langada bukhaar

early signs: swelling of tigh, with leg hanged up, and tail raised (arrows)
Recovered calf after removing of all necrosed tissue

langada bukhaar (Blackleg ya 'black quarter' ya BQ) saadhaaran bhaasha mein jaharabaad, fadasoojan, kaala bye, krushnajandha, langadiya, ekatanga aadi naamon se bhi jaana jaata hai. yeh rog praay: sabhi sthaanon par paaya jaata hai lekin nami vaale kshetron mein vyaapak roop se failata hai.

mukhya roop se is rog se gaaya, bhains evam bheind prabhaavit hoti hai. yeh rog chhah maah se do saal tak ki aayu vaale pashuon mein adhik paaya jaata hai. yeh rog 'langadi beemaari' ke naam se prasiddh hai. yeh gau jaati mein praay: tatha bhais aur bhedon mein kabhi-kabhi hone wala chhitput athva mahaamaari prakrutivaala jeevaanu (baiktiriya) se paida hone wala pashu rog hai jismein saadhaaran jvar tatha maansal bhaag ka dardayukt soojan evam langadaapan pramukh lakshan hai. yuva tatha svasth pashu jyaada prabhaavit hote hain.

anukram

rog ke lakshan

yeh rog go-pashuon mein adhik hota hai. is rog mein pashu ko tej bukhaar aata hai tatha usaka taapamaan 106 degree faurenaait se 107 faurenaait tak pahunch jaata hai. pashu sust hokar khaana peena chhod deta hai. pashu ke pichhli va agali taangon ke oopari bhaag mein bhaari soojan aa jaati hai. jisse pashu langada kar chalne lagta hai ya fir baith jaata hai. tatha soojan vaale sthaan ko dabaane par kad-kad ki aavaaj aati hai. pashu chalne mein asamarth hota hai. yeh rog praay: pichhle pairon ko adhik prabhaavit karta hai evam soojan ghutne se oopar vaale hisse mein hoti hai. yeh soojan shuroo mein garam evam kashtadaayak hoti hai jo baad mein thand evam dardarahit ho jaati hai. pairon ke atirikt soojan peeth, kandhe tatha anya maansapeshiyon vaale hisse par bhi ho sakti hai. soojan ke oopar waali chamadi sookhakar kadi hoti jaati hai.

pashu ka upachaar sheegra karavaana chaahiye kyonki is beemaari ke jeevaanuon dvaara hua jhar shareer mein poori tarah fail jaane se pashu ki mrutyu ho jaati hai. is beemaari mein proken penisileen kaafi prabhaavashaali hai. is beemaari ke rog nirodhak teeke lagaae jaate hai.

mrutyu dar : 80-100 pratishat.

rokathaam evam bachaav

  • varsha ritu se poorv is rog ka teeka lagava lena chaahiye. yeh teeka pashu ko 6 maah ki aayu par bhi lagaaya jaata hai.
  • rogagrast pashuon ko svasth pashuon se alag kar dena chaahiye.
  • bhedon mein oon katarane se teen maah poorv teekaakaran karva lena chaahiye kyonki oon katarane ke samay ghaav hone par jeevaanu ghaav se shareer mein pravesh kar jaata hai jisse rog ki sambhaavana badh jaati hai.
  • soojan ko cheera maarkar khol dena chaahiye jisse jeevaanu hava ke sampark mein aane par aprabhaavit ho jaata hai.

upachaar

penisileen, salfonaamaaid, tetraasaaikleen group ke entiba yotiks ka saportiv aushadhi ke saath upayog, beemaari ki teevrata tatha pashu ki sthiti ke anusaar laabhakaari hai. soojan vaale bhaag mein cheera lagaakar 2 pratishat haaidrojan peroksaaid tatha potaashiym paramainganet se dresing kiya jaana laabhakaari hai.

inhein bhi dekhein

baahari kadiyaaain