lodhi vansh

lodhi vansh (pashto / urdu: سaaلaaطaaنaaت لaaوaaدaaھaaی) khilji afgaan logon ki pashtoon jaati se bana tha. is vansh ne Delhi ke saltanat par uske antim charan mein shaasan kiya. inhonne 1451 se 1526 tak shaasan kiya.

Delhi ka pratham afgaan shaasak parivaar lodiyon ka tha. ve ek afgaan kabeele ke the, jo sulemaan parvat ke pahaadi kshetr mein rahata tha aur apne padosi soor, niyaaji aur noohaani kabeelon ki hi tarah giljaai kabeele se juda hua tha. giljaaiyon mein taajik ya turk rakt ka sammishran tha.

poorv mein multaan aur peshaavar ke beech aur pashchim mein gajani tak sulemaan parvat kshetr mein jo pahaadi nivaasi faile hue the lagbhag 14veen shataabdi tak unki bilkul agyaat aur nirdhanata ki sthiti thi. ve pashupaalan se apni jeevika chalaate the aur yada kada apne sampann padosi kshetr par chadhaai karke lootpaat karte rahate the. unke uchhrunkhal tatha ladaakoo svabhaav ne Mehmood gajanavi ka dhyaan apni or aakrusht kiya aur al-utbi ke anusaar usane unhein apna anugaami bana liya. goravansheeya prabhuta ke samay afgaan log du:saahasi aur pahaadi vidrohi maatr rahe. Bhaarat ke ilabari shaasakon ne afgaan sainikon ka upayog apni chaukiyon ko majboot karne aur apne virodhi pahaadi kshetron par kabja jamaane ke liye kiya. yeh sthiti muhammad tugalak ke shaasan mein I. ek afgaan ko soobedaar banaaya gaya aur daulataabaad mein kuchh dinon ke liye vah sultaan bhi bana. feeroj tugalak ke shaasanakaal mein afgaanon ka prabhaav badhna shuroo hua aur 1379 E. mein malik veer naamak ek afgaan Bihar ka soobedaar niyukt kiya gaya. daulat Khan shaayad pehla afgaan tha jisne Delhi ki sarvochch satta (1412-1414) praapt ki, yadyapi usane apne ko sultaan naheen kaha.

saiyadon ke shaasanakaal mein kai pramukh praant afgaanon ke adheen the. bahalol lodi ke samay Delhi ki sultaanashaahi mein afgaano ka bolabaala tha.

bahalol lodi malik kaala ka putr aur malik baharaam ka pautr tha. usane sarkaari seva sarahind ke shaasak ke roop mein shuroo ki aur Punjab ka soobedaar ban gaya. 1451 E. tak vah multaan, Lahore, deepaalapur, samaana, sarahind, sunnaam, hisaar firoja aur katipya anya paraganon ka svaami ban chuka tha. pratham afgaan shaah ke roop mein vah somvaar 19 April 1451 ko Abu mujffar bahalol shaah ke naam se Delhi ki gaddi par baitha.

gaddi par baithane ke baad bahalol lodi ko anek samasyaaon ka saamana karna pada. uske sabse bade pratidvandvi the jaunapur ke sharki sultaan kintu vah vijit pradeshon mein apni sthiti drudh karne aur apne saamraajya ka vistaar karne mein safal hua.

bahalol lodi ki mrutyu 1489 E. mein hui. usaki mrutyu ke samay tak lodi saamraajya aaj ke poorvi aur pashchimi Punjab, uttar pradesh aur Rajasthan ke ek bhaag tak fail chuka tha. sultaan ke roop mein bahalaal lodi ne jo kaam kiye ve siddh karte hain ki vah bahut buddhimaan tatha vyavahaarakushal shaasak tha. ab vah ladaakoo pravrutti ka ya yuddhapriya naheen rah gaya tha. vah sahrudaya tha aur shaanti tatha vyavastha sthaapit karke, nyaaya ki pratishtha dvaara tatha apni praja par kar ka bhaari bojh laadne se virt rahakar janakalyaan ka sanvardhan karna chaahata tha.

vahalol lodi ka putr nijom khaaain, jo usaki hindu patni tatha svarnakaar putri Hema ke garbh se utpann hua tha, 17 July 1489 ko sultaan sikandar shaah ki upaadhi dhaaran karke Delhi ke sinhaasan par baitha.

apne pita se praapt raajya mein sikandar lodi ne viyaana, Bihar, tirhut, dholapur, mandarail, arvatagadh, shivpur, naaravaar, chanderi aur naagar ke kshetr bhi milaae. sharki shaasakon ki shakti usane ekdam nasht kar di, gvaaliyr raajya ko bahut kamjor bana diya aur maalava ka raajya tod diya. kintu neetikushal, ranakushal kootneetigya aur jananaayak ke roop mein sikandar lodi apne pita bahalol lodi ki tulana mein naheen tik paaya.

sikandar lodi 21 November 1517 ko mara. gaddi ke liye uske donon putron, ibraaheem aur jalaal mein jhagada hua. at: saamraajya do bhaagon mein baint gaya. kintu ibraaheem ne bainta hua doosra bhaag bhi chheen liya aur lodi saamraajya ka ekaadhikaari ban gaya. jalaal 1518 mein maut ke ghaat utaar diya gaya.

lodi vansh ka aakhiri shaasak ibraaheem lodi uttar Bhaarat ke ekeekaran ka kaam aur bhi aage badhaane ke liye vyagr tha. gvaaliyr ko apne adheen karne mein vah safal ho gaya aur kuchh kaal ke liye usane raana saaainga ka aage badhna rok diya. kintu Afghan sarkaar ki antarnihit nirbalataaon ne sultaan ki nipunataaheen kathorata ka sanyog paakar, aantarik vidroh tatha baahari aakraman ke liye darvaaja khol diya. jaheeruddeen muhammad baabar ne 20 April 1526 E. ko Panipat ki ladaai mein ibraaheem ko hara aur maut ke ghaat utaarakar Bhaarat mein mugal saamraajya ki sthaapana ki. teenon lodi raajaaon ne chauthaai shataabdi tak shaasan kiya. is prakaar mugalon ke poorv ke shaahi vanshon mein tugalakon ko chhodkar unka shaasan sabse lamba tha.

Delhi ke lodi sultaanon ne ek nae vansh ki sthaapana hi naheen ki; unhonne sultaanashaari ki paranparaaon mein kuchh parivartan bhi kiye; haalaaainki unki sarkaar ka aam dhaaaincha bhi mukhyat: vaisa hi tha jaisa Bhaarat mein pichhle dhaai sau varshon ke turk shaasan mein nirmit hua tha.

hinduon ke saath vyavahaar mein ve apne poorvavartiyon se kaheen adhik udaar the aur unhonne apne aacharan ka aadhaar dharm ke bajaay raajaneeti ko banaaya. falasvaroop unke shaasan ka mool bahut gaharaai tak ja chuka tha. lodiyon ne hindu-muslim-sadbhaav ka jo beejaaropan kiya vah mugalashaasan mein khoob faladaayi hua.

dekhein

sandarbh