laseeka tantr

maanav (stri) ka laseeka tantr

jab rudhir keshikaaon se hokar bahata hai tab usaka drav bhaag (rudhir ras) kuchh bhautik, raasaayanik ya shaareerik pratikriyaaon ke kaaran keshikaaon ki patali deevaaron se chhanakar baahar jaata hai. baahar nikla hua yahi rudhir ras laseeka (Lymph) kahalaata hai. yeh vastut: rudhir hi hai, jismein keval rudhirkanon ka abhaav rahata hai. laseeka ka shareerasth adhishthaan laseekaatantr (Lymphatic System) kahalaata hai. is tantr mein laseeka antaraal (space), laseekaavaahiniyon aur vaahiniyon ke beech beech mein laseekaagranthiyaaain rahati hain.

laseeka tantuon ke asankhya sookshm tatha aniyamit laseeka-antaraalon mein prakat hoti hain. ve antaraal paraspar anek aisi sookshm laseekaavaahiniyon dvaara sambaddh hote hain, jo patali shiraaon ke samaan atyant komal deevaar tatha atyadhik kapaaton se yukt hoti hain. ye keshikaaon (capilaries) ke sadrush koshaanuon ke keval ek star se hi bani hoti hain aur unheen ke sadrush inmein maayalin pighaan rahit tantrikaatantuon (non-medullated nerve fibres) ka vitran hota hai. chhoti-chhoti ye laseekaavaahiniyaaain paraspar milkar badi badi laseekaavaahiniyon ka roop dhaaran kar leti hain, jinmein aage chalakar do shaakhaaeain niklati hain : (1) dakshin tatha (2) vaam. dakshin shaakha mein shareer ke thode bhaag se laseekaavaahiniyaaain milti hain, yatha sir aur greeva ka dakshin bhaag, dakshin shaakha (haath, pair) evam vaksh ka dakshin paarshv. vaam shaakha mein shareer ke shesh bhaag se, jinmein paachananalika bhi sammilit hai, laseekaavaahiniyaaain aakar milti hain. in donon shaakhaaon mein kapaaton ka baahulya hota hai. laseeka peechhe ki or naheen laut sakti. pratyek shaakha ke khulne ke sthaan par bhi ek kapaat hota hai, jo laseeka ke shiraaon mein hi pravisht hone mein sahaayak hota hai, shiraarakt ko vipreet disha mein naheen jaane deta.

anukram

laseekaagranthiyaaain

sabhi laseekaavaahiniyaaain apne maarg ke kisi na kisi bhaag mein laseekaagranthiyon se hokar gujarati hain. inheen granthiyon mein laseekaakanikaaon (lymph corpuscles) ka nirmaan hota hai. ye granthiyaaain aakaar mein gol ya andaakaar hoti hain tatha inki aakruti vrukk jaisi hoti hai. iske sabse baahar sanyojak ootak ka ek kosh hota hain, jismein kuchh anaichhik pesheesootr (involuntary muscle fibres) bhi rahate hain. kosh se pravardhan granthi ke bheetar vrunt ki or jaate hue bahut se traivekyoola (trabecula) hote hain. laseekaagranthi ka baahya bhaag anek koshthon mein vibhkt rahata hai, jinhein laseeka koshthikaaeain (Alveoli) kehte hain. in koshthikaaon mein jaal ke samaan laseekaatantu bhara rahata hai, jiske beech beech mein laseekaakanikaaeain bhari rahati hain.

laseekaagranthi ka aabhyantarik bhaag do bhaagon se bana hai :

(1) praantastha (Cortical) - yeh bhaag halake rang ka hota hai.

(2) antastha ya majjaka (Medullary) - yeh bhaag kuchh laali liye hue hota hai. anek antasth nalikaaon se laseekaavaahiniyaaain laseekaagranthi mein pravisht hoti hain, jo iske uttal bhaag mein kosh ko paarakar laseekaapathon mein khulati hain.

kuchh praaniyon mein tatha shareer ke kuchh bhaagon mein in granthiyon ka rang laal hota hai. inhein rudhir (haemal) laseekaagranthi kehte hain. inki laseekaavaahiniyon mein rudhir bhara rahata hai.

laseeka ka pravaah

24 ghanton mein laseekaapathon se nikalkar rudhir mein pravisht honevaali laseeka ka parimaan bahut adhik hota hai. yeh dekha gaya hai ki aahaar poora milne par rudhir ke baraabar parimaan mein hi laseeka 24 ghanton mein dakshin aur vaam shaakhaaon se gujarati hai. isliye yeh spasht hai ki laseeka sansthaan mein laseeka ka pravaah ati sheeghrata se hona chaahiye.

rudhirparivhan ko banaae rakhane ke liye shareer mein hrudaya ki vyavastha hai. laseeka ke parivhan ke liye laseeka ki aage ki or gati nimnalikhit kaaranon par nirbhar karti hai :

(1) dabaav ka antar - bhautik niyamon ke anusaar drav padaarth adhik dabaav se kam dabaav ki or bahate hain. laseeka ke utpattisthaan laseeka antaraal se lakshya sthaan greeva ki shiraaon ke dabaav mein bahut antar hai. at: dabaav ke isi antar ke kaaran pravaah aage ki or hota rahata hai.

(2) vaksheeya chooshan (Thoracic Aspiration).

(3) laseekaavaahini ka niyamit sankoch.

(4) shareer ki cheshtaaeain.

(5) laseekaavaahini mein sthit kapaat.

laseeka ka nirmaan

antasth drav (interstitial fluid) se laseeka ka nirmaan

baahari kadiyaaain