lauh stambh

lauh stambh par likhit chinh
lauh stambh
likhit lipi ka angreji anuvaad

lauh stambh Delhi mein kutub meenaar ke nikat sthit ek vishaal stambh hai. yeh apne-aap mein praacheen bhaarateeya dhaatukarm ki paraakaashtha hai. yeh kathit roop se raaja chandragupt vikramaaditya (raaj 375 - 413) se nirmaan karaaya gaya, kintu kuchh visheshagyon ka maanana hai ki iske pehle nirmaan kiya gaya, sanbhavat: 912 ipoo mein. stambh ki uainchaai lagbhag saat meter hai aur pehle hindu va jain mandir ka ek hissa tha. terahaveen sadi mein kutubuddeen aibak ne mandir ko nasht karke kutub meenaar ki sthaapana ki. lauh-stambh mein lohe ki maatra kareeb 98% hai aur abhi tak jang naheen laga hai.

anukram

parichay

lauh stambh ka doosra drushya

lagbhag 1600 se adhik varshon se yeh khule aasmaan ke neeche sadiyon se sabhi mausamon mein avichl khada hai. itne varshon mein aaj tak usamein jang naheen lagi, yeh baat duniya ke liye aashcharya ka vishay hai. jahaan tak is stambh ke itihaas ka prashn hai, yeh chauthi sadi mein bana tha. is stambh par sanskrut mein jo khuda hua hai, uske anusaar ise dhvaj stambh ke roop mein khada kiya gaya tha. chandraraaj dvaara Mathura mein vishnu pahaadi par nirmit Bhagwan vishnu ke mandir ke saamane ise dhvaj stambh ke roop mein khada kiya gaya tha. is par garud sthaapit karne hetu ise banaaya gaya hoga, at: ise garud stambh bhi kehte hain. 1050 mein yeh stambh Delhi ke sansthaapak anangapaal dvaara laaya gaya.

is stambh ki oonchaai 735.5 se.mi. hai. ismein se 50 semi. neeche hai. 45 se.mi. chaaron or patthar ka platform hai. is stambh ka ghera 41.6 se.mi. neeche hai tatha 30.4 se.mi. oopar hai. iske oopar garud ki moorti pehle kabhi hogi. stambh ka kul vajan 6096 ki.gra. hai. 1961 mein iske raasaayanik pareekshan se pata laga ki yeh stambh aashcharyajanak roop se shuddh ispaat ka bana hai tatha aaj ke ispaat ki tulana mein ismein kaarban ki maatra kaafi kam hai. bhaarateeya puraatatv sarvekshan ke mukhya rasaayan shaastri dau॰ bi.bi. laal is nishkarsh par pahunche hain ki is stambh ka nirmaan garm lohe ke 20-30 kilo ko tukadon ko jodne se hua hai. maana jaata hai ki 120 kaareegaron ne () dinon ke parishram ke baad is stambh ka nirmaan kiya. aaj se solah sau varsh poorv garm lohe ke tukadon ko jodne ki ukt takaneek bhi aashcharya ka vishay hai, kyonki poore lauh stambh mein ek bhi jod kaheen bhi dikhaai naheen deta. solah shataabdiyon se khule mein rahane ke baad bhi uske vaise ke vaise bane rahane (jang na lagne) ki sthiti ne visheshagyon ko chakit kiya hai. ismein faasforas ki adhik maatra va salfar tatha mainganeej kam maatra mein hai. slag ki adhik maatra akele tatha saamoohik roop se jang pratirodhak kshamata badha dete hain. iske atirikt 50 se 600 maaikron moti (ek maaikron = 1 mi.mi. ka ek hajaaravaan hissa) aaksaaid ki parat bhi stambh ko jang se bachaati hai.

sandarbh

vistrut pathan

  • King Chandra and the Mehrauli Pillar, M.C. Joshi, S.K. Gupta and Shankar Goyal, Eds., Kusumanjali Publications, Meerut, 1989.
  • The Rustless Wonder – A Study of the Iron Pillar at Delhi, T.R. Anantharaman, Vigyan Prakashan, New Delhi, 1996.
  • Delhi Iron Pillar: New Insights. R. Balasubramaniam, Delhi: Aryan Books International and Shimla: Indian Institute of Advanced Studies, 2002, Hardbound, ISBN-81-7305-223-9. [1] [2]
  • The Delhi Iron Pillar : Its Art, Metallurgy and Inscriptions, M.C. Joshi, S.K. Gupta and Shankar Goyal, Eds., Kusumanjali Publications, Meerut, 1996.
  • The World Heritage Complex of the Qutub, R Balasubramaniam, Aryan Books International, New Delhi, 2005, Hardbound, ISBN 81-7305-293-X.
  • Story of the Delhi Iron Pillar, R Balasubramaniam, Foundation Books, New Delhi, 2005, Paperback, ISBN-81-7596-278-X.
  • Delhi Iron Pillar (in two parts), R. Balasubramaniam, IIM Metal News Volume 7, No. 2, April 2004, pp. 11-17. and IIM Metal News Volume 7, No. 3, June 2004, pp. 5-13. [3]
  • New Insights on the 1600-Year Old Corrosion Resistant Delhi Iron Pillar, R. Balasubramaniam, Indian Journal of History of Science, 36 (2001) 1-49. [4]
  • The Early use of Iron In India. Dilip K. Chakrabarti. 1992. New Delhi: The Oxford University Press.

baahari kadiyaaain