryon mein prayukt hota hai. yahaaain ki janasankhya mein betahaasha vruddhi aur kheti laayak jameen ke kataav ke kaaran ab chaaval/dhaan ka utpaadan kam ho gaya hai aur maajuli mein ab khud ki jarurat bhi poori naheen ho pa rahi hai.

kala aur sanskruti

satr

maajuli dweep asamiya nav-vaishnav sanskruti ka kendra raha hai. nav-vaishnav vichaaradhaara asamiya sant mahaapurush shreemant shankaradev aur unke shishya maadhavadev dvaara 15veen sadi ke aaspaas shuroo ki gayi thi. in mahaan santon dvaara nirmit kai satr abhi bhi astitv mein hain aur asamiya sanskruti ka ang bane hue hain. maajuli pravaas ke dauraan shreemant shankaradev yahaaain pashchim maajuli ke belaaguri naamak sthaan mein kuchh maheene rooke the. isi sthaan par do mahaan santon, shreemant shankaradev aur maadhavadev ka mahaamiln hua tha. is aitihaasik bheint ka bahut mahatva hai kyonki isi ke baad belaaguri mein “amanikanchan sanjoga” satr sthaapit hua. haalaanki yeh satr ab astitv mein naheen hai. is satr ke baad maajuli mein painsath satr aur sthaapit kiye gaye. asam mein kul 665 mool satron mein se 65 maajuli mein sthit the. maajuli mein sthit mool painsath mein se ab keval baais hi astitv mein hai. kuchh satr bhookataav ke chalte vileen ho gaye aur kuchh satr sahi parichaalan ke abhaav mein naheen rahe. maajuli ke pramukh satr jo ab bhi astitv mein hain vo nimnalikhit hain-

  • dakshinpaat satr: is satr ko vanamaali Dave ne sthaapit kiya tha. ve raasaleela athva raas utsav ke samarthak the. raasaleela ab asam ke raashtreeya tyohaaron ke roop mein manaaya jaata hai.
  • saamaaguri satr: yeh satr raas utsav, bhaavana(dhaarmik naatya) aur anya saanskrutik kaaryakramon ke liye mukhauta banaane ke liye Bhaarat bhar mein prasiddh hai.
  • garamoodh satr: 'yeh satr lakshmeekaant Dave dvaara sthaapit kiya gaya tha. sharad ritu ke ant ke dauraan, paaramparik raasaleela samaaroh dhoomadhaam se manaaya jaata hai. praacheen hathiyaar jinhein “abaratopa” ya top kaha jaata hai yahaaain sanrakshit kiye gaye hain.
  • aauneeaati satr: niranjan paathak Dave dvaara sthaapit kiya gaya yeh satr “paalanaam aur apsara nrutya ke liye prasiddh hai. yeh satr praacheen asami kalaakrutiyon, bartanon, aabhooshan aur hastashilp ke apne vyaapak sankalan ke liye bhi prasiddh hai. is satr ke duniya bhar mein ek sau pachchees shishya aur saat lakh se adhik anuyaayi hain.
  • kamalaabaari satr: baadula padm aata dvaara sthaapit kiya gaya yeh satr, maajuli dweep mein kala, saanskruti, saahitya aur shaastreeya adhyayan ka ek kendra hai. iski shaakha uttar kamalaabaari satr poore desh mein aur videshon mein satreeya nrutya aur saanskrutik kaaryakram prastut kar chuke hain.
  • beingenaaaati satr: muraari Dave jo ki shreemant shankaradev ki sauteli maaain ke pote the, satr ke sansthaapak the. yeh saanskrutik mahatva aur kala ka pradarshan karne ke liye ek naamacheen satr tha. yahaaain ahom raaja svargadev gadaadhar singha ka shuddh sone ka bana shaahi poshaak rakha gaya hai. iske alaava yahaaain svarnanirmit ek shaahi chhaata bhi sanrakshit hai.

ye satr “barageeta”, ''matiyaakhaara'', satreeya nrutya jaise- jhumora nrutya, chhali nrutya, natuaa nrutya, nande bhrungi, sootradhaar, ojhaapalli, apsara nrutya, satreeya Krishna nrutya, dashaavataar nrutya aadi ke sanrakshak sthal hain. ye sabhi shreemant shankaradev dvaara prakhyaapit kiye gaye the.

photo gailari

paryatan

jorahaat shahar se maatr 20 kilometer ki doori par sthit maajuli dweep, ek praakrutik aur saanskrutik viraasat sthal ke roop mein maana jaata hai. maajuli ke vaishnav satr raajya ki saamaajik-saanskrutik siddhaanton ke prachaar-prasaar ke liye ek bahut achha maadhyam rahein hain. yahaaain 16veen shataabdi ke baad se bane anek satr dekhe ja sakte hai. paryatak in satron mein praacheen asameeya kalaakrutiyon, astr-shastr, bartanon, vastr, aabhooshan aur hastashilp ke vyaapak sankalan ko dekh sakte hain aur asam ki viraasat ko mahasoos kar sakte hain.

maajuli mein raasaleela ka ek drushya

in satron mein vishesh roop se ullekhaneeya hain- kamalaabaari satr, uttar kamalaabaari satr, saamaaguri satr, garamoodh satr, aauneeaati satr, beingenaaaati satr, dakshinpaat satr ityaadi. November maheene mein yahaaain 3 divseeya raas utsav hota hai jise dekhne door door se log aate hain. saal bhar yahaaain rang birange saanskrutik kaaryakram aayojit hote rahate hain jo paryatakon ko bahut bhaate hain.

yahaaain vibhinn janajaati ke log rahate hain. unke gaaainvo mein samay bitaakar unhein aur unki sanskruti ko jaana ja sakta hai. unke Khan paan, mushkil haalaat mein jeene ki kala aadi ko samjha ja sakta hai. Ali-aae-ligaang mising janajaati dvaara vasant ritu (fravari- March) mein manaaya jaane wala ek tyohaar hai. paryatak is tyauhaar ka bhi kaafi lutf uthaate hain. is ke alaava, yahaaain mukhaute, mitti ke bartan, mooga resham ki bunaai jaise hastashilp aur hathakaragha utpaadon ko dekha ya khreeda ja sakta hai.

yahaaain ki praakrutik sundarata aur jaiv vividhta ko dekhne aur adhyayan ke liye vishv bhar se log aate hain. yahaaain anek prajaatiyon ke durlabh aur luptapraaya pravaasi pakshiyon ka aavaagaman chalta rahata hai. iname havaaseel (pelikaan), saaiberiyn kren aur greater edajuteint saaras jaise pravaasi pakshi shaamil hain. in pakshiyon ko dekhne ke liye November se March ke beech ka samay sabse uttam hota hain. yahaaain teen aise spauts hain jahaaain se in pakshiyon ko dekha ja sakta hai- maajuli dweep ke dakshin poorv ilaaka, 'maajuli dweep ke dakshin pashchim ilaaka aur maajuli dweep ke uttari bhaag.

maajuli mein saal ke kisi bhi vakt bhraman kiya ja sakta hai. varsha ritu ke dauraan is dweep ke 50-70% bhaag mein paani bhar jaata hai, lekin vidanbana yeh hai ki saal ke is samay yahaaain naav se yaatra aasaan ho jaati hai. praakrutik sundarata bhi isi samay apne charam par hoti hai.

maajuli mein paryatan ke liye buniyaadi suvidhaaon ka vikaas naheen kiya gaya hai. yahaaain koi bhi bada nagar(taaun) hai na hi yahaaain koi achhe hotel hain. yahaaain ke sabse bade nagar kamalaabaari aur garamoodh hai. yahaaain kuchh madhya nimn star ke hotel jarur hain. yahaaain asam sarkaar ke kuchh atithi bhavan jaise "sarkit house", "inspekshan bangale" jaroor hain par ve seemit sankhya mein hain aur aam paryatak ki pahuainch se door hain. yahaaain asam paryatan vibhaag ka "prashaanti tourist lodge" bhi hai, parantu yeh bhi seemit sankhya mein hi tooriston ko rakh sakta hai.

kuchh ''satr'' paryatakon ke liye kamre upalabdh karaate hai. iske liye pehle se hi satr parichaalak se sampark karna aavashyak hai. natun kamalaabaari, uttar kamalaabaari, aauneeaati, bhogapur aur dakshinpaat satr mein aise kamre upalabdh hain,[12] maajuli paryatan ke liye savishesh jaankaari ke liye nimn sthaanon mein sampark kiya ja sakta hai-

  • nideshaalaya, asam paryatan, Guwahati:
deputy director (0361)- 2542748, 2547102
paryatak soochana adhikaari 0361-2544475
  • asam paryatan vikaas nigam, Guwahati: (0361)-2454570, 2454421, 2457117, 2609182
  • up mandal adhikaari, maajuli, garamoodh: 03775-274475
  • MIPADC, (maajuli dweep sanrakshan aur vikaas parishad GS road) sapt shaheed path, Mathura nagar, Guwahati-6

raajaneeti

maajuli asam ke vidhaanasabha samashti ke 99 number nirvaachan kshetr ke antargat aata hai. yeh anusoochit janajaati ke liye aarakshit seat hai. iske alaava yeh teen seaton waali mising svaayattashaasi parishad ke nirvaachan kshetr ke adhikaar kshetr mein bhi padti hai. vartamaan mein maajuli vidhaanasabha samashti seat ka pratinidhitv Congress dal ke shri Rajiv lochan pegu kar rahe hain. ve yahaaain se lagaataar teen baar [2001-2006 evam 2006-2011, 2011--] jeetkar asam vidhaanasabha ke sadasya bane hain. ve asam sarkaar mein jal sansaadhan vikaas vibhaag ke raajya mantri(svatantr prabhaar) hain. ve janajaati(plains) aur pichhde varg ke kalyaan mantri (WPT&BC) bhi hain.

maajuli Lakhimpur Loksabha nirvaachan kshetr ke nau vidhaanasabha kshetron mein se ek hai. bhaarateeya janta party ke shri sarbaanand sonavaal (2014-) yahaaain se saansad hain. vah vartamaan mein khel evam yuva kaaryakram, kaushal vikaas aur udyamita ke raajya mantri(svatantr prabhaar) hai. [13]

shikshan sansthaaeain

maajuli dweep mukhya bhoomi se kata hua hone ke baavajood bhi shikshan sansthaaon ki kami naheen hai. haalaanki yahaaain koi bhi takaniki sansthaan naheen hai.

college evam junior college

college

  • maajuli college
  • jeingraimukh college
  • ujani maajuli kherakatiya mahaavidyaalaya
  • rangaashaahi college
  • garamoodh college

junior college

  • naamoni maajuli junior college
  • peetaambar Dave Goswami junior college
  • maajuli janajaati junior college
  • uttar maajuli janajaati junior college
  • aailaind academy, kamalaabaari

school

  • keshav Ram bora haai school
  • mahakhooti gereki praathamik vidyaalaya
  • gereki janajaati M. E. school
  • dweep academy
  • jeingraimukh haai school
  • jeingraimukh girls haai school
  • seint paul school
  • shri lohit haai school
  • maajuli aauneeaati hemachandr haai school
  • meeraagadh naaraayanadev haayar sekeindari school
  • jonaaki jaateeya vidyaalaya
  • N.S. greenavud angreji meediym haai school
  • mekheligaanv janta girls haai school
  • karaateepaar haai school [sthaapit 1940]
  • saamaguri satr raavanaapaar[seeesaaar] model haayar sekeindari school [sthaapit 1962]
  • Bapuji haai school
  • rangaashaahi thaanooraam naath uchch vidyaalaya
  • rangaashaahi thaanooraam naath M. E. school
  • 208 na. rangaashaahi nimn buniyaadi vidyaalaya
  • 48 na. katakeebaari praathamik vidyaalaya (elapi school)
  • madhya maajuli paarijaat haayar sekeindari school, katakeebaari gaanv.
  • jonaaki samoohiya ati haayar sekeindari school.
  • vivekaanand kendra vidyaalaya
  • foolani haai school
  • foolani mujhe school
  • 1 na. foolani praathamik vidyaalaya
  • garamoodh shri shri peetaambar Dave haai school
  • siraam banaamaleedev haai school
  • siraam banaamaleedev haayar sekeindari school
  • bhaktidvaar haayar sekeindari school
  • ratanapur miri haai school
  • mudoibil teliyaabaari senior besik school
  • major devari janajaateeya haai school
  • svarnashri haai school
  • rangaashaahi roopajyoti praathamik vidyaalaya
  • jaamudachuk laahan haai school
  • 1 na. kamalaabaari praathamik vidyaalaya
  • 2 na. kamalaabaari praathamik vidyaalaya
  • 68 na. naamakaataani praathamik vidyaalaya
  • kamalaabaari academy, daariya
  • khaaranjapaar traaibal haai school
  • milnajyoti haai school, tataya gaanv

sandarbh

baahari kadiyaaain

  • [2] maajuli inafaarmeshan
  • [3] asam paryatan
  • [4] maajuli paryatan
  • [5] MIPADC, (maajuli dweep sanrakshan aur vikaas parishad)
  • [6] janasankhya ghanatv adhyayan