lok sangeet

vaidik riachaaon ki tarah lok sangeet ya lokageet atyant praacheen evam maanaveeya sanvedanaaon ke sahajatam udgaar hain. ye lekhani dvaara naheen balki lok-jihva ka sahaara lekar jan-maanas se ni:srut hokar aaj tak jeevit rahe.

raashtrapita mahaatma Gandhi ne kaha tha ki lokageeton mein dharati gaati hai, parvat gaate hain, nadiyaan gaati hain, fasalein gaati hain. utsav, mele aur anya avsaron par madhur kanthon mein lok samooh lokageet gaate hain.

sva0 Ramnaresh tripaathi ke shabdon mein jaise koi nadi kisi ghor andhakaaramayi gufa mein se bahakar aati ho aur kisi ko uske udgam ka pata na ho, theek yahi dasha lokageeton ke baare mein vidvaan maneeshiyon ne sveekaari hai.

aachaarya raamachandr shukl is prabhaav ko sveekruti dete hue kehte hain jab-jab shishton ka kaavya panditon dvaara bandhakar nishchesht aur sankuchit hoga tab-tab use sajeev aur chetan prasaar desh ke saamaanya janta ke beech svachhand bahti hui praakrutik bhaav dhaara se jeevan tatv grahan karne se hi praapt hoga.

lokageet to prakruti ke udgaar hain. saahitya ki chhandabaddhata evam alankaaron se mukt rahakar ye maanaveeya sanvedanaaon ke sanvaahak ke roop mein maadhurya pravaahit kar hamein tanmayata ke lok mein pahuncha dete hain. lokageeton ke vishay, saamaanya maanav ki sahaj samvedna se jude hue hain. in geeton mein praakrutik saundarya, sukh-du:kh aur vibhinn sanskaaron aur janm-mrutyu ko bade hi hrudayasparshi dhang se prastut kiya gaya hai.

sangeetamayi prakruti jab gunaguna uthati hai lokageeton ka sfuran ho uthana svaabhaavik hi hai. vibhinn riatuon ke sahajatam prabhaav se anupraanit ye lokageet prakruti ras mein leen ho uthate hain. baarah maasa, chhaimaasa tatha chaumaasa geet is satyata ko rekhaankit karne vaale siddh hote hain. paavasi sanvedanaaon ne to in geeton mein jaadui prabhaav bhar diya hai. paavas riatu mein gaae jaane vaale kajari, jhoola, hindola, aalha aadi iske pramaan hain.

saamaajikta ko jinda rakhane ke liye lokageeton/lokasanskrutiyon ka saheja jaana bahut jaroori hai. kaha jaata hai ki jis samaaj mein lokageet naheen hote, vahaan paagalon ki sankhya adhik hoti hai. sadiyon se dabe-kuchale samaaj ne, khaas kar mahilaaon ne saamaajik dansh/apamaan/ghar-parivaar ke taanon/jeevan sanghashon se judi aapa-dhaapi ko abhivyakti dene ke liye lokageeton ka sahaara liya. lokageet kisi kaal vishesh ya kavi vishesh ki rachanaaen naheen hain. adhikaansh lokageeton ke rachaitaaon ke naam agyaat hain. daraasal ek hi geet tamaam kanthon se gujar kar poorn hui hai. mahilaaon ne lokageeton ko jinda rakhane mein mahatvapoorn yogadaan diya hai. aaj vaishveekaran ki aandhi mein humne apni kalaaon ko tahas-nahas kar diya hai. apni sanskrutiyaan anupayogi/bekaar ki jaan padne lagi hain. aise samay mein jogiya, faajilnagar, kusheenagar janapad ki sanstha-`lokarang saanskrutik samiti´ ne lokageeton ko sahejane ka kaam shuroo kiya hai. sanstha ne tamaam lokageeton ko batora hai aur apne prakaashanon mein chhaapa bhi hai. sanstha mahatvapoorn lok kalaakaaron ke anveshan mein bhi lagi hui hai aur usane rasool jaise mahatvapoorn lok kalaakaar ki khoj ki hai jo bhikhaari thaakur ke samakaaleen evam un jaise jaroori kalaakaar the.

• lokageet
• lokanrutya

• The channel TV of traditional music
• The World and Traditional Music section at the British Library Sound Archive
• The Traditional Music in England project, World and Traditional Music section at the British Library Sound Archive
• The Mudcat Cafe and Digital Tradition song database
• An article on folk music from the Encyclopedia of Music in Canada
• Welsh Folk-Song Society
• Encyclopedia of Oklahoma History and Culture - Folk Music
• Folk Music-A Blog features folk songs & folk artists around the world.
• The Crooked Road: Heritage music trail-A famous 243-mile experience where folk and bluegrass music originated.
• Folk Alley A Non-Profit Listener Supported Folk Music Resource, Streaming online since 2004
• Traditional songs - Folk song lyrics of the world