langoor

nar langoor

langoor (Langur), eshiyaayi bandaron ki vibhinn jaatiyon ka saamaanya naam hai. yeh praaimet gan (Primate) ke sarkopitheesidi kul (Cercopithecidae family) ka prasiddh praani hai, jo kaheen-kaheen hanumaan bandar bhi kaha jaata hai. yeh kad mein bandari se kuchh bada, lagbhag do foot ka hota hai. lekin iski dum iske shareer se lambi rahati hai. maada nar se chhoti hoti hai.

iske shareer ka rang sileti tatha ayaal bhoora hota hai jo oopar ki or gaadha aur neeche ki or halaka rahata hai. chehare, kaan, talue aur haath-pair ka baahari hissa kaala rahata hai.

langoor, bandaron se kam oodhami hote hain aur aabaadiyon ki apeksha jangalon mein rahana adhik pasand karte hain, lekin kaheen-kaheen bastiyon mein bhi inke bade-bade gol dikhaai padte hain.

inka mukhya bhojan fal-fool hai, lekin bandaron ki tarah, ye galla, keede makode aur ande bhi kha lete hain. maada ek baar mein ek bachcha deti hai, jo kuchh samay tak maaain ke pet se chipka rahata hai.

Shimla, Himachal pradesh mein langoor
langooron ka bhaugolik vitran





baahari kadiyaaain