lok sanskruti

sanskruti brahm ki bhaaainti avarnaneeya hai. vah vyaapak, anek tattvon ka bodh karaane waali, jeevan ki vividh pravruttiyon se sanbandhit hai, at: vividh arthon va bhaavon mein usaka prayog hota hai. maanav man ki baahya pravrutti-moolak preranaaon se jo kuchh vikaas hua hai use sabhyata kaheinge aur usaki antarmukhi pravruttiyon se jo kuchh bana hai, use sanskruti kaheinge.[1]

lok ka abhipraaya sarvasaadhaaran janta se hai, jiski vyaktigat pehchaan na hokar saamoohik pehchaan hai. deen-heen, shoshit, dalit, jangali jaatiyaaain, kol, bheel, gond (janajaati), santhaal, naag, kiraat, hoon, shak, yavan, khas, pukkas aadi samast lok samudaaya ka milaajula roop lok kahalaata hai. in sabki mileejuli sanskruti, lok sanskruti kahalaati hai. dekhne mein in sabka alag-alag rahan-sahan hai, veshabhoosha, Khan-paan, paharaava-odhaava, chaal-vyavahaar, nrutya, geet, kala-kaushal, bhaasha aadi sab alag-alag dikhaai dete hain, parantu ek aisa sootr hai jismein ye sab ek maala mein piroi hui maniyon ki bhaaainti dikhaai dete hain, yahi lok sanskruti hai. lok sanskruti kabhi bhi shisht samaaj ki aashrit naheen rahi hai, ulate shisht samaaj lok sanskruti se prerana praapt karta raha hai.

lok sanskruti ka ek roop hamein bhaavaabhivyaktiyon ki shaili mein bhi milta hai, jiske dvaara lok-maanas ki maangalik bhaavana se ot prot hona siddh hota hai. vah ' deepak ke bujhane' ki kalpana se sihr uthata hai. isliye vah 'deepak bujhaane' ki baat naheen karta 'deepak badhaane' ko kehta hai. isi prakaar 'dookaan band hone' ki kalpana se saham jaata hai. isliye 'dookaan badhaane' ko kehta hai.[2] lok jeevan ki jaisi saralatam, naisargik anubhootimyi abhivyanjana ka chitran lok geeton va lok kathaaon mein milta hai, vaisa anyatr sarvatha durlabh hai. lok saahitya mein lok maanav ka hrudaya bolata hai. prakruti swayam gaati gunagunaati hai. lok jeevan mein pag pag par lok sanskruti ke darshan hote hain. lok saahitya utana hi puraana hai jitna ki maanav, isliye usamein jan jeevan ki pratyek avastha, pratyek varg, pratyek samay aur prakruti sabhi kuchh samaahit hai.[3]

anukram

lok sanskruti ki aatma

lok sanskruti ke sanrakshak, pratishthaapak ye graameen, paramahans athva abodh baalak ki bhaaainti swayam apne ko kuchh bhi naheen samjha karte. inke marm aur vaastavik svaroop ko adhyayan-mananasheel vidvaan hi samajhte hain. bhaarateeya lok sanskruti ki aatma bhaarateeya saadhaaran janta hai jo nagaron se door gaaainvon, van-praanton mein nivaas karti hai.

lok sanskruti ke vividh aayaam

bharateeya lok sanskruti shramasheel samaaj ki sanvedanaatmak aavegon ki abhivyakti rahi hai. dharati ke har hisse ke mool nivsiyon ne apni lok sanskruti ki raksha ki hai. lok sanskruti prakruti ki god mein panapati hai. lok sanskruti ke upaasak ya sanrakshak baahar ki pustakein na padhkar andar ki pustakein padhte hain. lok sanskruti ki shiksha pranaali mein shraddha-bhakti ki praathamikta rahati hai. usamein avishvaas, tark ka koi sthaan naheen rahata. lok sanskruti mein shraddha bhaavana ki parampara shaashvat hai, vah ant: salila sarasvati ki bhaaainti janajeevan mein satat pravaahit hua karti hai. lok sanskruti evam lokottar sanskruti tatha vishv ki sabhi sanskrutiyon ka beej ek hi hai. yeh beej lok sanskruti hi hai.[4] lok sanskruti bahut vyaapak hai, vahaaain vah sab kuchh hai jo lok mein hai, lok sanskruti lok se chhan-chhan kar aati hai, lok se hatkar jab ham usaki vyaakhya karne lagte hain to usaki tamaam baatein ashleel lag sakti hain, jaise gaaliyaaain, parantu ye gaaliyaaain lok mein prachalit hain aur dainik jeevan mein inka bharpoor prayog bhi dekha ja sakta hai par jab inki aap vyaakhya karne baith jaayein to sharm aane lagti hai. koi gaaainv, koi kshetr aisa naheen hai jahaaain gaaliyaaain naheen prayukt hoti. lok jeevan mein inka bhi mahatva hai, man ki granthi khul kar saaf ho jaati hai. lok ko samajhna itna aasaan bhi naheen hai, lok parampara aur lok sanskruti mein bhi bada antar hai, paramparaaon mein se achhi achhi baatein nikal nikal kar kaalaantar mein lok sanskruti banti rahati hai, lok sanskruti antas mein rachi basi hoti hai. gaaliyaaain aur apashabd lok sanskruti ke antargat naheen lok parampara mein aate hain...... lok sanskruti nasht naheen hoti paramparaaeain banti bigdti rahati hain..... lok sanskruti mein kuchh bhi ashleel naheen hai lekin lok parampara mein, lok jeevan mein ashleelta dekhi ja sakti hai. lok mein jo kuchh hai vah sab ka sab lok sanskruti naheen hai. tona aur totaka lok jeevan ke ang hain. lok jeevan mein inka prayog khoob hota hai.

sandarbh

  1. sammelan patrika, lok sanskruti ank, sampaadakeeya, prushth-7. hindi saahitya sammelan, prayaag. 1973.
  2. lok sanskruti ki aatma- narmedeshvar chaturvedi, sammelan patrika, lok sanskruti ank, prushth-120. hindi saahitya sammelan, prayaag. 1973.
  3. dau॰ jagadeesh vyom ka lekh- "baal saahitya ka kendra lok saahitya"- kaadambini maasik patrika - June- 1998, prushth-80.
  4. bhaarateeya sanskruti mein lok jeevan ki abhivyakti, mahaamahopaadhyaaya gopeenaath kaviraaj, M.A., sammelan patrika, lok sanskruti ank, prushth-24. hindi saahitya sammelan, prayaag. 1973.

baahari kadiyaaain