lakshmi Narayan mandir, modeenagar

lakshmi Narayan mandir, modeenagar
{{{varnan}}}

naam: shri lakshmeenaaraayan mandir, Modi mandir
nirmaata: raayabahaadur goojaramal Modi
nirmaan kaal :
devata: mukhya lakshmi Narayan, anya sabhi mukhya Bhagwan
vaastukala: hindu vaastukala
sthaan: modeenagar,uttar pradesh

lakshmeenaaraayan mandir Bhaarat ke uttar pradesh ke Ghaziabad jile ke modeenagar kasbe mein sthit hai. ise prachalit roop mein Modi mandir bhi kaha jaata hai. Delhi ke bidla mandir se kuchh kuchh mel khaate hue is mandir ki bhavyata dekhte hi banti hai.

anukram

sthiti

yeh mandir Delhi-Meerut-deharaadoon raajamaarg (raashtreeya raajamaarg) sankhya 58, jo ki modeenagar ke beechon beech se niklata hai, par sthit hai. yeh mandir, maarg ke pashchimi or sthit hai. yeh modeenagar ke mukhya baajaar se laga hua, modeenagar shoonya kilometer ke meelapatthar se 200 meter ki doori par hi sthit hai. iske saamane hi Modi udyog saamraajya ka nivaas sthaan Modi bhavan bana hua hai. Modi bhavan maarg ke poorvi or bana hai. is mandir se laga hua hi modeenagar ka loar baajaar hai, va daakakhaana hai. paas hi Modi nagar ki mashahoor shikanji vaalon ki dukaanein hain. iske saamane hi Modi bhavan se lagi hui Modi indastreej ka kaaryaalaya, Modi cheeni mil, va doosari or upper baajaar hai. aage railway road niklati hai, jiske doosare chhor par modeenagar ka railway station hai.

nirmaan

is mandir ka nirmaan Modi udyog saamraajya ke sansthaapak raayabahaadur goojaramal Modi ne 3 February 1963 ko hindu kaal ganana ke anusaar vasant panchami ke din karaai thi. is mandir ki moortiyon ki praan pratishtha hetu himaalaya se svaami krushnaashram ji mahaaraaj ko bulaaya gaya tha. kehte hain, ki ve apne poorn jeevan mein maatr do baar hi himaalaya se neeche utare the. pehli baar pandit madan mohan maalaveeya ke anurodh par kaashi hindu vishvavidyaalaya ki sthaapana ke liye aae the. doosari baar raayabahaadur goojaramal Modi evam unki dharmapatni dayaavati Modi ke anurodh par yahaan praan-pratishtha samaaroh mein aae the. unke alaava shri shri aanandamayi maan, shri haribaaba, svaami krushnaanand govindaanand ji, brahmachaari bhagavatasvaroop ji va kai anya pahuainche hue sant mahaatma padhaare the.

mandir

mandir mein sabse pehle pahal shri lakshmi-Narayan ji, shri uma-maheshvar tatha shri durga ji ki moortiyon ki sthaapana ki gayi thi. baad mein hanumaan ji, gaayatri maata, santoshi maata ki moortiyaan sthaapit ki gain theen.

veinkateshvar moorti

kaalaantar mein Bhagwan shri veinkateshvar ki moorti ki sthaapana ki gayi thi. is mandir ki moorti ka nitya pooja archana ke saath hi, pratyek shukravaar ki subah saadhe paaainch baje Abhishek kiya jaata hai, jo ki lagbhag ded ghante chalta hai. iske baad inka shrungaar bhi kiya jaata hai.

raamaleela manch

mandir ke dakshini or ek bahut hi bada laal patthar ka sundar raamaleela manch nirmit hai, jiske aage bahu stareeya darshak deergha bani hai, jismein lagbhag ek hajaar darshak baithakar raamaleela ka aanand le sakte hain. manch mein teen ankon ke liye upamanch bane hain. jinse raamaleela ka ek ank ho kar chukta hai, jisko hataaya ja raha hota hai, us hi samay doosare manch par agala ank pradarshit ho raha hota hai. evam teesare manch par agale ank ki taiyaari ho rahi hoti hai. is prakaar doosare manch ka ank poora hone ke saath hi teesare ank ka parda uth jaata hai, evam darshakon ka taaratamya bana rahata hai, va koi prateeksha antaraal naheen aata hai. manch ke sthaapatya ko praacheen hindu sthaapatya shaili mein hi banaaya gaya hai.

sthaapatya

yeh poora mandir laal baluaa patthar se bana hai, jiske andar shvet sangamarmar va anya pattharon ka prayog kiya hua hai. is mandir ki shaili dekhein to mukhya shikhar kaling hindu mandir shaili ke bane hain. shesh mandir bhi hindu mandir shaili par bane hain. mukhya mandir ke saath hi baain or devi durga ka, evam daain or Bhagwan uma-maheshvar ka mandir bana hooaa hai. ye teeno mandir andar se aapas mein jude hue hain. mukhya shikhar sabse ooncha hai, jispar chaaaindi ka chhatr shobha paata hai. shesh donon shikhar mukhya shikhar se kuchh chhote hain, jo ki sahaayak roop mein khadae dikhaai dete hain, va un donon par rajat trishool shobha paate hain, shivji ke shikhar vaale trishool mein ek damaroo bhi bandha hai. mukhya mandir samooh se uttari (daain) or hanumaan ji ka mandir hai, jismein unki vishaal evam bhavya moorti sthaapit hai. is se laga hua hi shri Ram darbaar ka mandir hai. mukhya mandir se dakshini or (baain) yajnyaashaala bani hai, jisse laga hua hi Bhagwan shriveinkateshvar mandir sthit hai. ismein unki bhi ek vishaal moorti sthaapit hai. shesh mandir ke aage shvet sangamarmar ka khula praangan hai. iske aage sarovar hai, jismein favvaare lage hain, va ek vishaal peetal ki panaghat se do ghade le jaati hui moorti lagi hai.

sandarbh

inhein bhi dekhein

baahari sootr