lauh yug

Korea ke silla raajya ke kaal se lauh-kavach jo Koreai raashtreeya sangrahaalaya mein rakha hua hai

lauh yug (Iron Age) us kaal ko kehte hain jismein manushya ne lohe ka istemaal kiya. itihaas mein yeh yug paashaan yug tatha kaansya yug ke baad ka kaal hai. paashaan yug mein manushya ki kisi bhi dhaatu ka khanan kar paane ki asamarthata thi. kaansya yug mein lohe ki khoj naheen ho pai thi lekin lauh yug mein manushyon ne taanbe, kaanse aur lohe ke alaava kuchh anya thos dhaatuon ki khoj tatha unka upayog bhi seekh gaya tha. vishv ke bhinn bhaagon mein lauh-prayog ka gyaan dheere-dheere failane ya utapann hone se yeh yug alag samayon par shuru hua maana jaata hai lekin anaatoliya se lekar bhaarateeya upamahaadveep mein yeh 1300 isaapoorv ke aaspaas aarambh hua tha, haalaanki kuchh sroton ke anusaar is se pehle bhi lohe ke prayog ke kuchh chinh milte hain.[1][2]

is yug ki visheshata yeh hai ki ismein manushya ne vibhinn bhaashaaon ki varnamaalaaon ka vikaas kiya jiski madad se us kaal mein saahitya aur itihaas likhe ja sake. sanskrut aur cheeni bhaashaaon ka saahitya is kaal mein fala-foola. rigved aur avastaai gaathaaeain isi kaal mein likhi gayi theen. krushi, dhaarmik vishvaason aur kalaashailiyon mein bhi is yug mein bhaari parivartan hue.[3][4]

inhein bhi dekhein

sandarbh

  1. Archaeomineralogy, p. 164, George Robert Rapp, Springer, 2002
  2. Understanding materials science, p. 125, Rolf E. Hummel, Springer, 2004
  3. The Junior Encyclopæadia Britannica: A reference library of general knowledge. (1897). Chicago: E.G. Melvin.
  4. C. J. Thomsen and Jens Jacob Asmussen Worsaae first applied the system to artifacts.